Part XIX
過左一個星典G都無打過比我,我諗佢隻腳都無乜事,咁我都已經無放係心度,其實可以叫唔得左.我繼續我既頹廢,過左唔知幾耐,我諗個幾月,G打黎
G: 得唔得閒飲杯野? (聽把聲唔幾開心)
我: 妳隻腳仲有無事?
G: 無事啦,咁耐都仲有事咩.
我: 對唔住
G: 咁得唔得閒飲杯野?
我: 我都係打緊機,無乜問題既(都想睇下佢隻腳有無事)
G: 咁我去機舖搵妳啦
G 黎到機舖,企左係我後面睇我打機,我可能大專心打機,都唔知佢黎左!到打嬴左先叫我,我地出左D 飲咖啡既地飲飲野,坐底左,叫左野之,我就問G
我:妳點呀? 無再去覆診咩?
G: 有,不過BF 同左我去,所以無叫妳.
我:唔好意思,咁睇左幾多錢?我比返妳啦
G: 唔洗啦
我: 好似唔幾好,係我整傷妳
G: 得啦,呢餐妳架啦
我: 呢餐?呢餐得兩杯咖啡咋喎..
G: 咁今日妳包晒啦
我: 錢我就無, 但都應該夠妳今日掛.
G: OK,咁我地第一站去LV買袋先
我: (心諗,乃野啦,都未識比反應)
G: 講笑咋,陪我去公園行啦
我: (鬆返口氣)我地杯野都未飲喎..
G: 咁咪羅埋去公園飲羅
我: 哦..
我地行左去附近既公園,G又唔講野,我又唔知講咩,我就係度周圍望下.
G: 係度昅女呀?
我: 唔係呀
G: 咁有咩睇呀? 咁大個靚女度都唔撩下我傾偈,係度周圍望.
我: 傻笑一笑,妳同我出街唔驚比BF知咩?
G: 唔驚喎,妳好驚咩?
我: 好似怪怪地咁
G: 有咩咁怪,佢都可以同第2D 女仔去街去到攬攬錫錫,我地只係行下公園,算係D 咩.
我: (心諗,又乃野,比人做左磨心),妳BF 有第2個?
G: 以我所知,已唔2個
我: 係呀?咁妳仲同佢一齊?
G: 鍾意一個人就係咁傻, 希望等到最後做勝利者
我: (唔知講咩好)咁..好咩?
G: 唔好架,但起碼仲有機會同佢一齊
我: 聽到個心好酸,但又比唔到咩反應
G: 唔洗理我,我係度亂UP
我: 飲唔飲D野?
G: 我地手上咪有2杯咖啡羅,傻佬,想閃呀?
我: 係喎..唔記得左
G: 傻佬
我: 唔知講咩,又靜左落黎
G: 不如去唱K 羅?
我: (又唱K) E+ ?
G: 唔夠錢呀? AA LA
我: 咁又唔係,真想去? (其實係唔想去唱,因為唱緊既都係D 唔開心既歌,真係驚到時係我失控)
G: 去啦,好耐無,好想唱下.
我: 哦..咁去啦.
去到K度,G係咁唱,而我就陪坐,唔係好想唱
G: 做乜唔唱呀? 我唔會笑妳唱得難聽果喎.
我: 唔係,唱歌好唱聽啫,驚凍親妳.
G: 得啦, 黎X咪又係成日走音都可以做4大天王啦.,唱下O者唔洗死既,同埋妳話左今日陪我果喎..唔好懶貓.
我:咁只好點D無咁傷心既歌,希望唔會"軒"起我既情緒.
G: 估唔到你唱歌咁好聽喎 (唔好信,老牛聲就有)
我: 老牛聲都話好聽..??/
G: (佢另則左個人,雙腳放左梳化度,慢慢背脊挨住我既右手)
我: 望一望佢,覺得佢好似係度喊緊,但無乜聲,唔想比我見到,所以另則左個人,我繼續唱歌,等佢可以舒緩下,過左一陣,我點左好多歌,由得佢開住伴唱,而我其實都唔係好得,就起身叫左2SET啤酒飲.
http://www.youtube.com/watch?v=C43x3Tz01ek
[size=+2]等了又等 - 陳潔儀 但願栽花可以忘掉傷感 季節變遷了 始終不改我心 但願你未在人生中消失 抹掉眼淚為你再等 ＊時日秒秒細緻像塵 仍為你記錄了在何年何月與日 曾是愛過便叫人興奮 縱讓折磨的心 等了又等 ＃愛著你 掛念你 渴望你前來和我接近 花也哭 花亦笑 似在說 無望也不要緊 ＋我願意 有日會 一覺甦醒這夢會變真 你若有日回來 重生多可愛 盼為我 親這心 深深去吻 但願花朵可以陪伴一生 季節變遷裡 細數天天變更 動物作伴未能開解痴心 暗地裡又為你再等 重唱 ＊,＃,＋ 愛著你 掛念你 你便會前來和我接近 心也哭 心亦笑 有著你從沒半點缺少 這是你 再望你 怎會猜想這夢會變真 你是這樣會來 情景真可愛 在令我 心裡多興奮
待續..........
[ 本帖最後由 PostitCY 於 2012-1-29 02:55 PM 編輯 ]
