Part IX
果日我著得好CASUAL,企左係金鐘戲院!睇下有咩戲好睇,睇睇下,T就指住一出戲(魔戒,唔記得左係2,3)
我:妳岩睇呢D戲咩?
T:我有睇書,覺得好好睇尤其係講亞曼同亞拉岡...........
我:我都好鍾意,但我無睇書
T:我借套書比你睇啦
我:另晒頭,唔洗客氣啦,最驚睇書
邊傾,就去排隊買飛,T話不如買爆谷同氣水啦好無?咁我地就去買爆谷同氣水,到買氣水,我話唔該2杯氣水,T就話1杯得啦(跟住係我耳仔講2支飲管咪得羅,我都係飲2啖咋,唔洗買2杯)!跟住就入左場,睇戲,咁有睇魔戒既人都知有果D半獸人同強獸人,都幾核突,咁佢都有D 驚,就捉住左我手脾!我話驚妳又睇,T話,咁本書係好好睇架,點知D怪獸咁肉酸喎,而我就睇得好投入,因為我本身都好鍾意呢類型既戲,夠晒熱血......
睇左一陣我覺得T隻手有D 凍,我就摸一摸佢隻手,跟住就係個背囊度左件風褸比T,叫佢褸住,佢望一望我就好"嬲"住但2隻手都仲係捉住我隻手,其實我係有D唔自在!跟住我飲左2啖氣水,因為我真係對爆谷麻麻,所以佢就放左係佢大脾中間,食下又捉下我隻手咁.(係度抺手咩).....到佢飲氣水,一下就將2支飲管一齊入晒口就係度飲,我望一望,佢就話,唔洗咁既,飲你2啖氣水O者,我話,唔係,妳2支飲管飲晒....
T:咪好羅,有人聽晒妳話.
我:CREDIT CARD NUBMER 幾多號?
T:我都無CREDIT CARD...
我:講笑O者...就繼續睇戲
好快就睇完戲,咁佢就摺返作風褸比返我,我就唔該跟住收返入袋,T就話應該我講唔該先岩喎.
我笑一笑,就同佢行返出去.出到去,好似有D大風，佢就著左件紫紫地色既碎花裙，都好似幾單溥咁，我又羅件風褸出黎，就遞左比T,T就話都唔襯既,點著喎,我話都係著一著O者,好過凍親啦,T就笑一笑,就著左,跟住我地去左食自助餐.
行入去果時,佢見到好多甜品,就好開心咁講,嘩咁多甜品既,好開心,唔明點解女人見到甜品會咁開心,但佢開心既情緒都令我放鬆左好多!咁我地就坐底,就傾下食下,傾左好多野,F既野都有講D比佢知,佢食左好多甜品,我只食左2轉壽司刺身同一轉肉類,跟住就食生果.
T問我做咩食得咁少,我話不嬲食自助餐都係咁上下,佢羅左2杯雪糕比左一杯我,同我講食甜品個人會開心D架,仲笑一笑,佢呢一笑真係電力十足,真係比佢電到!點可以笑得咁甜既?跟住我個腦就閃一閃出F既樣,曾幾可時,F既笑容都好甜美,但好似好耐都無見過佢既笑容,令我就沉一沉,雖然內裡係唔係幾開心,但表面,我仲係有D微笑對住T,而T係一個觀察人好細膩既人,佢好似已經察覺到我果一剎那既唔開心,杯雪糕我食左一半,食完我地繼續傾左一陣,佢突然遞隻手黎幫我抹一抹嘴角雪糕留下既印,我當時係縮左,本能反應,T笑一笑講:你隻污穢貓,想留返做宵夜呀? 就再幫我抺多一次,今次我無縮到,T再講,幫妳抺嘴O者,洗唔洗打返比女友報告返?呢一句我知佢係度試緊我,我就問T,妳成日幫人抺嘴架?T:係呀成日去醫院做探訪,成日都要幫D 公公婆婆抺嘴架.我笑左一笑.個心都係覺得怪怪地,就問佢
我:點解陪我飯睇戲?
T: 呢餐係你要請果喎,我係呃多場戲睇咋, 嘻嘻
我:咁,點解果日陪我坐係碼頭咁耐?
T: 我都唔開心,咁岩見到個傻佬坐係度飲悶酒咁左咁耐,又有得呃酒飲,咪坐下羅
我:妳唔驚我係壞人?
T: 驚架
我:咁妳又坐咁耐?
T: 你都幾多野問果喎
我: SORRY
T: 傻佬..
我: 不如走羅,T點一點頭,咁我地就賣單走,問佢搭咩車返屋企,佢話行啦,慢慢行,我話,半山喎........
T: 行下啦,食左咁多野,要做返D 運動.
我: 哦左一陣就同佢慢慢行返屋企.
一路行都無乜對話,行到一陣,幾大風,我問佢著返件風褸啦!佢笑一笑,好似暗示話(你而家先落出黎架,遲唔遲D ?) 幫佢搭好係膊頭度,就繼續行,差唔多1個鐘既路程,好似好快,好快就到左佢屋企門口!T多謝左一聲,就入返去,而我,又一個人既時候,就原返上黎條路,慢慢自己行返落去,心情麻麻,個心好掛住F,但又好似無為再自討沒趣.
一路行,諗起好多同F既片段,佢係生日同我講果句說話經常係我腦海出現重覆又重覆,突然電話響起,心諗F打黎?
唔係係T.
T:傻佬,請完我食BUFFET 無錢踏車返屋企呀?
我:妳講咩呀?
T:我見到有個傻佬行緊喎
我:減肥呀,食左咁多野,想行下.
T:咁呀,我又減
我:玩野咩,送完妳返屋企,又行出去.
T:嘻嘻,我都食左好多甜品
我:唔好玩啦,一陣又要我送妳返過上去
T:咁咪可以食宵夜?
我:快D 去沖涼休息啦.
T:呢度無咩野好喎.
我聽到呢一句,另一另轉頭,見到佢係我後面,我話妳做咩又落黎架...
T:我見到有個傻佬唔開心,由頭先食飯已經係擔心佢羅.
我:咁妳仲唔快D 去搵個傻佬..
T:我咪同緊個傻佬講野羅
我:妳....點知..
T:我無近視
我:...........
T:拉左我去附近一個公園,坐底左,妳分左手?
我:無正式講
T:咁妳做乜唔做D野留住佢?
我:一個人個心變左,做乜野都好難令佢變返原本咁.
T:妳唔試又點知唔得呢?
我:
唔係好識答呢個問題,只係DUM底個頭.
T: (講左一句好老土既野)試都仲有機會,唔試就一定無機會果喎
我:其實心裡有數,無為夾硬黎啦,只會大家仲唔知點..
T:妳對自己咁無信心架
我:咁多事比我既答案已經好清楚
T:聽日我地去BBQ 喎有無興趣?
我:唔啦,D人都唔識
T:妳怕羞呀?
我:係呀
T:咁妳識我架麻,最多聽日我痴住妳, OK ?
又比佢疲勞轟炸左幾個字,最後都係屈服左,跟住送返佢返企,就的士返屋企休息.
待續..........
[
本帖最後由 PostitCY 於 2012-1-30 12:21 PM 編輯 ]
