寫得好好.....我超級極級大懶蟲CDROM都一定要專登登入回 , 因為寫得好好 :smile_35:
雖然你感情線係煩左d , 但係文筆真係好鬼流暢, 超值得推介
我分享一下我小小既經歷啦, 反正未必有人睇, 睇到既咪當share下囉
其實我都有差唔多既經歷 , 但係我當時要決定左手定右手易揀好多
其中一個原因令我易揀係因為
當時我正正被同一句說話:「重承諾既男人, 都係自討苦吃多」煩擾左好一陣
最後我搵到我自己既答案
重承諾, 又點會自討苦吃呢? 唔理係男人, 女人 , 重承諾絕對係一件好事!
問題係亂下承諾, 咁先會出事
做唔到但係又承諾, 想反口又過唔到自己個關, 所以先會覺得自討苦吃
咩係承諾?
下承諾後, 再將兩個攞埋一齊去秤, 即使秤得比別人細, 比別人輕, 也不改變, 繼續維持原判, 呢個就係承諾
所以我當時就諗左好耐, 點解「重承諾既男人, 都係自討苦吃多」呢?
最後我終於明白, 問題在於自己未諗清楚自己有否能力去下果個承諾
如果冇能力去下果個承諾, 但係又要下, 倒頭來做唔到, 重承諾既人就會帶畀自己無盡既煩惱, 正正就係自討苦吃
我得出一條問題, 究竟邊個承諾係我冇能力做, 但又下左既承諾呢? 搵到佢, 放棄佢, 就過到自己
重承諾, 亦要識得有反省檢討, 係人都有錯, 許錯承諾, 都係錯既一種, 接受會錯既自己, 接受可以改過既自己
警惕自己以後許下承諾之前, 諗清楚係唔係真係做得到, 免得將來發現做唔到時, 又後悔當初的承諾, 又唔想反口做衰人既兩難局面
我自己就搵返喇
早既承諾有可能係年少無知, 騎牛搵馬而不自知
遲既承諾有可能係貪新鮮刺激, 用1+1=2既天秤去秤人, 被眼前漂亮蒙蔽
冇話最早既承諾係正確, 後既承諾就係錯
承諾冇分遲早, 只分自我檢討
