宇宙消失的豬豬

原來呢度可以寫下野 我都想記錄一下我同佢既關係
故事分左6 part 係#1 #7 #16 #22 #23 #44

我地係2006年認識，當時係交友討論區識左佢，佢叫呀Roy ，識左之後開始用MSN傾計，傾左唔係好耐佢就主動提出去爆房，我都好爽咁答應

我地第一次見係係銅鑼灣皇室堡，我有啲餓去左Starbucks食啲野，叫佢上黎搵我，我第一眼見到佢覺得都唔錯 身高180瘦身材，佢等我食完就一齊去搵時鍾，我記得大約係鵝頸橋果邊，好舊式既唐樓內既時鍾，入到房我去沖涼先，我包住毛巾出黎見佢係床上食緊煙，佢問我食唔食煙 我話唔食

佢一啲都唔候擒，我地一齊訓係床上面對面，慢慢 慢慢鼻貼鼻就開始錫，佢太溫柔反而另我好緊張，同佢錫好舒服，佢慢慢開始摸我，成個過程佢都好主動咁換姿勢，亦有主動錫我妹妹，不過我冇幫佢含，因為果時既我對做愛冇咩研究，佢亦冇要求我幫佢含

做完後我地前後腳去沖涼，大家沖完涼換好衫又未夠鍾退房，所以坐多陣，佢大字型咁訓係床度，果刻其實我好想攬住佢，傾左幾句計電話就饗，提我地夠鍾，落到街唔記得係佢問我定係佢提出，我地竟然去左行商場，一齊window shopping，佢冇咩講野，我亦唔識搵話題，行過見到鋪頭啲得意野，咪指下笑下囉，行完商場佢送我去搭巴士，佢陪我等埋巴士先走，就係咁結束左第一次約會

🥱眼訓喇 明天再寫 待續

[ 本帖最後由 宇宙消失的豬豬 於 2020-2-19 02:26 編輯 ]

公司小獅子

期待下集.......

四衝程

第妳 part II....

taibb88

樓主訓醒再寫, 等睇 P.2 🙏🏻🙏🏻

失落完

引用:

原帖由 宇宙消失的豬豬 於 2020-2-17 03:21 發表
原來呢度可以寫下野 我都想記錄一下我同佢既關係
我地係2006年認識，當時係交友討論區識左佢，佢叫呀Roy ，識左之後開始用MSN傾計，傾左唔係好耐佢就主動提出去爆房，我都好爽咁答應

我地第一次見係係銅鑼灣皇室堡，我有啲餓去 ...

十多年前嘅事，樓主仲記住
睇嚟都好刻骨銘心
等睇續集

quizquizquiz

期待更新
遇到適合又自己喜歡的確不易

[ 本帖最後由 quizquizquiz 於 2020-2-17 14:44 編輯 ]

宇宙消失的豬豬

好 繼續寫埋part 2先

上回講到第一次約會

之後過左幾日，佢打電話俾我傾計，我聽到好大聲既音樂，原來佢坐係自己架車入面，話準備返屋企食飯，我地就咁傾左一陣，互相了解下背景，我記得有問佢有冇拍拖，佢話覺得拍拖好麻煩，唔記得隔左幾多日，我地再出黎去街，今次佢約我去睇戲

我地約2~3點係銅鑼灣廣場附近等，我落左車就企定等佢，佢今次帶左眼鏡，好似後仲生左☺，我地去買飛睇戲，不過唔記得睇咩😅，我以為佢會係戲院拖住我，但冇 好失望，我又唔敢拖佢，怕佢唔鍾意，睇完戲去左食野，傾下大家做咩工作，佢有問我幾時生日，我記得佢好似係4月1日生日，食完野都係去行街，行完街冇地方去，我話去食雪糕，不停問我想去邊，我話唔知，其實我都諗佢會唔會話去爆房，不過佢講野好細聲，我好似聽到佢話去訓覺，我當聽唔到🤣，我話冇地方去咁我走喇，行到去燈位未轉綠燈，但冇車 佢就一手拖住我過馬路，但我過完馬路就放左手，我唔知佢真係想拖我快啲過，定其實想一直拖住我，就係咁過左第2次約會

之後諗左好耐，我做咩要放手呢，如果冇放手，我係咪可以做到佢女朋友呢

之後都只係有時msn見到先傾計，佢會耐唔耐打俾我傾計，都有講過幾次話出黎既，但最後都冇左件事，慢慢佢就冇再搵我🥺

時間一年一年咁過，但我冇忘記過佢，有時會諗 會唔會係街見返佢呢～
我試過偷偷用冇來電打俾佢，初初都打得通，但後來已經係冇此號碼喇

轉個眼就5年，我都識左個男朋友準備結婚，有日收到左唔識既電話miss call，因為我有做freelance化妝，諗住有生意就打返轉頭，我問邊位搵我，佢話佢係呀Roy，我真係呆左，估唔到隔左5年佢再搵返我

🤓抖一抖先 轉頭再寫

CCandy

引用:

原帖由 宇宙消失的豬豬 於 2020-2-17 15:32 發表
好 繼續寫埋part 2先

上回講到第一次約會

之後過左幾日，佢打電話俾我傾計，我聽到好大聲既音樂，原來佢坐係自己架車入面，話準備返屋企食飯，我地就咁傾左一陣，互相了解下背景，我記得有問佢有冇拍拖，佢話覺得拍拖好麻煩，唔記得 ...

五年之後再食過

公司小獅子

好肉緊呀... 好想繼續睇落去

丁春秋

係佢既咩野令你一直記住佢？