果陣時, 話就話做左朋友, 但係我地冇交換電話….有時候搭lip撞到會傾幾句, 有時係屋苑樓下撞到, 一齊行入去電梯大堂….就係咁, 我地咁樣維持左成個月…
有一次, 好大雨, 我出左地鐵站行番屋企, 大雨到有遮都濕晒....我去到大堂見到佢, 一齊入lip, 架lip得我地兩個人....架lip一路上, 我feel到佢望住我, 望左好耐, 過左幾秒, 我鼓起勇氣抬頭同佢對望....果一刻, 我feel到佢有d野, 我feel到佢好似有野想講, 但係冇幾耐, 架lip到站, 佢行出去....好似大家都有d依依不捨咁, 突然, 佢拎轉頭同我講:「不如, 得閒既話約食飯啦.」我話: 「好呀.」
返到屋企, 有小小興奮既感覺, 我望住街, 超大雨, 突破諗到個idea....
我拎左兩個叮叮飯, 搭lip落去, 去到佢單位前面....果時個心跳得好快, 我超緊張, 諗左好耐係唔係應該禁鐘....忽然間, 佢打開門, 我呆左....原來佢諗住落街買野食....咁我就話, 咁大雨, 不如一齊叮飯食啦....佢見到我拎住兩個飯, 就請左我入去...
嗯....果陣時我先知....原來佢間屋有一家三口....但係佢老婆同個女長期係加拿大, 一年都唔見幾次....我有d down down地, 靜左....佢見到我靜左, 就不斷同我傾, 一路食一路講下自己野, 雖然有d唔開心, 但係我真係覺佢好型好吸引, 所以, 我地既第一餐飯, 我都食得ok既....
意想不到既係....
我走既時候....去到佢門口, 想佢幫我開門, 點知, 佢行到好近, 望左我一陣, 跟住忽然好溫柔咁同我講:「我鍾意左你。」我唔知點反應, 淨係識得望住佢, 點知佢突然捉住我兩邊膊頭, 好快咁鍚左埋黎我個咀度....
我勁驚, 抿實個咀, 過左兩三秒, 推開左佢....我同佢講叫佢唔好, 跟住佢都好冷靜咁, 幫我開左門, 俾我出去....
我行出去既時候, 佢叫住我, 同我講:「如果你下次想再黎探我, 我一定會歡迎你.」
我冇理佢, 就走左....
To be continued...
