引用:
原帖由 Julianna.S_1991 於 2012-7-12 01:46 PM 發表 
多謝你打左咁多字同我講....
但係我真係好鍾意佢....我唔想自己後悔....對唔住....
其實我同妳同年
我係男仔都唔幫男仔
老實講妳成日話同佢係有愛情,覺得佢係鍾意你又點又點
妳同佢只不過係樓上樓下,係一次見面打招呼認識,
大家經歷過D咩?就係果次你整親腳,佢買野比你食?
講拍拖佢同佢老婆識左咁多年,年紀差唔多,又有小朋友
回憶同經歷多你幾百條街啦
佢洗同個21既女仔拍拖談戀愛,大家CHANNEL咩都唔同,除左為做愛我真係諗唔到第2個理由
當初係你獨女成日一個人留係屋企,(我唔知妳朋友多唔多啦),先會太空虛,
咁岩遇上佢就發生成咁 如果妳唔係咁lonely一定唔會搞成咁
講真佢真係一個仆街,知你咁細第一次仲要搞妳,仲要有老婆仔女,咁大個人做野唔諗後果
你唔好諗宜家成日忘記唔到佢,好想同佢一齊,分開要就個心好痛好痛
係,一定會,因為你真係鍾意佢
但係你宜家先21,大排好既生活等住你
妳要做既係擴wide自己既圈子,識返個同自己差唔多大既男仔,搵返份工
到時放工有時可以同d朋友玩下行下街,
有時搵下男朋友,假日學下自己鍾意既野or陪下屋企人
再到時你有個完整既家庭,同小朋友
你回頭就會覺得2012年21碎既妳真係好蠢
你做既野係咁,而唔係宜家坐係電腦面前係引板到同我地爭嗌話你好愛佢,
唔想分開,又post點樣呃屋企人話去朋友到玩其實去左搵佢
,話佢離左婚等等
我講咁多係唔想一年or2年後妳同自己講,
點解我之前咁蠢曬左咁多保貴時間,好後悔等等
你有幾愛?我敢擔保半年-1年唔見佢,
你已經唔在愛佢,過緊更好既生活
送你一句,你可以活得更好更精彩
宜家選擇權就係你到, Girls make your choice (諗下之後既你,你屋企人)
我之前都講話自己好愛一個女仔,唔會再愛其他,為左佢花心開都會專一
我宜家同你講,我都覺得自己好傻同曬左時間
打左咁多可能好亂同好長氣,so sorry about that!
但呢d都係我心底話,我知好難係一個留言講曬我想講既野,但我希望妳感受到
[
本帖最後由 donknowmyname 於 2012-7-12 07:35 PM 編輯 ]
