話說阿May佢老公呢一段時間都喺香港，令到我同阿May冇得開心。攪到我成個人悶悶不樂，但大家都仲會出去食飯，但就冇Happy。唯有叫自己唔好胡思亂想，唯有寄情運動上面。的起心肝收工夜晚跑步，一個星期不定時跑兩晚，每晚兩個鐘。跑咗一個月覺得唔夠皮，就上網check下泰國泰拳酒店。俾我搵到清邁有一間，就即刻book酒店同同泰掌班。返工同阿姐請教日假夾星期六日，可以操足6日。pack埋拳套架生飛過去。
去到清邁要轉車坐成個鐘先到酒店，嗰度真係山卡啦。士多都冇間，呢幾日煙仔都慳返。呢5日4夜真係咩都唔駛諗，真係可以靜心操拳。因為全部都係仔，連酒店養嗰隻狗都係公。每日都係起身跑一個鐘頭步、食早餐、埋沙包、自由練習。午餐、跟教練打pad、對打練習、自由加操或休息。6點晚餐........日日咁操真係好攰。呢5日咁操，個人真係fit咗。
假期完結，返到公司如常工作。同事見到我都呆咗，明顯係黑咗同fit咗。梗係啦，日操夜操又冇啖好食，唔瘦就有鬼。
阿may見到我都同平時一樣咁糖黐豆咁。佢見我fit咗就用手指篤我手臂、胸。佢話真係實好多。我入去貨倉whatsapp佢: 我有另一個地方都操得好fit，想唔想睇? 阿may覆我: 8月先啦，老公8月去德國出差......我回覆: 好，我就keep住操到8月。
如是者我一直keep住做運動，當然都改變我衣著同飲食。衣著就係由一直著開嘅三角底改為孖煙通、減少著著牛仔褲，目的唔好焗住。飲食方面，食少菜多肉提高蛋白質。另外每個星期都食生蠔或海鮮。呢個改變直到8月初.........
8月初一個星期四晚，阿May whatsapp send咗張相俾我。張相係一個男人背住鏡頭行緊去機場禁區。個男人就係佢老公，佢老公入閘出差去德國。佢whatsapp仲講星期六13:00做完瑜珈。
咁即係叫我星期六邊度都唔好去啦。。。。
[ 本帖最後由 gary781129 於 2020-3-11 17:21 編輯 ]
