去到第2朝 SS都重係攬住我 為左唔想整醒佢 我就靜靜地起身沖涼換衫 為免"危險" 沖涼之前我都有lock門 點不知沖完涼 佢竟然未醒 唔知係唔係因為佢太攰啦 我都無理到佢就出門口食早餐返公司
返到去 見到間房度門開左 而且M坐咗喺入面
M: 早晨呀 我買咗早餐呀 一齊食呀
我: 唔洗啦 我食咗啦 你自己食啦 我要繼續做嘢啦
M: OK 咁我出返去先 唔阻住你做正經嘢啦
總係覺得今日嘅M比之前嘅佢更加奇怪 不過已經唔理啦 做埋少少手尾已經要開會同開始做一啲testing 過埋啲testing簽埋啲文件就可以返香港啦 可能我真係太忙嘅關係 班女仔都唔太敢搵我吹水啦 M就自己做自己嘢 當我好尊心咁喺房度做緊嘢 M走咗埋黎
M: 放工一齊食飯呀
我: 唔啦 我打算留喺度開OT 我同佢地講咗 佢地都無咩所謂 總之make sure走嗰時熄晒啲燈就OK
M: 哦 咁好啦
我都唔理得佢地咁多啦 SS又好 M又好 都係做好啲嘢緊要 一路做一路做 其他人都應該已經走晒 走咗去pantry買可樂提提神 返去房嘅時候竟然聽到開門聲 原來係M返咗黎
M: 你肚唔肚餓呀? 我買咗個take-away俾你呀
我: 吓? 我未餓呀 今晚要死好份test plan之後要做埋啲手尾
M: 咁我喺度陪你
我: 我想靜靜地一個人做嘢 我OK架啦 你唔需要陪我架
M: ......人地都係想見多你幾面之麻 咁都唔領情
我: 我唔係咁意思 我只係想做好晒啲嘢先做其他嘢
M: 一係咁啦 你食完個take-away我就走啦
我: OK 我而家即刻食晒佢
為咗唔想M阻住我做嘢 我拿拿聲食晒個外賣就趕佢走 我就繼續開工 又不停咁做 做到望一望錶 原來已經點幾鐘 反正都差唔多做到7788 結果決定都係返酒店休息 再加上唔知SS又會喺我間酒店房攪咩 驚驚地之下拿拿聲塊嘢走人
落到樓下 其實都幾難搵的士 結果就決定行番酒店 一路行一路諗究竟SS佢想點而M又想點 好煩 突然間有人拍我一下 當唐成日嚇一嚇 原來係M
我: 你點解會喺度架?
M: 等你放工囉
我: 你一直喺樓下等我?
M: 係呀 唔好咩?
我: 唔好呀 一個女仔咁夜重喺度好危險架 我幫你搵的士啦
M突然間攬住左我
M: 唔好啦 你就黎走啦 俾我陪多你一陣啦
我: 你唔好攬得我咁實啦
M: Sorry呀 (之後就突然好溫柔咁攬實我) 你知唔知我真係對你有感覺呀
我: 乜你唔係咩架咩
M: 係呀 我係TB呀 不過TB唔俾對男仔有感覺咩
我: ...... anyway啦 好夜啦 我都返酒店休息啦 我幫你搵的士啦
M: 不如我今晚去你酒店過夜呀
我: (心離一離) 唔得啦 好唔方便喎
M: ...... OK啦 咁我走先啦
送咗佢搭的士之後我就自己行返酒店 估唔到之後就有大事發生
