引用:
原帖由 silksocksboy 於 2012-5-31 11:40 PM 發表 
同你係故事入面所提及既閒言閒語差唔多。
我年中見唔到叫做有少少姿色，又無料到，都係又做到個Senior，仲要以為自己好醒好巴閉，咪又係靠賣身體，都唔知同做雞有咩分別。
你既故事一開始話你新上班介紹佢 ...
ching...佢咁做岩唔岩，都係見人見智
起初我上工第一日，就比佢"疾"，我都對佢有D唔好感，況且第一次要under女人，個心都有D唔舒服。但係做落左，發覺佢都係唔錯既上司，辦事能力幾強，唔係果D持住有幾分姿色，做野就糊里糊塗既女仔。佢做野好仔細，叫人做野講得清清楚楚，有D咩野要留意既地方都教埋你，直頭好似家姐教細佬咁(佢年紀應該大過我1~2年)，唔似我以前個男上司，拋左一大堆文件比你就算，叫你自已諗掂佢。至少返工對住個靚女上司，點都好過對住個"麻佬"上司，點都醒神D。佢係個斯斯文文既OL，好少當眾責罵下屬(更加唔會說粗口，問候人家娘親，我以前就經常比我男上司吊)，就算有野做得唔好，佢都淨係叫你入房慢慢同你傾，佢話做錯野唔緊要，最緊要知道錯係邊度。
商場如戰場，大家都知，可以鬥到屍橫遍野，你死我活。佢用另類方法找生意，博上位，這點我不願評論，我都唔知起初佢點解會咁做，可能做左一次之後，慾罷不能，變成人在江湖，身不由己，不過，這些都是我的推測。
係我地班男同事中，大家都心知肚明。不過佢既然能為公司爭到生意，我地又有花紅分，咪當冇事發生。
佢用的手段，當然有唔少人睇唔順眼，始終辦公室政治係極端邪惡的，加上行家與行家間表面上言談甚歡，暗地裡如同死敵，好多人都想"對冧"佢，在我離開左D間公司之後，真係有人計畫"郁佢"，等佢死無葬身之地，永遠係D行消失。或者可以在寫完依家D段故事之後，再加段後記講下佢比人"郁"D件事。
[
本帖最後由 pnwebman 於 2012-6-1 11:19 AM 編輯 ]
