forssell427

cindy見到我甘做，都嚇左一跳，但佢一樣無拒絕我，反而我覺得佢好投入。我地都鍚左好耐，我個心係到掙扎緊，究竟好唔好再進一步呢。係我猶疑之際，cindy推開左我。
「輝，我地唔好再咁拉，我地今日已經做得好過份。我覺得已經好對唔住sara。」
我聽到都唔知點答佢好。大家death air左一陣。我終於忍唔住出聲。
「今日我問 過你，有無鐘意過我。你叫我感覺下，我feel到拉。我今晚覺得呢個世界好似只有我同你甘，我好享受我地一齊既時間。好想時間停落黎。呢種感覺我同sara一齊係感覺唔到，我知道如果我單方面有感情既話，絕對唔會有甘既feel。」
「甘又點?我都講過答案重要咩。無論我地大家有無感覺，自從你同sara一齊開始，我地已經唔會有可能架拉。呢個都係我要撮合你地既原因。無論你同sara最後咩結果都好，我地都唔會有可能一齊到。因為就算我真係有幾鐘意你，幾愛你都好，你同sara都係我好重要既人。我唔想無左你地先但一個，但如果真係要揀，我始終會放棄你，你明唔明。所以你一定要好好對sara，甘樣你地就可以永遠係我身邊。」講到呢到，     cindy竟然流眼淚。我好耐都無見過佢喊，我睇到佢喊果個樣，令我心都酸埋。真係好楚楚可憐既樣。我上前一手攬住佢。
「對唔住，我以後都唔會再整喊我自己鐘意既人。無論我地有無機會都好，我一定唔會改變。我知我好過份，一個心同時存在2個人。但只要你願意既，我一定永遠都係你身邊。呢個都係我一直以黎既願望。」
「你今日送比我果條手鏈我好鐘意，你係sara身邊可以架拉。你就當條手鏈係你，一直陪住我未得囉。仲有，...你頭先果d說話，講一次好拉，我唔想再聽第二次。」
「點解呀?」
「因為我係女人黎架，我想呢d說話留返我真命天子同我講。」
「果個未我囉，我頭先講既野係100%認真架。」
「發夢無甘早，仲有，你想攬到我幾時呀。捨得放開我未。」
「唔捨得架，點會捨得呀。家下放手，唔知仲有無下次架拉。」
「好甘比你攬多陣.........」
就甘我攬一陣，攬住佢一齊訓。但我地成晚咩都無做過，而我都好守規矩。除左攬住佢條腰，我隻手都無亂甘摸。
「點解你今晚好似好唔同甘既。」我忍唔住問cindy
「我有咩唔同，未一樣。」
「但係你平時會比我攬住你，鍚你咩。」
「你話好想同我一齊嘛，今晚未比個機會你囉，當還你心願。」
「咩叫當還我心願呀，一晚甘少......」
「如果你真係甘鐘意我既，下世呀，下世早過我出世，早d識我。」
我聽到佢甘講都知佢敷衍我拉，但我睇住cindy個樣，佢講得好認真。不過當時我都無諗甘多野，同佢傾傾下計我地就訓著左。
到左第二朝，我聽到我電話響。
「輝，你係邊呀，我叫左你今日黎接我架嘛!!!!!!!!!!」
我一開眼，死火拉，我係cindy間房喎，正當我緊張之際。原來cindy已經唔係房。但呢個時候sara已經衝左入黎。
「你個白痴，點會自己反鎖左我房門架，你有無腦架。」
我聽到一頭霧水。
「妹算拉，呢個傻仔琴晚訓廳，我岩岩訓醒先叫佢入黎訓咋。等佢訓醒先再鬧佢拉。」
「無得你訓呀，快過黎幫我拎野呀。」
我望一望cindy，知道佢同我解左圍。跟住就跟左sara入房拉，不過佢出奇地無鬧我喎。仲買左野送比我。
「呢隻錶上次你話鐘意，我同學識人，有折頭。我送比你拉。」
唔知自己係未做左虧心事，總係覺得sara今日特別好。又話唔見我幾日﹐好掛住我，又問我有無掛住佢呀。呢d野平時sara好少講架，直頭唔會講甘淨。今日竟然甘小鳥依，果一刻真係覺得好內疚。就係甘，sara成日都痴住我。同我講下佢係camp發生既野，又講下果個男仔點追佢個fd呀。又話果個男仔比我細心唔知幾多倍，有幾識"乙水"女仔。
同sara一齊又有另一種感覺，唔知點講，好似有種puppy love既感覺。但同cindy一齊果種又剛好相反。就係甘我就穿梭係2個女人之間，當然我同cindy自從果晚都無再做d好過份既野。一直以為我地可以甘開心甘生活落去..............續

jc4498

吾聲吾聲，嚇你一驚:smile_30:突然上左黎 e 出左新野窝，輝哥仔，你好野，撑你

[ 本帖最後由 jc4498 於 2007-9-25 03:29 AM 編輯 ]

ginyan

ai, brother, your story turns sad and sad (i guess most of us can guess what would be going on)......but i can't stop waiting to see it, keep it up, we're all waiting!!

九紫離火

樓主,好好睇,仲有無?

【大頭仔】

引用:

原帖由 forssell427 於 2007-9-24 11:11 PM 發表
cindy見到我甘做，都嚇左一跳，但佢一樣無拒絕我，反而我覺得佢好投入。我地都鍚左好耐，我個心係到掙扎緊，究竟好唔好再進一步呢。係我猶疑之際，cindy推開左我。
「輝，我地唔好再咁拉，我地今日已經做得好過 ...

你最後果句講得好隱晦啵....究竟係咩事...好想知:smile_39:

forssell427

引用:

原帖由 九紫離火 於 2007-9-24 11:22 PM 發表
樓主,好好睇,仲有無?

next will be the final.........plz wait one more time~~~~~~~

forssell427

引用:

原帖由 【大頭仔】 於 2007-9-24 11:28 PM 發表

你最後果句講得好隱晦啵....究竟係咩事...好想知:smile_39:

邊句呀~~~

jc4498

引用:

原帖由 forssell427 於 2007-9-24 11:31 PM 發表


邊句呀~~~

一直以為我地可以甘開心甘生活落去..............續

我都覺得係

Tomcat雄貓

越䏲個心就越 "hup" :smile_39: :smile_39:

SLKW

support 樓主
真係好想知道最後會係點；但又驚會是尾聲的來臨！

anyway, 期待下一集.........