nithan

成績表:
第一場: 特區寶, 勁爆力 PQ
第二場: 常歡笑, 陽光, 一聲嘯, 工兵 W $217, PQ
第三場: 永同歡, 哨牙騅, 高風 :006:
第四場: 威發
第六場: 爪皇泓金, 時代明星, 好奇妙, 晶片王 PQ $260
第七場: 心福, 勁財寶, 小戰士, 永旺駒 PQ
第八場: 多多勁駒, 綠茵飛駒, 大家興旺, 新里程 P
第九場: 喜皇寶, 黃鑽石, 步步速, 藍基因 PQ
第十場: 芙蓉鎮, 喜利多, 得運寶, 富盈 P
第十一場: 跑得快, 威勁多[退出], 最佳拍檔, 金碧滿湖 :010:

咁多場先中一隻W, 但有幾場都走入二三, 不幸中之大幸, 成績中等偏下, 兩隻馬膽都只能跑第三, 計錯勝哥心情, 失敗, 慶幸佢都算有良心, 俾番個位置! :022: 爪皇泓金今場雖然輸左, 但已篤定成為我下季既銀行馬, 應有二班中上級數, 四班大超! 壹子彈今場能贏, 大跌眼鏡, 個人執意佢要增程先得, 居然能在此憑質監生吞, 神仙之功也!

[ 本帖最後由 nithan 於 2006-6-5 09:09 AM 編輯 ]

siu_ma

引用:

原帖由 nithan 於 2006-6-5 09:03 AM 發表
成績表:
第一場: 特區寶, 勁爆力 PQ
第二場: 常歡笑, 陽光, 一聲嘯, 工兵 W $217, PQ[/color ...

嘩！我禽日簡直係慘不忍睹，今年戰績最慘o既一日，成日都係中得第一場雄中熊特區寶位置Q其他都係跑3、4，輸到褲都甩埋(一唔遵守自己原則只買鐵3角Q&Q就領野，買8場輸足8場) :020:

nithan

引用:

原帖由 siu_ma 於 2006-6-5 09:35 AM 發表


嘩！我禽日簡直係慘不忍睹，今年戰績最慘o既一日，成日都係中得第一場雄中熊特區寶位置Q其他都係跑3、4，輸到褲都甩埋(一唔遵守自己原則只買鐵3角Q&Q就領野，買8場輸足8場) :020:

無陰公! 我都唔好得過你幾多...................:022:
星期三銀鑰匙, 罐頭刀, 喜樂趣, 先機和勁好聲初步都幾睇好, 但前三隻都抽到衰檔, 一陣再刨刨同場形勢先出報告! 唉, 隻喜樂趣最慘, 近五場四場抽得十檔開外, 同我一樣咁黑仔! :011:

cissp

My results yesterday.

Bet 陽光 WP, 四季叻 P, but on different tickets !!
Bet 壹子彈+心福 QP, but cannot 2x3 !!

Total bet $450 and Net loss is $60
Even on birthday cannot win money :006:

nithan

引用:

原帖由 cissp 於 2006-6-5 11:56 AM 發表
My results yesterday.

Bet 陽光 WP, 四季叻 P, but on different tickets !!
Bet 壹子彈+心福 QP, but cannot 2x3 !!

Total bet $450 and Net loss is $60
Even on birthday cannot win money :006:

陽光算幾明顯, 但我常歡笑唔生性, 否則條Q就中到正!
四季叻估唔到囉, 隻馬唔易發揮, 估唔到靚仔都舞得掂!
生日禮物遲到好過無到, 星期三有得收一樣開心, right ? :013:

cissp

Wed horses look very interesting!
Prelim choices for Wed as follows:

R1 - skip
R2 - 銀鑰匙>風火輪+狙擊手
(銀鑰匙 is desperate to win)

R3 - 罐頭刀>柏樹林+育成明駒+快而勝
(Don't understand why 韋達 not riding 育成明駒)

R4 - 盈峰>色彩繽紛+超勁
(With good draw, 盈峰 sure place this time)

R5 - 功力勝>大文豪+上海金
(大文豪 drops to race 3 and B1)

R6 - 老少雙雄>更奇妙+雷電追擊+春風化雨
(I will bet WP on 更奇妙)

R7 - 好耐力>先機+有才有勢
(好耐力 drops to race 3)

R8 - 新強之寶>萬事喜+勁好聲+凱駿
(if not raining, then 勁好聲>萬事喜+新強之寶+凱駿)

Brother Nithan - wanna your valuable comments on these horses, thanks!

JockeySmart

引用:

原帖由 nithan 於 2006-6-5 10:04 發表

無陰公! 我都唔好得過你幾多...................:022:
星期三銀鑰匙, 罐頭刀, 喜樂趣, 先機和勁好聲初步都幾睇好, 但前三隻都抽到衰檔, 一陣再刨刨同場形勢先出報告! 唉, 隻喜樂趣最慘, 近五場四場抽得十檔開外 ...

:005:

相信先機可替蘇保羅破悶局～ !

nithan

近來天雨時有時無，諗住有雨佢就無，諗住無雨佢就有，反正都係無得估，索性不理！今不約而同心水多屬賀賢和柏寶既馬，後駒更是騎足八場惡氣十足，只要鬥志好必能連場數糊，而前者四隻俱有分量，可惜當中三隻都抽到外檔，但慶幸銀鑰匙和罐頭刀算係形勢可以有助，而且千八比一哩多百五米先轉彎，克服劣檔機會大增，今次額外在此建議一條位置過關五串一俾大家參考，京城之光、銀鑰匙、罐頭刀、先機和勁好聲，五隻乘埋都應該有點分頭！至於今次推介既馬膽係銀鑰匙、罐頭刀和先機！

第一場：今場不但快馬不多，甚至連正宗放頭或前領馬亦唔多見，連馬會既速勢系統估計查士丁尼和路路旺會上前施壓，都只係因為這兩匹排在九檔和十檔，因要搶好位而出閘後會快少少，但我睇就算會搶都唔會太快，馬偉昌和昆恩都唔係靚仔，就算想搶亦唔會好似見習生咁死搶，而且佢地會唔會搶仍屬未知之數，此兩駒一向並不是擺咁前跑的，因此我估計早段京城之光應該可以好順利咁藉著五檔輕鬆帶領，只要無馬突然發神經，沿途步速必慢，如果真係咁順利慢放既話，只要入直路前能稍微增速輕輕帶離，要贏此組對手應該唔難，但如果真係有馬迫下佢，步速慢唔到而變左正常既話，都應該有足夠捱入一席位置，雖然此駒已達30分成功上岸，但近況良佳，咁快又再報名黎跑，應該係想藉著勇態再搏一場，至於今場其他對手都幾均勢下，無其他信心推介，只推介以京城之光一W三P作投注。

第二場：早前一睇排位，已覺得銀鑰匙機會突出，由田草轉過黎谷草跑，明顯係個邊搏黎搏去都未贏，過黎換過批弱d既對手，無非都係想係季尾出頭交代，論馬四班必夠有餘，但衰在排在劣檔十一檔，信心大打折扣，但再睇番同場對手形勢，機會又沒有想像中咁惡劣，今場同樣無正宗快馬，輪前速應以荊山玉和歡樂滿堂最有機會上前，但兩駒都未必會放頭，歡樂滿堂排五檔，早段應該唔會搶得急，佢應該會睇定形勢，最理想係安安靜靜咁守係二三位，而荊山玉排九檔，早段會用少少力上前守好位，估計佢會選擇拍住歡樂滿堂守二叠都唔差，所以如果排係十一檔既銀鑰匙肯大膽於早段施壓，令前領對手荊山玉和歡樂滿堂等知佢實要放頭，等佢埋黎後各駒便有自己理想而有利既位置競跑，因此只要銀鑰匙唔好白痴到早段唔搶，而選擇走三叠去等個二三位黎守既話，應該可以順利咁搶到埋欄，而唔需要太過用力，我睇番佢之前出賽表現，估計佢應該係一匹極之均速既千八二千馬，上仗千六沿途外叠返黎都輸唔遠，但卻毫無增速能力，所以如果今場排係入面佢未必會放頭反而會稍留伺機而動，慢步速賽果谷草直路又短，分分鐘俾人走甩都未定，依家整個十一檔俾佢，只要柏寶可以大膽少少，試下放出黎跑，或許可以憑著均速能力和較佳實力試出個彩虹！因為以上跑法只係猜測，如果柏寶無放出黎跑，就多數會蝕位兼失利，所以唔可以話好有信心，但實力在這組稍佔優勢，只要唔好蝕得咁誇張和守到前列位置，坐位望贏應可辦到！對手方面風火輪四班無理由唔得，前仗走光上仗成熱則失縱，今場有靚仔唔用而用馬偉昌，有出擊之意，可先留意！歡樂滿堂四班輸實力，但負極輕磅又有靚檔，慢步速賽事有著數，跟下跟下或可跟入一席位置！荊山玉近況準繩，無左杜利萊，但史科菲都算係此駒第二合拍騎師，問題不大，同樣能守好位之馬此場合有利！

第三場：罐頭刀上仗增程即勝，有十三倍分頭可謂超值，一直都視佢為中長途馬，短途當然唔掂，輸怕人先增程，仲要一增就增四百，連場千六唔俾人跟下，可謂妙著，今場如果再買有追寶尾之嫌，但一來此駒乃高價馬，普通三四班賽唔係目標之內，應該盡快加分上班，至於下季有無得跑打比就要睇佢有幾大進步，然而睇佢上做初跑田草千八已能做到1.48.20，的確可以憧憬一下，二來刻意唔用柏寶而找來馬偉昌幫手，明顯係無左霍達都搵番個南非騎師，意識良好，三來本身仍在三歲，仍有很大進步幅度，上仗一望空便過哂，今場轉黎谷草跑，對手未見增強，機會依然機觀，四來馬房今日屯重兵，戰意應佳，再加上仗贏馬乃本人投注之列，所以都唔算完全追寶尾，不過命運卻和同馬房銀鑰匙一樣，抽個十一檔，乃此程最差檔位之一，賀賢都算真係黑仔囉！至於今場形勢則和前兩場不同，應該有馬扯開少少，除快馬雄威外，快而勝和龍騰駿馬都係有好速度同埋經常領放之馬，雄威排六檔應可順利上前，快而勝和龍騰駿馬則排在十檔和九檔，因為馬本身有速度，可以為了唔蝕位，早段都會搶快少少，所以十一檔既罐頭刀應該可以跟住這兩匹移去入面，留守係佢地後面，即大概四至六位拍住入面既育成明駒競跑，以上動作估計在轉彎前已完成，所以罐頭刀雖排劣檔，但因為今場形勢有利，應有機會克服，再者快馬多應該可以跟得好順，入直路移出中檔，絕對有力憑藉較佳潛質力壓對手率先過終點，可作膽！柏樹林重磅都要用柏寶而棄見習生，相信係見靚仔舞唔掂之故，五檔有利，雖重磅亦有力闖入三席！新英韋達棄神仙馬育成明駒而就，真係唔知搞乜，反正都係配腳，一對要哂就最穩陣，任佢開！

nithan

第四場：無T場合加上亂亂地，無乜信心，只打算小注捧下伍碧權隻事必得，上仗徐君禮有二檔卻跑到抽到出面衝，返黎都唔算得過，今場輕磅用鄭雨滇加強配搭，五檔好跑，只要如非太熱就諗得過！衝鋒槍今場可能成大熱，如果係就要小心，上仗一檔兼水準不高都未能即食，加個眼罩未必足以變身，小心熱倒！

第五場：今場好均勢下，友誼第一雖排劣檔，但早段應有足夠速度切入，除貼欄既幸運小子外，應該無馬會頂佢，轉彎前埋到去機會極高，唔會點蝕位，只要步速唔好鬥燒，以友誼第一既均速力和輕磅形勢，再加上近況極佳，理應可以闖入一席位置！幸運小子檔位轉佳，此程首本，若能忍住和友誼第一一齊慢放，應可雙雙佔優，若臨場有雨仲正，有力一爭！功力勝本屬首選，但上仗近十倍爆唔出而今場成熱，令人有介心，作配為宜！金融基地屬冷敲熱避之輩，目前成冷，可繼續視為冷腳！

第六場：喜樂趣評分必未盡，可惜又一賀賢馬抽到劣檔，仲要係一哩整個十二檔，此駒若不是經常抽到外檔，一早已贏馬上三班了，今場對手跟本無馬係佢個皮，贏唔贏到齋睇柏寶成否克服十二檔，後勁非強早段必要盡也切入守前列，如能做到便能贏，如選擇留後就輸，難言信心，但目前有過十倍分頭，極之吸引，小注敲柏寶搞得掂未常不可！更奇妙落四班後近仗已回復走勢，萬成騎來更見合拍，論實力和對手相比亦未見輸蝕，前駒若有所失可取而代之！春風化雨此程僅負明確，級數唔差，六檔後上有威脅！老少雙雄一哩氣量不成疑問，用戴勝亦好，論實力必有力一爭，但礙於馬房戰意太飄忽，作配為佳！

第七場：先機前仗無端端留得過後，上仗守好位卻遇上超慢怪步速俾頭馬捱到，返黎只輸少少，今場抽得六檔，應可順利守在中間或中前位置，同場有自由鳥和祥勝奇駒再加上跑開短途黎既得意寶在陣，步速應該唔會慢，此駒此程可謂首本，馬房已守齋多時，應可憑此駒驅趕惡運，可捧W！超速無敵近況良佳，正值大勇之時，又抽得一檔，檔位亦輕，足以可威脅前駒！好耐力若留得好，後上一段唔係講笑，有戴勝壓陣兼落班跑，有一爭之力！有才有勢初跑此程個場唔算差，有過一次經驗再黎過，應該可以提升名次，馬房全晚手握重兵，可加入考慮！

第八場：勁好聲跑過八場，有兩冠四位，極之準繩，本身仍未用盡，今晚再跑拿手谷草一哩，應可繼前列歸來，本身快地和變化場地俱可適應，減少天雨變數，穩健程度大增，屬坐位望贏之選！神勇福將繼續選用徐君禮負超輕磅上陣，上仗走來後上不差，騎者有過一次經驗，信心度應增，可爭冷位！萬事喜休後上仗跑得好，今場續用王志偉減磅有利，但爆冷馬已失先機，作配為宜！信寶此程屬首本，今場突然用到史科菲，想出擊乎？目前既屬冷門，拖埋無妨！

總結：
第一場：京城之光
第二場：銀鑰匙 ---> 風火輪、歡樂滿堂、荊山玉
第三場：罐頭刀 ---> 柏樹林、新英、育成明駒
第四場：事必得
第五場：友誼第一、幸運小子、功力勝、金融基地
第六場：喜樂趣、更奇妙、春風化雨、老少雙雄
第七場：先機、超速無敵、好耐力、有才有勢
第八場：勁好聲、神勇福將、萬事喜、信寶

siu_ma

引用:

原帖由 nithan 於 2006-6-6 02:25 PM 發表
第五場：今場好均勢下，友誼第一雖排劣檔，但早段應有足夠速度切入，除貼欄既幸運小子外，應該無馬會頂佢，轉彎前埋到去機會極高，唔會點蝕位，只要步速唔好鬥燒，以友誼第一既均速力和輕磅形勢，再加上近況極佳，理應可以闖入一席位置！幸運小子檔位轉佳，此程首本，若能忍住和友誼第一一齊慢放，應可雙雙佔優，若臨場有雨仲正，有力一爭！功力勝本屬首選，但上仗近十倍爆唔出而今場成熱，令人有介心，作配為宜！金融基地屬冷敲熱避之輩，目前成冷，可繼續視為冷腳！

友誼第一我都考慮緊，除左檔位較差，我仲有少少膽心班底唔多夠，仲係研究當中，金融基地就好鐘意，如果keep 住貼率今場有4檔之利又係嬴馬A跑道，評分又冇關係，呢隻馬值搏率高，上次食左佢同鷹隼條位置Q仲未夠喉，想執多一劑返尋味:013: