第一場: 今場馬少, 隻隻都講下先, 有志者在此組佔足便宜, 經驗最好, 屢和強手接近, 今場換過哂一批對手, 應可順利出頭, 可做膽! 亞洲?X王操到足哂, 晨早已立心用薛順強, 一出跑千四雖有難度, 但視為冷腳則無妨, 百笑上仗初出即跑千四, 雖落敗但表現亦可接受, 有過一場經驗應可順利提升名次, 駕馭上仗增程即跟得好左好多, 中長途一族目前千四一定掂, 巫斯義騎三仗後刻意換上萬成, 可能不滿意成績, 足見幕後自視不弱, 可爭三甲, 高達和美好世界都係長途馬, 兼且本身未達水準, 不看好, 駔驍之首中距離馬增程必佳, 但上仗跑來毫無睇頭, 同樣未達水準之馬, 跑多二百應該未足以帶來威脅! 七隻馬要四隻算係過份, 但除有志者外, 其餘真係無乜突出, 所以一膽拖三腳, 以有志者做膽, 腳順序拖駕馭, 亞洲?X王和百笑!
第二場: 兩隻銀行馬同場, 分別係喜樂趣和哨牙騅, 喜樂趣早排跑得好密, 於年初終於出頭及取得連捷, 於三月中跑後安排小休, 四月初復課後一路無停, 本月初試埋大閘, 埋門快操時間唔差, 應該起得八八九九, 本身軟地曾得亞軍, 於泥地應有力一試, 於谷草排十檔都贏得, 今場再抽得十檔信賴可克服, 本身四歲仍處大熟之境, 加上連捷後亦可在四班出賽佔盡便宜, 再者此駒評分未盡, 對手又未見增強, 只要泥地無問題, 當應前列份子! 哨牙騅上仗跑後復課亦算積極, 泥地始終有點能力, 奈何不幸又抽得大外檔, 機會大減, 限作配! 紅酒甜心兩戰泥地俱負, 但一仗排八檔一仗排十檔, 和今場既五檔有天壤之別, 此駒實力在此組佔有份量, 已曾兩敗泥地亦在此部署, 應有一定機會, 排檔移內可再給予機會! 神殿泥地四平八穩, 用韋達可守好位, 同場神仙隻拔尖兒雖然有點質素兼和多利高同系, 泥地合適機會不俗, 但抽得十四劣檔, 要底出機會不大, 神殿應有力再闖三甲!
第三場: 得意寶曾一戰泥地而負, 但該時候此駒根本不在水準, 不論泥草都係輸, 所以未能作準, 黏軟地馬泥地適應能力較佳, 馬房為此當fit馬作泥地部署, 應該同係相信泥地無問題, 不會讓此駒白白跑多一場, 匆出而來更見信心, 重磅馬用湯智傑減磅好, 四檔亦唔錯, 有力爭取佳績! 光明快車泥地曾在此程跑過一場第四, 由田草再轉黎泥地, 對手實力相對減弱, 本身已輕磅再用王志偉減磅, 輕上加輕, 論馬在此組有點卡士, 實力不容忽視! 有聲有色連仗此程上名, 檔位又未見轉差, 當fit馬會再用盡一時, 三甲應有! 輕而易舉用韋達必守好位, 泥地兩戰俱不差, 有力爭上名! 黑鷹今次不作配腳, 希望唔好今次先跑出黎, 我估馬房真係夠膽死將佢減分減到落五班先黎一場穩勝, 吳定強真係乜都做得出, 咁超班既馬竟然想落五班, 唯有一齊等等!
第四場: 又到了雙T場合, 馬會又整場五班俾大家動動腦筋! 照估得令將軍排得二檔, 應可順利成為大熱, 雖然上次贏馬姿態和時間都實在有點身超五班既感覺, 而且對手當中又未見咩突出馬, 但我一向對雙T場合加上五班馬大熱都忌忌地, 所以淪為作配為佳! 膽既任務將會落係星運才子身上, 此駒四班不足五班則夠, 今仗再落五班用到戴勝, 機會又再出現, 可視為膽材! 爭氣上兩仗走勢不差, 29分馬若輸隨時減分退役, 肯拎出黎跑應該有點機會, 可作配! 好當家轉倉已跑三仗, 一哩經常無表現, 千四或許更合適, 負磅輕有力闖入一席冷位!
第五場: 寶安進四班必有優勢, 堅信只係未去到"發威"時候, 一旦全熟, 應有力在四班連捷再上三班, 今場突然換上馬房無乜關係既霍達, 柏寶騎賀賢馬還可理解, 但萬成走去騎沈集成卻怪怪地, 有點此地無銀三百両之感, 因為論馬寶安進未至於如此不濟, 萬成唔會話唔騎佢, 但若然用上萬成, 必會引來不少目光, 家陣用霍達唔多起眼, 只因我一直留意開此駒兼相信評分大佔優勢先覺得怪怪地, 個人認為霍達無問題, 五檔亦好跑, 騎者上訴期必拼盡, 可看高一線! 駿馬繽紛無理由千四唔得, 馬房幫佢整多個眼罩就俾多次機會佢, 作配! 乖巧近仗水準穩定, 是場正路配腳! 開心天地用高雅志已連仗上名, 續用此配搭意識良好, 希望賠率續半冷, 三甲可再一爭!
