wochuang

引用:

原帖由 35147061 於 2006-5-7 10:10 AM 發表
睇下點.....衣隻活力寶蹄深不可測.......

中膽唔中腳.......

yickchingw

引用:

原帖由 yickchingw 於 2006-5-5 07:21 PM 發表
第一場香港夢
第五場全勝福星
第七場詩情畫意
第十場豐裕
第十場自由鳥

哈哈, 中左全勝褔星W同Q餐牙..:014:可惜喜得法唔爭氣, 雙膽單T無左Tim..不過都有2千贏..:014:

nithan

引用:

原帖由 yickchingw 於 2006-5-7 09:44 PM 發表


哈哈, 中左全勝褔星W同Q餐牙..:014:可惜喜得法唔爭氣, 雙膽單T無左Tim..不過都有2千贏..:014:

慚愧! 我點都估唔到隻全勝福星, 三級賽都有得贏, 神化得緊要, 自認眼拙都中唔到此冷門! 恭喜!恭喜!

nithan

成績表：
第一場：育成明駒、榮利俱全、全德、龍騰寶馬 :006:
第二場：風火輪、狙擊手、太平洋、柏樹林 :010:
第三場：開心假日、工兵、得勝非凡、光明快車 PQ
第四場：鳴勝、盈峰、皇仁飛駒、風雲王子 P
第五場：精梳王、火焰之星、喜得法、富士晨曦 :010::010:
第六場：駿馬繽紛、卡加小子、大富之星、鴻福星威 Q
第七場：活力寶蹄、勝利飛駒、精英大師、利可來 P
第八場：步步穩、力奇福星、糖果精英、駕進 Q
第九場：威猛情人、安進、小戰士、壹子彈 P
第十場：喜德寶、寶樹勁盈、明確、英明大師 W

二千四個場隻隻實力馬都跑唔到咁長, 但點都估唔到爆隻全勝福星!
至於推介個兩隻, 活力寶蹄輸在衰檔谷住跑前左, 唔怪韋達咁跑, 如果留中間反而未必安全會變成沿途蝕位, 再者隻馬仲未去返最好時, 深信仍大把世界玩, 應是明年中距離最佳馬頭五名之一! 威猛情人跑得差, 估唔到靚檔仲留到包尾咁遠, 後上強勁但為時已晚, 今季應會再出為馬房爭多一場頭馬! 步步穩稍留又回覆真身, 前景光明!

beanman

依家D馬越來越神化. 睇飛買喇, 今日臨場捉到兩隻半冷門"計得精明""駕進". 兩隻上幾場無飛, 今日只得十幾倍, 果然入位置

abmysty

引用:

原帖由 beanman 於 2006-5-8 12:02 AM 發表
依家D馬越來越神化. 睇飛買喇, 今日臨場捉到兩隻半冷門"計得精明""駕進". 兩隻上幾場無飛, 今日只得十幾倍, 果然入位置

其實我想知d人點解會識落飛既....
我都係見個倍率低左甘上下先會考慮買
但係ｗｈｙ會有人可以先知知覺去落飛既．．．
係埋睇臨場狀態～？

nithan

推介兩匹馬，可考慮作獨贏二串三投注，就係飛劍和好樂意！祝好運！:013:

第一場：超速無敵近兩仗落四班後，連收兩場獎金而未上名，前仗在楊啟棠跨下走位未如理想，而上仗易配史科菲又磅重影響此細馬表現，今仗楊啟棠停賽易配另一當紅見習生徐君禮減十磅，再轉戰谷草一哩對手減弱，加上馬房已為此駒報名星期六田草四班一哩正選，看來心急求交代，今場抽得三檔，憑底質在此有半冷機會；一切順利應有點質素，逐步增程至一哩，便馬上易配馬房愛將萬成，七檔不難走位，在此有憑質開齋能力，不容忽視；天鷹雖排九檔，但有盟友和特別在前領放，應可扯快少許步速，此駒有機會尋找有利位置競跑，輕磅仍有上名能力。

第二場：安翹均速力強，近兩仗肯自己領放後，便馬上連捷，本身谷草已證明無問題，再加上自己領放減低意外機會，今仗抽得二檔兼跑到二千二，同場快馬無多下，應可再次輕易自己領放，在此再下一城機會極高；配腳方面以大摩一對馬威霸熊和高暢機會較好，威霸熊此程正宗，只要早段不要留太後，能守在中間位置最好，留得太後反而經常追唔切，贏馬時都係跟前多少黎跑，希望戴勝能做到；高暢轉入大摩後已連跑兩仗，增程至二千二加上咁輕磅，後上殺入一席三甲不足為奇。安翹退出，買少見少，威霸熊變相就算留後左，同頭馬相距也不會太遠，加上本來已慢既步速又再更慢，只要轉彎咬到上黎，機會可以秤先，咁少馬跑，其他唔再加，就貼威霸熊和高暢兩隻算啦。

第三場：今場無乜頭緒，然而獨贏方面，飛劍卻異常突出，本身仍未全熟，但轉戰谷草對手變低左一班有多，六檔不差，開齋機會甚樂觀；配腳難尋，若拖多了反而減低獨贏既回報，建議買單W，但我會搏一注PQ，今仗水準不高，黑鷹千二比一千好少少，吳定強玩到無野玩，銀行馬始終拖一票穩陣，否則跑出黎先無拖就激死。

第四場：整場五班一哩係第四場，真係危機四伏，京城之光仍有靚檔兼輕磅，加上仍處救馬邊緣，三甲應該有一席；晨曦先鋒一直跑短，今仗初降五班馬上跑一哩，步署有點別有用心既感覺，用王志偉減番十磅，又排好位，分分鐘有力一鳴驚人；滿高上仗落五班已輸近左，初跑一哩或許更合適，和前者條件相若，成冷忽忘；百威力用霍達合拍，拍檔轉兼回師首本路程，有力剷入一席三甲。

第五場：今場又係亂亂地，東威之星上仗終在五班開齋，今場上番四班難度當然大增，但勝在鬥志應佳兼霍達夠硬淨，贏或不易但仍有三甲機會；福慧上仗已改善不少，繼續排好檔有助提升名次；威霸龍仍留在千二出賽，繼續用見習生減磅，對手多未達水準，或可佔一席三甲。

第六場：添喜悅上仗係二班此程走位欠佳，但仍跑得唔差，今場落三班用黎海榮減七磅好著數，勝在此程夠準，加上排檔又好，跑法又有利，有力再爭上名；華心寶失準但仍算實力份子，上仗田草千四在見習生跨上跟得唔差，換上柏寶黎谷草跑，有威脅；歡樂多密密跑唔似搏減分等下季，七歲馬大有搏得幾多得幾多之勢，回配巫斯義機會大增，兼且應有分頭，QT配腳；甜心上仗贏來比想像中難，但馬勝在夠準，抽十檔要看際遇，論馬三甲謀一席不難。

第七場：好樂意上仗王志偉發揮極差，但返黎仲仍有兩腳，只輸兩個幾馬位，今仗用番柏寶，戰鬥力大增，個人認為此駒評分必未盡，六檔有利守在中前位置競跑，絕對有力再闖凱旋門；有聲氣仗仗水準穩定，路程亦合適，三甲應預其一席位；飛快贏論馬非強，但換上萬成或有不同發揮，重新上名不足為奇；開心錢連續幾配排衰檔致敗，今次抽得三檔機會已不同，跑法主動且戰且走，屬今場冷門份子。

第八場：一出必勝以此程最首本，前仗此程此磅位下沿途包尾，入直路有咁外走咁外，但在此惡劣走位下仍後上輸兩個馬位，今仗換上馬偉昌，加上抽得二檔，應會有完全不同既演繹，是晚最佳半冷；得多多泥草皆宜，馬仍在進步，此駒有失必有力取而代之，屬前駒勁敵；幸運戰駒用徐君禮輕上加輕會仲好，但高雅志當然有高雅志既好處，勝在硬淨好多，馬無外界所預期咁高，但在此組對手仍可爭上名；青蝠王新勝同程，原裝配搭而來，仍具威脅。

總結：
第一場：超速無敵、一切順利、天鷹
第二場：威霸熊、高暢
第三場：飛劍、黑鷹
第四場：京城之光、晨曦先鋒、滿高、百威力
第五場：東威之星、福慧、威霸龍
第六場：添喜悅、華心寶、歡樂多、甜心
第七場：好樂意、有聲氣、飛快贏、開心錢
第八場：一出必勝、得多多、幸運戰駒、青蝠王

[ 本帖最後由 nithan 於 2006-5-9 01:14 PM 編輯 ]

beanman

引用:

原帖由 nithan 於 2006-5-8 10:36 PM 發表
今次貪心點，推介三匹馬，可考慮作獨贏三串四投注，就係安翹、飛劍和好樂意！

第一場：超速無敵近兩仗落四班後，連收兩場獎金而未上名，前仗在楊啟棠跨下走位未如理想，而上仗易配史科菲又磅重影響此細馬表現， ...

nithan真好野, 已準備咁多資料...................小弟排位都未睇完:014:

eternally

nithan兄：利害利害，好快手喎，我報紙都未睇你就已經選好馬~~唔該晒

nithan

引用:

原帖由 beanman 於 2006-5-8 10:51 PM 發表
nithan真好野, 已準備咁多資料...................小弟排位都未睇完:014:

引用:

原帖由 eternally 於 2006-5-9 12:15 PM 發表
nithan兄：利害利害，好快手喎，我報紙都未睇你就已經選好馬~~唔該晒

快係無用架! 我只望貼得準幫到大家有個參考地方, 最緊要當然係有錢收啦! :014::014::014: