wochuang

引用:

原帖由 nithan 於 2006-5-4 02:34 PM 發表

你就好啦, 我三重彩一拖二, 跑二三四, 如果俊歡騰失蹤就好囉! :006::010:

東尼三寶, 估佢唔到.....

加洲皇子估係主力......2組中首選......徐君禮亦係殺手......估唔到可以贏.....

幻影.....真係幻影......劏哂.......

siu_ma

好彩禽晚返o黎岩岩趕到第七場，臨場補左條QPQ加洲皇子撘企業精神各50，收返少少:014:


之前一日都係諗緊放頭馬，不過如果禽日夠pop買放頭馬，一定嬴到笑:022:

第一場 恰到好處 W
第二場 劍追風 W
第三場 陽明先鋒 P
第四場 富源 P
第五場 哲學家 W
第六場 碧紗籠 P
第七場 加州皇子W
第八場 俊歡騰W

[ 本帖最後由 siu_ma 於 2006-5-4 05:48 PM 編輯 ]

nithan

剛剛刨左成晚, 已有了腹稿, 明天放假, 可以安坐家中寫片長分析! 久未露面既長篇大論, 希望能成為喜歡既朋友參考的地方啦! :014:

siu_ma

引用:

原帖由 nithan 於 2006-5-4 11:10 PM 發表
剛剛刨左成晚, 已有了腹稿, 明天放假, 可以安坐家中寫片長分析! 久未露面既長篇大論, 希望能成為喜歡既朋友參考的地方啦! :014:

咁我地就惜目以待啦，今次又要靠你啦;)

JockeySmart

廢話少說 , 禮拜重插呢兩件啦...

駿馬繽紛
喜德寶

eternally

就期待nithan兄o既長篇大論啦！haha~~

nithan

今期推介活力寶蹄和威猛情人, 希望能取得佳績! :014:

第一場：育成明駒幕後已等不及要轉馬房，而神仙對此低班馬仍肯收留，應有些作為，此駒尚未真正用過，便落到五班，有力轉倉初出即省招牌；榮利俱全曾於四班壓倒陽明先鋒和佳景飛駒，今仗初落五班，實力已證明既馬於此組可稍秤先，前駒大敵；全德三戰五班全入三甲，負磅不重，屬正路配腳；龍騰寶馬前幾仗跑得唔差，九歲老馬無需要保留，突然強配巫斯義，有盡地一煲之感，冷腳可吼。

第二場：風火輪轉倉後已跑兩場，由第一班跑到家陣初降四班，負磅雖重但底質最厚，上仗後上走勢含蓄，應該已經試準，此馬房對轉倉馬亦算心急交代，同場對手非強，有力在此突圍，坐位望贏應可辦到；狙擊手算係庸中佼佼者，論長途性能和能力，應可前列歸來；太平洋近仗水準穩定，續配馬偉昌有力再爭三甲；柏樹林實力非強，但落至四班兼再用王志偉減得十磅，或有冷門機會。

第三場：開心假日突如其來一場亞軍後，不是無故除左個眼罩就係跑得密左，今次小休後重整旗鼓，一檔可順放且戰且走，在此有半冷機會；工兵評核賽走勢不差，初出功夫做齊，有一出即拼之勢，分分鐘可以殺哂，屬前駒勁敵；得勝非凡初出追得好，上仗引來不少注意下全程走蝕位，今次抽得中檔兼戴個眼罩，有望早段不會落後太多，半冷佳選；光明快車上仗洗毅力走死位，隔一個星期匆匆而來，重配主帥，大有拼個明白之勢。

第四場：表面皇仁飛駒一枝獨秀，但有三個疑點令我不用此作首選，第一雙T場合一向對大熱有點不利，馬會卻安排此駒於雙T場合出現，有點危機感，第二、此駒兩勝俱有七八倍之分頭，今場應熱至廿幾蚊，忌之，第三、一千米乃爆冷蘊藏，大熱很多時都無影，故此皇仁飛駒實力雖冠全場，作配較宜；鳴勝今場應有點分頭，本身於千四所遇對手水準比今場高出唔少，一千雖非強項，但千四步速和一千相近，戴勝肯出戰應可憧憬一番，是場冷門佳選；盈峰上仗俾對手走甩先追，回師沙田有望不會留得太後，萬成一戰得亞，重配亦有助後上發揮，可作配；風雲王子近仗水準穩定，杜利萊首選應仍有一爭之力，算係今場正路配腳。

第五場：兩隻愛駒火焰之星和富士晨曦一同出賽，但欠長途根據，喜得法夠哂準，卻又係無長途賽績，數黎數去，論實力論長途性能都係以剛爆冷既精梳王較好，此駒今季只跑過三場，體力上亦佔有優勢，再加上去季此場俾隻土星全程慢放，尾段快到22.40，有過一次經驗，告仔整多隻一定好出黎放頭跑，確保今場至少有正常步速俾隻精梳王追，意識相當好，有力坐位望贏；火焰之星上仗發力過早，評分亦未盡，增程而來除番個眼罩屬正面部署，雖無長途依據，但戴勝留住衝一段，仍不可忽視其後上威脅能力；喜得法準繩度極高，雖初跑大長途，但作配卻不能棄之；富士晨曦稍弱，但近仗已見落腳慢左，增程一試未必係壞事，韋紀力算係此駒除霍達外既最佳拍檔，屬冷門之選。

[ 本帖最後由 nithan 於 2006-5-5 07:00 PM 編輯 ]

nithan

第六場：駿馬繽紛又係神仙一貫作風，千二跑到贏唔到先增程，本身傾向有點均速，千四應該仲好，一檔可守好位，負磅稍重但仍屬爭勝份子；卡加小子幕後明顯心急，馬房亦未夠數，本身質素在四班亦有優勢，初跑千四應該衝得仲好，此駒有失可取而代之；大富之星四戰俱入前四名，上仗負於大超班馬加得勁敗不足辱，有主帥唔用刻意用番澳洲騎師鄧迪應有計仔，三甲有望；鴻福星威輸質，但勝在經常都追得好，霍達騎後上馬一流，馬房鬥志亦好，半冷腳之選。

第七場：活力寶蹄實力深不見底，上仗久休而來兼負上131重磅，返黎都只係輸少少，時間亦唔差，本身千四下下做到一分廿一秒幾，去年讓一磅下遇上勝利飛駒更跑到無得玩咁款，若非遇上腳患，勝利飛駒今季亦未必能夠做到六捷咁多，雖然隔一個星期再跑，但負磅減輕五磅，對此細馬仔幫助好大，再加上本身乃中長途馬，千八二千仲好，增程千六必合適，跑法主動有彈性亦佔有優勢，再加上主要對手勝利飛駒今季六捷耗力甚多，此駒體力比對手好，鬥志鮮明既高質馬，如今健康全面康復，有如沉睡既獅子甦醒，應可扶搖直上，在此絕對有能力率先過終點，勝望甚高；勝利飛駒上仗平磅面對精英大師，於最後四百仍一頭一尾相差四個幾馬位，最後仍能反勝半個馬位，明顯實力佔優，在此平磅再遇應仍有力比後者先過終點，但要贏活力寶蹄卻不易；精英大師跑法主動，但已年介六歲，實力必有退步，已難和盛年相比較，上仗千四放得不差，如果應該中距離較短途好，底質夠厚，仍有望放入三甲；利可來乃三匹外隊較看好既一匹，本身四歲未盡，係澳洲一二班賽常客，曾贏表列賽，韋紀力亦已騎慣騎熟，再力上屬希斯首匹訪港馬，應會盡力爭取成績，有冷位機會。

第八場：今場水準不高，步步穩成熟後今場必無對手，但現在已有一爭之力，本身留住少少後上最好，上仗走得急左，返黎毫無增速能力，杜利萊有機會效力，必爭取機會為此高質馬取得帥印，有力再闖勝門；力奇福星易配巫斯義，可能因為沈集成唔放戴勝走，然而配搭雖變但戰鬥力不減，上仗贏得精彩，今場應不會大幅走樣，三甲應有；糖果精英評分已增，實力亦稍欠優勢，但勝在可能又能俾佢慢放，賠率亦不會太熱，贏或不易，但半冷身份仍有力放入一席；駕進今場對手比上幾場大幅減弱，萬成一早已過檔試馬，未必係陪跑份子，要小心。

第九場：威猛情人冷熱俱近，黃汝安未夠數鬥志必佳，用黎海榮減七磅幫助極大，本身唔需要留到好後黎跑，今場抽得二檔，若能留係中間位置，取勝機會不亞於任何對手；安進久休後已跑左兩場，水準已慢慢提升，韋紀力曾為此駒建功，今仗再次重逢，或有再次接近表現；小戰士上仗放得不差，三歲一出跑千四，有過一場經驗應該更好，續配馬偉昌可望爭取更佳名次；壹子彈上仗心律不正，小休四個月而來，新鮮感下千四或可應付，本身水準算穩定，若能守得好位，三甲闖入一席不難。

第十場：喜德寶上仗跟番前多少，即能再次跑得接近，頭馬糖果精英其後已再捷，今場初戴眼罩可望留守更佳位置，遲熟馬已慢慢成長，質素仍堅信極高，在此可望持質殺退強手；寶樹勁盈當然係前駒最強對手，本身仍不斷進步，同場對手實力和此兩駒有點分野，應可串成連贏而回；明確現在才真正成熟，近仗水準穩定兼不差，續配杜利萊可後上爭位；英明大師亦未全熟，本身忠心可靠，勝在擺係前走返黎仲頂得住下，有力再爭三甲。

總結：
第一場：育成明駒、榮利俱全、全德、龍騰寶馬
第二場：風火輪、狙擊手、太平洋、柏樹林
第三場：開心假日、工兵、得勝非凡、光明快車
第四場：鳴勝、盈峰、皇仁飛駒、風雲王子
第五場：精梳王、火焰之星、喜得法、富士晨曦
第六場：駿馬繽紛、卡加小子、大富之星、鴻福星威
第七場：活力寶蹄、勝利飛駒、精英大師、利可來
第八場：步步穩、力奇福星、糖果精英、駕進
第九場：威猛情人、安進、小戰士、壹子彈
第十場：喜德寶、寶樹勁盈、明確、英明大師

[ 本帖最後由 nithan 於 2006-5-5 06:59 PM 編輯 ]

nithan

引用:

原帖由 JockeySmart 於 2006-5-5 11:03 AM 發表
廢話少說 , 禮拜重插呢兩件啦...
駿馬繽紛
喜德寶

我一大篇廢話剛完功, 多多指教!
你個兩隻我都鍾意, 喜德寶更係一齊支持左好耐, 希望今場標會啦! :013:

引用:

原帖由 siu_ma 於 2006-5-5 12:31 AM 發表
咁我地就惜目以待啦，今次又要靠你啦;)

引用:

原帖由 eternally 於 2006-5-5 11:14 AM 發表
就期待nithan兄o既長篇大論啦！haha~~

出左版啦, 快d黎睇啦! :014::014:

yickchingw

特地等候nithan兄既佳作, 果然不負眾望, 有幾隻馬想問下意見.
第一場香港夢
第五場全勝福星
第七場詩情畫意
第十場豐裕
呢幾隻我唔認為隻隻都贏得, 但我唸住做三重彩腳, 不知意下如何.
另外嗚勝2檔唔驚嗎?