nithan

引用:

原帖由 eternally 於 2006-4-21 02:50 PM 發表
nithan 兄。雖然尾場無跟你(因為見太冷)，但見你中都好戥你開心~~恭喜你。努力呀星期日癡實你買呀~~~haha

多謝! 較少見你係帖度留言, 以後多d上黎, 講下心水吹下水都好嘛! 星期日賽事睇落唔多易, 場場都有點亂既感覺, 係覺得第二場較有信心, 希望無睇錯啦! :013:

davidklwong

好似長D喎

siu_ma

引用:

原帖由 nithan 於 2006-4-21 03:03 PM 發表


我早排先中過指定哈哈妙第一, 紅旗第二, 海之逸第三, 十蚊中八百! 食過知好味, 所以間中有心水都買十蚊雞過下癮! 中既機會當然唔會話好高啦, 當買六合彩囉! :014::014:

3重彩我多數買1膽2腳，貴10蚊，不過都好少玩3重彩，Q都唔係成日中，莫講話3重彩，留返錢煲多條Q仲好過

星期日的確係亂局，每年到5月就開始唔識睇馬，又要買馬又要買人，難度好鬼高，所以今個星期日都會集中火日買半冷熱，1隻穩膽拖2隻8-15倍最利我。:014:

yickchingw

引用:

原帖由 nithan 於 2006-4-21 11:54 AM 發表
第二場: 京城孖寶
至今八戰, 六戰一千, 兩戰千二, 全攻短途, 初跑千二一役, 在失先機下僅負小福星而輕青蝠王, 原以為接著會繼續增程, 點知都係跑番千二, 熱到十九蚊香雞埋, 跟住上仗仲要縮程, 輸已經係意料中事, 一直都知隻馬係中距離, 奈何專攻短途, 跑到近仗毫無招架之力, 今場才增程千四, 機會已不可同日而語, 我相信佢八戰兩冠兩位成績, 乃以質搭夠, 真正實力會在增程後才展示出來, 我唔係話隻馬會好高, 但以目前評分轉戰中距離, 最少有兩至三場頭馬係手, 依家三班負輕磅, 機會理應突出, 再加上神仙馬增程好多過差, 初跑千四有個六檔, 應該有機會切入守放頭馬之後既三四位左右, 以今場形勢估計, 有遮擋機會極高, 算係會幾好跑個種, 至於有無睇錯真係要跑過先知, 但今場我會用佢做首選, 增程有力坐位望贏! 真好野雖重磅, 但前仗贏馬時間計, 在此當有一戰能力, 上仗跑千六兼除埋單邊眼罩就輸左, 今場重戴單邊眼罩, 再跑番千四, 機會又返返黎, 大摩和鄧迪加強合作, 希望能為此駒帶來佳績! 零用錢本身質素唔係太差, 只係未去到最好時候, 上仗戴個眼罩馬上開齋, 但係時間就唔係咁理想, 希望續有進步, 在此則有入位能力! 上浦福星匆出而來, 今場杜利萊分身乏術, 易配熟手拍檔薛順強問題不太, 剛戰最後二百亦相距甚遠, 但後勁凌厲, 最後跑第三, 全靠本身比對手高出少少級數, 今場薛順強若發揮對住步步穩財到得勝個場水準, 真係唔講得笑, 不過隻馬有點神經刀, 加上以往甚少打叠上名, 但今次刻意連報兩次名, 應有點計仔, 再著千四亦比一哩好少少, 我估佢應該繼續會有分頭, 續為是場冷配!

見上次中得咁應, 今次繼續以上次形式出帖, 圖個利是! 餘場只在心水場合出馬名, 不出分析, 若有問題或討論, 仍歡迎提出, 有問必答!
第五場: 飛劍, 駿馬繽紛, 大圓機, 縱橫萬里
第六場: 步步穩, 有資格, 領闖, 再戰群雄
第七場: 威勁多, 心福, 英明大師, 最佳拍檔
第九場: 富士晨曦, 安翹, 首飾之星, 綠色天地

哈哈, 初初入黎以為你又Tip「火焰之星」牙, :014:, 其實「火焰之星」配韋達係有蹟可尋嫁, 首先我唔係好同意你話隻馬最後跑法係留後衝一段, 睇下呢場..



佢係可以守好位而衝刺不減嫁, 連續幾場都係慢步速後追不及, 所以特登換上擅於將馬跟前既韋達, 加上眼罩去迫一迫隻馬想隻馬快少少, 不過我始終覺得呢隻馬班分都好盡, 而今場可能係戴勝揀「喜得法」Tim, 加上有隻「土星」o係隻, 個步速想慢都幾難, 「喜得法」話晒都係打比亞軍, 做膽我會用後者, 「火焰之星」則是腳..:014:

講番你隻心水先啦, 我都等左呢隻馬跑1400好耐啦, 今場形勢大利, 跟你一齊贏錢啦..:014:配腳方面, 「真好野」同「零用錢」我都好同意, 勝在夠當打, 但「上浦福星」星期3擺到明用皇牌博而博到第3, 今次就係無保無皇, 而值得留意既係全日徐雨石係用左1張皇牌嫁姐, 而o個隻係「新相知」, 如果想博呢場應該唔好浪費左張皇牌佢嫁Bor, 稍為難明此點, 刻意求冷腳可o係「貴蝦王」及「健康特快」到拖, 「貴蝦王」 今季贏左一場即上3班跑泥地去收, 上場小休後有少少走勢, 檔好. 「健康特快」上場走到蝕晒位都唔係輸好多, 突然換上萬成, 埋門都頂得住快操左幾課, 冷腳可小吼..:014:

第五場超級同意, 第六場都係差唔多, 第7場點解咁鐘意「威勁多」呢? 我始終唔鐘意呢類成日衝一段引人既馬, 14檔都好難跑, 反而鐘意「魄力之城」, 跑第2 o個場既水準高到不得了, 「一口田」已上1班, 「富士晨曦」「綠色天地」同日在2班跑緊兼在你既貼士內, 「莎朗之駒」在2班已再入Q, 「樂意」在2班都已贏馬, 「金大陽」在2班跑贏「小武士」, 「一定好」在2班贏馬兼有份跑打比, 水準根本無2班頂級都有2班中級, 依家o係3班完全唔同級數, 輸過2場兼有一大堆質新馬o係隻擔飛, 就算配韋達都唔方熱得去邊, 我認為3重彩應該要拖一票..第九場會係我今次既推介, 哈哈, 心水有DD唔同, :014:

beanman

引用:

原帖由 nithan 於 2006-4-21 11:54 AM 發表
第二場: 京城孖寶
至今八戰, 六戰一千, 兩戰千二, 全攻短途, 初跑千二一役, 在失先機下僅負小福星而輕青蝠王, 原以為接著會繼續增程, 點知都係跑番千二, 熱到十九蚊香雞埋, 跟住上仗仲要縮程 ...

是日主題"京城孖寶"相信好多人等佢報跑長D好耐, 今次終於肯上千四一試, 當然要跟, "零用錢"新勝而臨, 如仍有錢分亦要兼顧, 另小弟會拖小休復出既"綫路縱橫"...................

第五場心水與nithan兄有少少出入, 心水與你唯一相同只有"縱橫萬里", 此駒上次飛到馬到, 可惜輸短頭俾隻好聲氣, 幕後應損失唔小, 呢類馬要長跟; 另"卡加小子"上仗初出第三已知其厲害, 賽後一直操而不戰, 杜利萊連操多課, 極之肉緊, 今仗火燒都唔熱, 啱晒呢個馬房、馬主, 另馬主曾志偉啱啱生日, 伍碧權安排呢隻馬?鬗j賽日至報名參戰, 應搏命.
其餘幾場心水相若, 另nithan兄對"女皇盃"有乜意見? 俾D心水參考下, 小弟則對"占卜"甚有信心, 質素高過晒其他馬, 睇晨操片見隻黎到香港後出腳好爽好順, 彈力十足, 而且國際評分次高而因雌馬而受讓四磅, 着數到暈, 配腳摩厩三雄已足夠, 外隊馬尚可拖埋"幻彩光華"(同樣因雌馬而賺磅, 南非一級好馬, 要留意):014:

[ 本帖最後由 beanman 於 2006-4-21 08:01 PM 編輯 ]

yelo@411

完全十卜隻京城孖寶(因為神仙d跳程馬差唔多試十中九,萬試萬靈),不過小弟大貪d,孖寶射落下場隻哲學家道,因為晨課見佢加o左個罩拍隻喜得法比之前爽左好多,紋風未動,佔先少少回來(隻喜得法要比住d走)所以博吓冷...買少少

nithan

引用:

原帖由 yickchingw 於 2006-4-21 05:01 PM 發表



哈哈, 初初入黎以為你又Tip「火焰之星」牙, :014:, 其實「火焰之星」配韋達係有蹟可尋嫁, 首先我唔係好同意你話隻馬最後跑法係留後衝一段, 睇下呢場..

火焰之星贏糖果精英個場係三班, 論質高過對手豈止一班, 而且仲要緊勝糖果精英半個馬位而矣, 過程唔算好輕鬆, 再睇番往績, 此駒的確留前鬥後表現最好, 贏到喜得法無得跑個場就係留前鬥後, 輸俾天仲之寶個兩個都係留係中間位置, 上仗本應取得佳績, 奈何突然遇上慢步速, 末段快達21.80, 而佢仲能後上第四, 可見後上威力不弱, 再者佢上仗沿途俾人迫住, 抽出去早少少上既機會都無, 可謂輸在形勢, 今次無端端加個罩, 仲要放戴勝出去換上韋達, 如果話要隻馬跟前跑, 戴勝一樣做到, 跟本無需要用韋達, 所以我總係覺得怪怪地! 講番今場步速, 我上次就以為有土星係度, 唔怕火焰之星無步速, 點知土星就留到搶哂口, 都要沿途拍住火焰之星跑, 今次真係又唔知佢點跑! 尾場我仲係度度緊, 總之戴勝騎焰之星我就唔駛諗, 家陣真麻煩!

威勁多今季輸俾終身美麗和健風個場, 水準不弱, 近仗休後已連跑兩仗, 俱後上如飛, 兩場頭馬分別將軍和好利威, 雖然話上仗心福都贏佢, 但亦有可能係威勁多怯於好利威而未盡發揮, 今場對手可謂大幅減弱, 機會真係提升左唔少, 勝在唔會太熱, 所以會吼下佢!

nithan

引用:

原帖由 beanman 於 2006-4-21 07:18 PM 發表

是日主題"京城孖寶"相信好多人等佢報跑長D好耐, 今次終於肯上千四一試, 當然要跟, "零用錢"新勝而臨, 如仍有錢分亦要兼顧, 另小弟會拖小休復出既"綫路縱橫"...................
...

女皇盃我較喜歡風雲小子, 其他仲未睇清楚, 外國馬認識不深, 仲要再做做功課先!

yelo@411

第六場胆就要硬步步穩架la,但腳就偏愛隻金太陽少少,nithan兄.點睇....

keith131

隻火焰之星 好地地 轉配備 今季已經唔止一隻 無啦啦轉左配備跑唔返水準o既馬，有介心，如果留後跑比韋達就差少少，韋達騎後上馬唔係好掂，如果跟前跑呢場步速應該會正常偏快，前段跟快左未段未必有果段衝勁。尾場鐘意 奮鬥心 胡新萬成呢對組合近期合作親都上名咁制，加上韋達贏開奮鬥心走去騎火焰之星驚佢唔夠熱咁，而奮鬥心又換萬成，韋達萬成老友鬼鬼會唔會又移形換影？完全捉路…

第二場 零用錢應該係大熱，京城孖寶難得有倍率+增程，同場對手又唔係太強，再加上蔡約翰增程馬上名率好高，只係唔係咁鐘意韋達，我會用零用錢做膽拖 京城孖寶 健康特快。