nithan

引用:

原帖由 beanman 於 2006-4-12 03:07 PM 發表

哈哈, "雷電追擊"啱心水, 此駒轉倉未交代, 鬥志好, 希望馬偉昌唔好留咁後....另冷門鍾意"齊齊掂", 真係希望大家齊齊掂啦:014:

尾場較喜歡"鷹隼", "歡樂多"及" ...

鷹隼稍嫌已食到飽, 未必咁快又郁手! 可能等下季再黎一場!
歡樂多則實力過於平庸, 上仗出盡九牛二虎之力終交代, 無左巫斯義未必爆到個段力出黎!
同心拍檔上次衰過一鍋, 今次唔會再錯同一條路, 慢則放, 快則留, 唔會頂到三叠卦, 除非韋達找死啦! :014::014:

siu_ma

今次冇無刨馬，但都要支持下:017:

第4場 友誼第一 + 旅英名駒
第7場 9龍飛 + 茂年精英

今次唔3角了，少少地2串3 q 同ppq

近期手氣唔多好，要明燈就搵我做啦:022:

yickchingw

引用:

原帖由 siu_ma 於 2006-4-12 03:33 PM 發表
今次冇無刨馬，但都要支持下:017:

第4場 友誼第一 + 旅英名駒
第7場 9龍飛 + 茂年精英

今次唔3角了，少少地2串3 q 同ppq

近期手氣唔多好，要明燈就搵我做啦:022:

反而幾鐘意你呢條..

siu_ma

有技持者喎，串多一條

睇漏左尾場，鷹隼仲係食唔到佢糊，今次第一次執3檔，上次都跟今次再拖腳，仲有金融基地，唔理係唔係食飽搏減，有賠率一於做冷腳，膽就要你同心拍擋，一於搏一搏，死唔信邪:022:

kc10412

三刀王今季同程只輸俾自然好同銀太陽,而家身在此群大利喎...又排同心拍檔內則,形勢更主動

nithan

唉! 喜一龍奇寵好似食左豬油咁, 上次就放得咁勁, 今次就走三叠都唔上去搶, 又一次錯估形勢, 咁慢, 雷電追擊點衝.................希望一陣同心拍檔能贏啦!

yickchingw

引用:

原帖由 nithan 於 2006-4-12 09:22 PM 發表
唉! 喜一龍奇寵好似食左豬油咁, 上次就放得咁勁, 今次就走三叠都唔上去搶, 又一次錯估形勢, 咁慢, 雷電追擊點衝.................希望一陣同心拍檔能贏啦!

雷電追擊俾奇寵飛左出去, 下次補中!~

kc10412

尾場狂放, 一早留最後三隻馬跑出三重彩, 真係要講個服字

nithan

成績表：
第一場：友活力、力奇之寶、幸運武士
第二場：京城之光、菠蘿飽、騰達、神龍奏凱
第三場：雄心、起得勁、嘯傲天河、健康大師 :006::006:
第四場：友誼第一、紅彗星、奧利皇子、真係贏
第五場： 雷電追擊、德裕之勝、多威勝、彩虹鑽石
第六場：永寶、一口田、好耐力、威騏
第七場：飛快贏、有聲氣、好樂意、茂年精英:004:
第八場：同心拍檔、明確、三刀王、機緣之都  Q $943.50

各場成績不滿意, 尤幸尾場都中番條冷Q, 不過我自己就搵左同心拍檔做膽..............:002:

至於所推介兩次馬既成績就只有兩個字....................慚愧! :embarrass

nithan

近期成績慘不忍睹, 今次推介兩隻心水泥地熱門, 勝望俱佳, 整條獨贏2x1復仇先得! :014:

第五場: 得多多
上仗連番意外, 一望空就撲上黎輕勝, 做到1.09.00既時間, 今次原班再戰, 加九磅相信影響不大, 由巫斯義換上鬥志更鮮明既蘇銘倫, 仲抽埋個靚檔, 可穩守三四位, 入直路再一攻而破, 至於質素方面, 同場泥地性能以太極之光最有威脅, 但後駒仍未能返回頂點, 加上楊啟棠和蘇銘倫相距甚遠, 再者得多多仍年輕, 仍有大幅進步空間, 在此連捷機會高唱入雲! 配腳當然要番隻太極之光, 有五檔騎師又減十磅, 雖未能回頂點, 但在此足以入位! 勁財寶上班跑表面蝕底, 但上仗泥地後上可人, 輕磅換上戴勝更有可取之處, 橫視同地泥地有實力馬不多, 有入位能力! 卓暉千二最好, 有個一檔比上次十一檔好走好多, 留住衝一段, 可視冷腳!

第八場: 源來原去
本身草地能力有限, 所贏和入位成績俱在此程, 四戰同程兩冠兩季, 而且越贏越精彩, 前仗同程守靚位入直路, 一衝就贏哂, 完全視對手如無物, 第二名既貝多芬其後再出亦輕勝, 足見水準不低, 更令我深刻印象的是該仗時間, 竟然快到1.37.90, 睇番今場對手, 真係無邊隻可以威脅到佢, 特登搵番高雅志, 可再次重施故技, 在此再輕勝一仗機會甚高! 寶樹多盈泥地亦算好手, 上仗負重亦輕, 今仗上班減磅, 易配杜利萊問題不大, 有四檔可守好位, 有力和前駒串成連贏! 包裝福星無疑實力退化, 但在此組用黎海榮, 輕到110磅, 再加上泥地合適, 應可走入冷位! 同場睇得上眼既泥地馬真係不多, 最後一席想搏下隻五穀豐收, 本身有二班贏馬能力而一班不夠, 落班用楊啟棠減番十磅有著數, 泥地不明, 但本身一哩好兼變化地特佳, 可搏大冷腳!