近來仍有時間, 所以再逐場寫下分析, 希望無累人啦! 而我今次所提供既馬膽精選亦是一冷一熱, 希望今次可以第一次贏哂兩隻啦! 太極之光熱成, 當心水俾就無謂啦, 熱門要第三場陽明先鋒, 冷門要第五場更多! 祝各位係送歲馬中撈到一大筆過肥年!
第一場: 金里程近程同程一勝一位, 由巫斯義易配湯智傑, 換來減十磅之利, 兼排有利二檔, 在見習生誇下可專心一致放出黎, 放到邊先斷就睇佢做化, 三甲機會理應樂觀! 新聖在同程以十六倍暴光後, 接連兩仗有飛, 但前仗卻留到極後, 上仗增程則跑前, 兩仗俱做不到暴光一役, 留在中段跑法, 今仗強配蘇銘倫或許能再辦到, 雖熱但穩健性增加, 可作次選!進明之寶此程不錯, 杜鵬志騎後上馬也有一手, 對手非強, 謀一席不難! 劍追風泥地實力非特佳, 但慶幸在此組中實力稍佔上風, 也有力一爭!
順序心水: 金里程--->新聖--->進明之寶--->劍追風
第二場: 駿球同程實力不弱, 高雅志亦見合拍, 前仗負於其後再贏既利之寶, 在泥地此組中稍佔優勢, 加上跑法主動, 倍率亦不見乏味, 坐位望贏可辦到! 鬥彩此程亦有佳績支持, 突換杜利萊, 大概不滿意近仗表現, 今仗再跑同程, 絕佳冷配! 逍遙自在上仗雖贏得險, 但已和亞軍威其利雙雙拋離第三名, 今場本為首選, 但由近十倍贏馬變成今場大熱, 有點介心, 作配較宜! 哈哈大少落班卡士較高, 換韋達或能再見接近, 屬正宗配腳!
順序心水: 駿球--->鬥彩--->逍遙自在--->哈哈大少
第三場: 陽明先鋒今季跑七場, 六仗跑入前四名, 但偏偏無一場勝出, 今仗強配蘇銘倫, 好有機會係想贏番場交代, 如今強手盡去, 面對一眾實力較弱既四班馬, 甚有機會熱食一場, 穩位望贏之選, WQ膽材! 韋達於柏寶停賽, 馬上想於賀賢碼頭搵兩餐, 陶醉現在有近十倍, 韋達應會盡力爭表現, 首要配腳! 首騎士接連被批評, 論近兩仗走勢確有爭取更佳名次能力, 續配萬成戰意難測, 作配較佳! 朱古力前仗不俗, 快地特佳, 查維斯都搞得掂, 白布朗亦無問題, 冷配佳選!
順序心水: 陽明先鋒--->陶醉--->首騎士--->朱古力
第四場: 快達先後由蘇銘倫和巫斯義試閘, 上陣卻用戴勝, 看似前兩者棄騎, 但巫斯義同場並無座騎, 所以亦存在機會一心想用勝哥, 本身雖非泥地專家, 但亦曾在泥地有好表現, 場地適應能力問題不大, 今仗小休縮程強配, 隔夜有十多倍分頭, 冷品之選! 紅衣凱旋近仗走位並非最好, 今場轉戰泥地, 或有不同演出! 天域泥地合適, 今仗再爭同程, 有力爭取更前名次, 未可輕視! 南華九十又係韋達配上賀賢, 同程不俗, 老馬亦無保留必要, 可爭三甲!
順序心水: 快達--->紅衣凱旋--->天域--->南華九十
第五場: 更多一落三班即用戴勝, 胡新馬陸續上位, 有留意必要, 加上此駒近仗對住終身美麗個兩場, 都只輸兩個幾馬位, 鞍上人只係嚴顯強和魯柏軒, 反映此八歲老馬老而未頹, 今次落班即強配, 可能唔係玩玩下, 如今隔夜有十二倍, 可以搏單W, 亦可作冷膽! 最強對手係厚利多, 質素甚佳, 隨時贏得, 爭分跑打比, 戰意應佳, 次選! 步步穩亦有質素挑戰任何對手, 桑迪斯一早已一手操足, 有力一爭! 財到得勝連仗有好表現, 由白布朗換上蘇銘倫, 跑高一班有多, 正路熱門配腳!
順序心水: 更多--->厚利多--->步步穩--->財到得勝
第六場: 笑住贏排個外檔, 可能令騎者更刻意留後, 應該唔會再出現上仗既走位, 而且經上仗一役兼一個劣檔, 由兩倍變上十倍, 可謂值搏率大大提高, 而且韋達肯再騎, 理應不會一錯再錯, 泥地實力雄厚, 久沉難得復甦, 可拼則拼! 只因有你蘇銘倫肯再騎, 應有力提升名次! 神殿檔位轉佳, 泥地有好戰績支持, 配巫斯義死磅少, 三甲有機! 活國寶轉入告東尼後兩仗表現俱佳, 今次突然轉跑泥地, 應不會無的放矢, 冷腳佳選!
順序心水: 笑住贏--->只因有你--->神殿--->活國寶
第七場: 太極之光越贏越易, 上仗連拼後小休但無停課, 泥地專家可以繼扶搖直上, 萬成上訴期間, 此類大熱門更是多人注意力集中之處, 應會醒醒定定, 現在熱至兩倍, 熱得合理, 贏面甚高! 永旺駒有卡士, 善黏軟地, 泥地或有變身能力, 同場最有能力挑戰前騎非此駒莫屬! 喜蓮風采老馬泥地有卡士, 排檔不錯兼強配, 三甲樂觀! 竹筍捕頭曾在湯智傑誇下跑出水準, 勿因上仗欠休初出輸一仗而掉以輕心, 今場大冷腳!
順序心水: 太極之光--->永旺駒--->喜蓮風采--->竹筍捕頭
第八場: 順利取勝泥地有根有據, 上仗敗於強敵不足為辱, 萬成上訴期鬥志應佳, 人馬亦甚合拍, 同場有快馬在陣, 對此後上馬或有幫助, 對手比上仗大幅減弱, 可期再勝! 糖果精英泥地合適, 排十檔應夠快搶放切入, 未可輕視! 心中有運泥地問題不大, 有變身能力關鍵在於增程, 續配霍達有機會再爭上名! 好運贏家轉投黃汝安後亦未勝出, 韋達再騎, 泥地出色, 只忌稍熱, 但屬正路熱腳!
順序心水: 順利取勝--->糖果精英--->心中有運--->好運贏家
