由果陣開始我同P關係close左好多，多左好多野傾，生活上、工作上、同事八卦事，咩都會傾，不過都只限office hour，有時又會一齊lunch。雖然佢年紀比我大，但同佢傾計唔會有咩隔膜，好舒服。每次同佢傾得興高采烈都好，總覺得佢笑容背後帶有幾分哀愁。
如是者過左在、兩個月，到左聖誕節，我地部門將會攪Xmas party，其中會交換禮物。為免大家買埋晒d無謂野，所以會先以抽籤形式安排大家要送禮物既對象，咁大家就可以買得實際d、針對性d喎(!?)真係緣分既安排，十幾廿個人都俾我抽中P，我真係要花多d心思買份禮物送俾佢。
始終佢唔係什麼少女，無理由買米奇老幾、哈囉咪咪果d精品俾佢架，名牌我又買唔起，求其買我又唔想，真係頭都大埋.... 點先可以"物輕情義重"？我諗好多C hing都同我一樣R爆個頭N次，最後俾我係又一城一間精品店買左個銀製狗屋型音樂盒，條鏈一端係一舊骨頭，上鏈後舊骨頭會慢慢拖番去狗屋，幾得意！仲要唔貴，即買，包靚d唔該！
到食完野交換完禮物返埋位坐，電話響起「份禮物好得意！」
「係咩？咩黎架？」我扮晒儍
「我知係你買.... 我係秘書，party上下細節我點會唔知....」頂！想扮下野都唔得
「......咁你包番份禮物先！」
「吓??...... 哦。」
我行左出去佢個位，雖然佢已經包番好份禮物，但臉上面有一大個問號。
我搶過份禮物「我想再一次親手送俾你！」佢望住我好甜咁笑左出黎，雙手接左份禮物，跟住好怕羞咁垂低頭細細聲講左句「....多謝！」「希望你鍾意」「...鍾意呀！」估唔到呢d師奶劇集先會發生既對白情節居然會發生係我身上，仲要P同我都十分受落。由果刻我相信我地已經通左電！而事實亦都係咁。
