大文細佬

引用:

原帖由 宇宙的秘密 於 2017-9-2 11:49 AM 發表
都好有個正常嘅追，係咪又要等星期一先有文？

唔好意思，琴日返到屋企太攰，只作到好少，今日都只可以出好少文

大文細佬

網絡女作家的網戀 (十七)　辦公室戀情



翌日，我返回公司，Derrick 早已在我和 Alyssa 的辦公室門前站著

我大笑地問：「做乜咁早呀余先生？」

Derrick 從背後拿出一份禮物出來「Ling 送比你架」在交給我時，Alyssa 剛巧到達

我仍是大笑地拒絕他：「做乜送禮物比我呀？又唔係我生日，你攞返啦」

Alyssa 臉上有一陣變色，再說：「Ling 人地送比你咪收咗佢囉」

Derrick 誠懇地說：「其實係有人送比我，啲女仔嘢我又唔啱嘅，咪轉送比你，就當為咗我哋既友誼送比你囉。」

我只感覺很奇怪，不爾為然：「哦，咁呀，我收咗佢喇，陣間睇下係咩嚟嘅先，哈哈哈.....」

Derrick 歡喜地說：「係相架嚟，咁我返自己department 先，陣間再過嚟同你傾個program吖。」

我和 Alyssa 一同進入房間，Alyssa 跟我說：「Derrick 同你好熟架？」

我平常心地回答：「同事一個囉」

我隨手把禮物放入辦工桌的抽屜裡，開始工作。午膳後拆開這小禮物，是一粉紅色心形相架，我並沒有擺放任何相片，只放置於辦工桌上。亦因 Derrick 早上的行為被同事們認定他是追求我，但只在我背後傳言，我並不知情如常跟他朋友關係。

一星期後，再次收到 Derrick 的禮物，另一理由，這禮物是供應商送給他的贈品，他沒需要而轉送給我，我也懶得考究是什麼禮物同是放置於辦工桌的抽屜裡，如常跟他朋友關係。Derrick 追求我的傳言繼續散播。

～～現在回想 Alyssa 絕對是一位好上司，因她並沒有因為自己喜歡的男人追求自己的下屬而假公濟私或是諸多挑剔，仍然樂意信任我教導我。到今天的我也弄不清為何 Alyssa 被人冠以魔域女王的稱號。～～

大文細佬

網絡女作家的網戀 (十七)　辦公室戀情  Cont'......



傳言傳到 Alyssa 的上司 Baron 處，某天他召見我；

Baron 對著我微笑：「放心，你無做錯嘢，公事我會搵 Alyssa 同你講，你個樣真係好可愛嘅，做嘢都好 smart，如果我唔係結咗婚，我一定會追你。」

我驚慌地說：「Baron 唔係呀嘩，叫我嚟同我講如果你唔係結咗婚會追我，我會好驚囉。」

Baron 還是笑著：「講真架，不過你唔駛驚，本身好應該係 Alyssa 同你講嘅，但我又想親身見一見你，你好快會過 probation 喇，你有超出預期嘅表現，Alyssa 同我都好滿意，而且我哋想趁嚟緊嘅 Annual Dinner 提名你做今個月嘅傑出員工，你會响 Annual Dinner 攞到個 Award 嘅。」

我高興地：「多謝你呀 Baron，一陣我會多謝埋 Alyssa，仲有無其他吩咐呢？」

Baron語重心長地告訴我：「記住唔好比辦工室戀愛影響到你嘅工作表現呀」

我摸不著頭腦地回答：「你頭先咁講就真係嚇親我囉」

Baron 哈哈大笑著：「我頭先唔係講笑架，認真架，最衰自己結咗婚咋，哈哈哈.....」

此時的心是痛的，因為已婚愛人嘉永已浮現我的眼前。

大文細佬

網絡女作家的網戀 (十七)　辦公室戀情  Cont'......



這傳言速度之快，相信到今天的我也無法相像。竟然傳到我部門的最高領導人 Florence 耳裡，她是人類啊，喜歡討論別人的事，是人類的本性呢。

她回家跟丈夫說：「老公，你記唔記得我同你講過我部門嚟咗個新女同事，佢做嘢好 smart 嘅，最近仲吸引咗我哋公司 IT 部門經理 Derrick 追佢呀，呢上年我公司 Annual Dinner 做司儀果個男同事呀，我仲介紹你哋識嘅，叻仔嚟架，啱啱離咗婚就即刻追我哋個 90後女仔喇，都唔知係咪個女仔一入職就已經追緊架喇，睇怕都係。」

Florence 丈夫好奇地問 ：「成日聽你講個新女仔好 smart，原來係個 90 後嚟架？佢好靚架？一入職就有人追？」

Florence自豪地說：「我直接請嘅梗係又叻又靚架啦，不過硬係覺得佢好似有啲面善，可能咁，所以有啲親切感啦，加上佢 interview 都表現得好好。」

Florence 丈夫自信地說：「老婆你一向都係女強人嚟架啦，咁個 90 後叫咩名呀？」

Florence 懷疑丈夫的語氣說：「做咩呀，你又想追妹妹仔呀？你自己公司已經引埋啲妹妹仔架喇，唔好搞我公司嗰啲呀。不過量你都唔敢，佢叫阿 Ling 呀，其實嚟緊 Annual Dinner 你咪有機會見我部門啲新同事架啦。」


對啊，你們沒估計錯誤啊，Florence 的丈夫便是嘉永了，世事便是如此巧合。但嘉永並不知道我便是這位 90 後女孩啊，我亦不知道Florence 便是我的情敵啊。我和嘉永仍然保持著天理不容的關係，我還抱著嘉永會為我離開他妻子的惡毒心態。


～～待續～～

[ 本帖最後由 大文細佬 於 2017-9-5 08:15 AM 編輯 ]

焦急紫色的白襪

入正題了

大文細佬

引用:

原帖由 焦急紫色的白襪 於 2017-9-5 08:24 AM 發表
入正題了

都係架，不過依家就啱你睇喇，無咁甜喇，正常愛情故

大文細佬

網絡女作家的網戀 (十八)　過試用期



剛過試用期，我在公司裡多了一個外號 “魔域公主”，因為已很久沒有人能夠在 Alyssa 手下平安地過渡試用期了。

翌日亦是 Annual  Dinner 當天早上，我到 reception 處拿取無名氏送我的鮮花，只貼著心意卡恭賀我成功過渡試用期，還寫著我是有辦法把鮮花插起的。真的把我玩弄得哭笑不得，拿著鮮花步入辦公室，只把它放置在辦公桌上。

Alyssa看到鮮花說：「做咩唔插起佢呀？」

我無奈地說：「都無花樽」

Alyssa提議 ：「你問下其他同事有無花樽」

我並不希望像要告訴全世界般收到鮮花：「都係唔係咁好，算啦，我得閒同啲花淋一淋水就得架喇。」

就在這時候 Derrick 敲我們辦工室的房門進來對著我說：「Ling 你做乜唔插起啲花呀？」

我取笑他：「我點處理啲花又關你事，哈哈哈....」

Derrick 突然很認真地跟我說：「你拆咗我上次比你份禮物未呀？」

我奇怪地說：「未呀，我諗住我檯面已經無咩位，所以無拆呀。」

Derrick再誠懇地說：「你拆咗就知咩事架喇，你依家拆吖。」

我只有如他的意願拆那禮物，打開一看，原來是一水晶花瓶，我才驚覺Derrick是追求著自己，但我不懂如何處理此刻的情景，只是拿著花瓶停頓了。

Derrick 步向我跟前：「等我幫你攞水吖」已拿起那水晶花瓶步出房間

Alyssa 看到我的表情說：「你唔知佢追緊你咩？全公司都知喎。」

我的靈魂才回歸：「我真係唔知呀，以前以為佢就嚟同老婆離婚，所以成日搵我傾訴，傾傾下咪老友咗囉。」

Alyssa 笑著說：「傻妹，男仔個個都唔搵人傾，只係搵你傾就係對你有意思啦。」

我無奈地跟 Alyssa 說：「我依家感情上有個缺口，仲未解決到，暫時唔可以接受任何男仔住呀，咁點算呀？」

Alyssa 安慰我：「傻妹，你咪同Derrick 講比啲時間你考慮下先囉。」

結果我便回覆 Derrick 同樣的一句，可否給我點時間，Derrick 告訴我，他等待我。

大文細佬

網絡女作家的網戀 (十九)  公司週年聚餐　



公司讓員工提早兩小時下班為晚上的 Annual Dinner 作悉心裝扮，而我並沒有更換衣服，仍是那套行政套裝，因香港的居住生活指數太高了，慶幸我找到工作，否則我帶來的生活費早已花光了。只到 Salon 修剪煩惱絲，及化了淡妝。


跟盛裝的同事們一起到達酒店 ball room，因我簡樸的打扮，顯得與會場有點格格不入，慶幸我的套裝款式及顏色與在場酒店的工作人員不同，否則尷尬程度無法相像。

從席上的名牌看到安排，因我是部門中層位置，被安排與部門高層一席，部門所有的中層職員及我上司 Alyssa 以上的高層包括 Baron 也同席，最意想不到是 Florence 也選擇與我們同席。若以職級計算 Florence 理應與主席同座。但因我們的席上留有倆位空席，她選擇與我們打成一片。當然在下屬而言是有苦自己知呢，由其 Baron 更感壓力。相對於我說，我倒也沒問題呢，這可說是我的性格，本是平常心面對工作上所有事情。只有 Alyssa 或以上職級才容許攜眷出席，Baron 及 Florence 名字旁列印著 Baron’s 太太及 Florence’s 先生。

還沒開席前， Derrick 陪伴著我傾談：「Ling 你都算特別喎，唔打扮隆重啲？但我鍾意，清淡好靚。」

我尷尬地笑著說：「你估我唔想扮靚啲呀，我好窮架，無咁多錢買裙呀，依家搞到自己好怪咁，唔講以為我係 waitress 添喎，哈哈哈....」

Derrick 也陪著笑：「咁都係架，好采唔同款唔同色咋，哈哈哈….」

我白他一眼：「咪就係囉，仲笑人，哈哈哈.....」

Derrick興奮地問我：「你駛唔駛我介紹啲人你識呀？」

我打趣地說：「唔駛啦，我工作上關係，公司上上下下嘅無論高層低層，個個都主動咁識我，因為我打正旗號知道晒佢哋嘅私人資料嘛，佢哋唔知你都知晒啫。」

Derrick 大笑著：「咁又係，無人知我知，除咗電腦部啲同事知，主要係因為佢哋有呢方面嘅 knowledge ，哈哈哈....」

大文細佬

網絡女作家的網戀 (二十)  公司週年聚餐與嘉永相遇　



Derrick 正甜笑看著我時，Florence 牽著丈夫的手來到我們的席間，當時我是背向他們的，Derrick 面向他們。

Derrick站起說：「張生我哋又見喇」

我亦站起來轉身，差點跌倒座位上，不知所措，措手不及，還有什麼能形容此刻心情？激動得差點呼吸停頓。

嘉永同樣驚愕的表情，但他始終比我年長成熟，臨危不亂，處變不驚地說：「係呀 Derrick 我哋又見面喇，身邊呢位係你太太？」

Derrick 微笑回答：「我離咗婚喇，我都想Ling係我太太呀，我真係等緊佢架，佢係 Florence 部門架。」

Florence看到我的表情，再看看嘉永，她是如此精明，相信正在估計中了，還滿帶笑容地說：「Ling 咪我平時同你講好叻女個 90 後囉。」

我掙扎走出驚恐的心情，平伏聲線地回答：「Florence 你過獎喇，我邊樹叻呀，多得我個好上司 Alyssa 成日教我咋。」再似閃避嘉永眼神，還是要面對般，勉強地說：「張先生你好」


嘉永果然是高手，仍非常平靜地跟 Derrick 說：「Derrick 你好叻仔呀，連追女仔都咁識柬，祝你好快打動阿 Ling 芳心啦。」

大文細佬

網絡女作家的網戀 (二十)  公司週年聚餐與嘉永相遇 Cont'......



我已不敢再眼神接觸嘉永了，只看著 Derrick，Derrick 同時看著我，四目交投，他是興奮，而我是不知所措，我借機到洗手間暫離開這情境。在洗手間心裡自忖如何克服憂慮尷尬，不能馬上離開，唯有見步行事。


返回座席，看到同事們已各自坐下，亦了解嘉永刻意坐在我視線範圍看不到他的位置。奇怪地還看到 Derrick 跟我一部們同事交換了位置，他還預留身邊座位給我，看到座位編排後我總算暫時鬆了一口氣。

入座在 Derrick 身邊時，他站起來替我拉開座椅，甜笑說：「係咪好意外我同你同事換咗位呢？」

我禮貌微笑回答：「都有啲架，我今日著成咁，唔駛做呢種禮節啦。」

Derrick 讓我坐下再返回自己座位跟我說：「今日等我嚟照顧你啦」

～～待續～～

[ 本帖最後由 大文細佬 於 2017-9-6 08:22 AM 編輯 ]