上
我叫阿琳,喺中環一間專幫明星同有錢人剪頭髮嘅髮型屋做洗頭。
呢度,一個普通專業人士客嚟剪嗰幾條毛,都要收二千。
好多人話我得意,話我似細粒版周秀娜,又有人話我靚過周秀娜。不過我波波就冇人咁大啦,我嗰對係微波。
佢哋估我廿二歲左右,其實我就嚟三十。
我知道我的確幾討人鍾意。我本身樂觀、開朗,又鍾意傾偈。同埋我到而家嘅年紀仲鍾意公仔,見到得意嘅公仔就買,而家住嘅地方已經有十幾個。
我背景少少複雜。
細個深圳大,讀唔成書,又想賺錢買嘢,就走去做骨妹。
喺一間好大嘅場做,係真正揼骨嘅。有打飛機,不過小費好高,除衫、揸波,逐樣計,人客落樓閒閒哋千千聲。
我喺呢個場識咗第一個男朋友。可能你覺得奇怪,邊有人喺呢啲地方識男朋友?不過我真係喺嗰度識佢㗎,嗰陣佢好鍾意我,追我追得好緊要,我見同佢啱傾,就開始咗。
佢追咗我大半年至同我發生關係。不過,我嘅第一次,之前已經俾一個有錢客食咗。
呢個有錢客俾好多錢照顧我,我對佢唔係太有feel,佢個人幾好嘅,不過已經結咗婚,如果唔係我或者考慮俾佢追。
為咗報答佢,我就同佢做,維持咗大半年性關係。
男朋友係後來先至識,佢唔知道我嘅第一次係俾呢度嘅客食咗嘅。
後來男朋友攪大咗我,我同佢結咗婚,頭三個月已經發覺性格不合。佢發現咗嗰個有錢客一路有撩我傾偈,就周時嗌交,同埋佢唔做嘢,我就同佢離婚。
阿姨喺香港做生意,幾有錢,叫我過去。
個女留喺深圳俾屋企人揍。
過到香港,日日喺阿姨屋企踎dun。深圳有個姊妹喺呢度做邪骨,介紹我去。
香港收費平過深圳好多,按摩連小費七舊水已經包咗打飛機、揸波。有啲鹹濕啲嘅人客仲要起勢攪妳下面,又有啲當正自己風流倜儻,攞咗妳電話、微信之後就周時撩妳傾偈,但好日唔幫襯一次。
我根本唔等錢開飯,根本唔想啋呢啲麻甩佬,就辭工唔撈,寧願日日喺阿姨屋企踎dun。
阿姨好錫我。佢同我媽感情好好,佢自己冇兒冇女,自細當我係佢女咁錫。阿媽話阿姨後生俾男人呃過,所以唔想結婚,靠自己發咗達。
佢識得中環一間好高檔嘅髮型屋老闆娘,就叫我去學嘢。呢個老闆娘係個叻女,人又靚、又有型,仲識得好多明星、歌星、有錢人,於是開咗呢間專做佢哋嘅髮型屋。
嗰度有好多鬼婆、鬼妹客,我英文唔多掂。
同呢度啲男仔、女仔唔係好夾,佢哋冇排擠我,不過我大陸女仔同佢哋冇乜共同話題,覺得同佢哋傾唔埋。
有人同我講,出面有啲髮型屋,有啲女仔會嘍人客做男朋友,係包養嗰種,即係人客每個月俾個女仔一筆錢,例如萬二蚊,個女仔就會好似女朋友咁同個客來往,當然亦會包上床。聽講有啲女仔同一時間唔止有一個咁嘅男朋友。
呢度嘅老闆娘好嚴,絕對禁止啲女仔做呢啲嘢。
但係有時人客嚟幫襯多咗,同個女仔熟咗,佢哋喺出面有咩接觸,公司冇辦法管。亦試過有啲律師仔、會計師仔,鍾意咗個洗頭妹,於是追佢,呢啲事情亦管唔到。
我冇理呢啲嘢,亦冇諗住要識返個有錢客人然後俾人照顧,更加唔想喺呢度攪男女關係。只係想好好哋做嘢同埋學吓嘢,我份人冇乜目標,亦冇乜大志。
一日,有個新客嚟幫襯,睇樣三十幾,斯斯文文,唔算好靚仔,但着衫好睇,幾有氣質。有時啲客人洗頭嗰陣會撩我哋講吓嘢,但呢個客好靜。我話哂曾經做過骨妹,洗頭嗰陣順手幫人客按吓頭,好多客人話舒服問我係咪學過,有啲仲專登嚟齋洗頭。於是就幫呢個客按吓頭。
呢個客佬佬哋、cool cool哋,唔多嘢講,眼神有啲憂鬱,幾有氣質,就嘍吓佢講嘢。
我問佢做乜嘢㗎。
佢話做管理嘅,我話仲以為佢做藝術。
點知佢話真係做同藝術有關嘅管理。
我問佢幾多歲,佢叫我估。我話三十幾啦,佢話多謝。我話,唔只?俾你最多咪四十。佢話我好叻氹人。我話講真㗎,唔係氹你。佢話佢嘅年紀做得我爸爸。我唔信,我問咁佢應該結咗婚啦?佢話結過、離過,而家有一個女朋友,最近返咗大陸做嘢,唔知幾時再返嚟。
我問,你好掛住佢?佢話好掛住。我問仲有冇聯繫?佢話有,佢同女朋友唔係分手,不過而家冇得一齊。
唔怪得佢有啲憂鬱咁樣。
佢問我有冇男朋友仔。我話離咗婚喇,女都有個。佢話妳咁細個有個女?我話唔得咩?佢話唔係。
我話其實都唔細喇。佢話最多咪廿四歲,我話唔只啦。
佢話我手勢好,問我叫咩名,話下次搵返我。我講俾佢知,佢話同佢女朋友同名。
我話你氹女仔?
佢俾佢聊天紀錄我睇,真係同我同名。雖然我個名不知幾普通,周街叫隨時會有幾個人應妳。佢俾佢女朋友啲相我睇,幾靚女,有啲貴氣,似係有錢人。
我俾咗微信佢。
佢叫阿偉,同我前夫一樣😓。
嗰日做完嘢就諗起佢,入去佢微信朋友圈睇吓佢啲嘢。
佢去好多地方,非洲、北極、澳洲...佢好鍾意影相,啲相好有藝術感,寂寞同滄桑。
第二日下晝等嘢做嗰陣,又諗起佢。忍唔住發咗個信息撩吓佢,佢好開心。
我問佢收工未,佢話收咗。我問佢做緊乜,佢話行緊街。我問,喺附近?佢話係。我叫佢過嚟睇吓我吖😛,佢話好。
等咗一陣,見到佢喺門外望吓我,同我打招呼。我當時唔知諗緊咩,冇即刻出去,佢就走咗。
之後我發個訊息俾佢,話佢咁快走,仲諗住出嚟傾幾句。
佢話下次見面傾啦,再唔係平時都可以傾微信吖,佢整咗個開心公仔
。
唔知點解,佢嚟望吓我,我已經好開心,成晚心情好好。
每日搵佢傾傾偈,有時一日搵兩、三次,每次都傾幾耐。
我自己都覺得有啲嘢,於是唔搵佢兩三日,點知佢一啲動靜都冇。我忍唔住又搵返佢,問佢有冇掛住我,佢話有呀。
我話有至奇,都係我搵佢,佢一次都冇主動發訊息俾我。佢話驚打攪我啫。我話你見我成日搵,就知道我鍾意啦,除非你唔鍾意同我傾偈啫。佢話鍾意呀。
有兩個星期不斷打風,打完一個又一個。我得閒無聊就發個訊息去,問佢做緊乜呀咁。
試過瞓唔着,發訊息睇吓佢做緊乜。佢喺公司開夜,佢份工係睇人做嘢,等人做好佢至有得睇,所以有時間陪我傾偈。嗰晚我12點幾同佢傾到3點,而家諗返都好甜。我喺淘寶訂咗啲嘢嚟到貨不對辦又話佢知,又發細個嗰陣啲相俾佢睇。嗰陣我鍾意染頭髮,染啲好誇張嘅顏色。佢話好睇,話我成個𡃁模咁,叫我染返啦。我話染一次呢啲要幾個鐘,好麻煩。
佢叫我做得意妹妹,話如果佢後生二十年遇到幾年前嘅我咪好囉。我話佢唔好話自己老好冇,佢並係老而我亦唔係細個。
我話見過一個老伯拖住個後生女,覺得都唔錯吖,我鍾意成熟男人。
熟咗,佢開始有啲細路仔行為。
有次佢問,可唔可以問妳一個問題,我叫佢問。佢話點解妳咁可愛?我笑,然後問,你要問我嘅就係呢個問題?佢話係,點解妳咁可愛?
佢唔係第一個話我可愛,好多人都咁講,我就嚟三十㗎喇,仲可愛咩?不過佢話我可愛,我覺得好甜。我話我一啲唔覺得自己可愛,佢話佢覺所以先至問。
我問佢仲記唔記得我咩樣?佢話點會唔記得,妳微信裏面有妳啲相㗎嘛。我話,你個微信都冇你啲相嘅,但係我都記得。
有一日佢嚟剪頭髮,我好開心。
人客嚟剪髮,我哋會幫人客洗兩次頭,剪之前同之後。兩次我都有同佢傾偈。
臨走,佢想同我合照。我見老闆娘唔喺度,就話好。佢搭住我膊頭,我不自覺笑得好開心。
佢走咗冇耐,我就問佢要返頭先啲相。
佢發俾我,問我點解笑到咁開心。我話我真係好開心吖嘛。
佢話我可愛妹妹,我叫佢型大叔。
有一晚,我臨收工發個訊息問佢喺邊,佢話返緊屋企。佢屋企喺中環,我就叫佢嚟接我放工。
佢話好。
我叫佢唔好嚟舖頭,去對面等。一見到佢喺對面,我就出去。
佢提議去食飯,我話好。行咗一個街口,佢即刻拖住我手,我好開心。
佢帶我去鏞記,然後同我拖住手喺左近散吓步,嗰晚嘅氣氛好浪漫。
之後佢帶我去酒吧飲嘢。
我哋喺梳化坐。我伏喺佢膊頭,佢攬住我,搓吓我膊頭,跟住咀我。以前做邪骨嘅時候,有時俾鹹濕佬監粗錫咀,好反感。但佢咀我,我好鍾意。當佢想伸脷入嚟,我覺得有啲唔好意思,大家仲未係嗰種關係。我就合埋咀唇唔俾佢入嚟。佢試圖監粗嚟,我俾佢頂到我啲牙、掂一吓脷尖,佢就冇再堅持。
我話要返屋企喇。
阿姨住羅便臣道,我想行路返去。佢話咁夜,一個女仔喺街唔好,不如陪妳行啦。
我哋拖住手沿住堅道一路行到般咸道,經過一個公園,佢突然攬住我,咀我。我就喺嗰度俾佢監粗伸脷入我咀裏面。我俾佢呢個舉動溶化咗,企喺度同佢撩嚟撩去。
錫完咀,我哋繼續行,行到阿姨住間大厦嘅大堂,佢就話走喇。我叫佢送到我上去啦,佢就陪我上去,喺阿姨屋企門口,我忍唔住攬住佢又試同佢錫咗一輪,我哋互相伸脷入對方度撩嚟撩去。
佢話走喇,我叫佢返到屋企發個訊息嚟,佢話好。
佢返到去果然發俾我。我問佢有冇一路諗住我?佢話有,問返我係咪喜歡佢?我話係喜歡,不過冇刻意諗我哋係乜,亦冇諗可以點,而家咁樣好好,最緊要大家開心就得。
佢話想同我做愛,我問佢點解想?佢話係自然需要,既然佢喜歡我、我喜歡佢。我話做咗之後你會當我係乜?佢話會比而家更好。
我問佢可唔可以睇吓佢,佢話得。我哋視頻咗一陣,佢俾我睇佢屋企、我俾佢睇吓我間房、我啲公仔。
之後我哋繼續每日喺微信互相嘍吓對方傾吓計。
我話俾娜娜知識到呢個大叔,我俾我哋啲合照佢睇。佢話唔錯,帥氣。
我話,佢話自己五十歲。娜娜話點睇都唔似,最多咪三十幾。
娜娜就係之前介紹我去做邪骨嗰個女仔,我同佢喺深圳已經識。佢到而家仲會有時嘍我去骨場客串吓,我話唔想。
嗰陣做過一條叫史坦利嘅吹水佬,幫襯過一次就攞我微信,得閒無事就撩我。我冇做骨場一排佢仲有撩我,以為自己風流倜儻。
我話我冇做喇,佢話咁可以做朋友啫。做你老母,我即刻封鎖咗呢條友。你估我係要靠呢啲嘢搵食嘅女仔先至要局住計啋吓你啲咁嘅人。
娜娜話如果我去可以俾我揀客做。
其實阿姨本來想我去佢公司幫手,但我連基本學歷都冇,佢雖需然係老闆都要跟手續,唔係話請就請。佢叫我去北角一間機構讀返個課程,有返呢度嘅預科資歷先。我想part-time讀,日頭可以搵嘢做。
有日放假,我想阿偉陪我一日,佢話得。嗰日我哋喺尖沙咀行街。佢成日話自己係老頭子,拖個靚妹出街會俾人以為我哋係父女。我話佢唔係老,而我亦唔係細,加上佢個樣頂多三十幾。
佢拖住我行名店、食茶餐廳、去酒店飲嘢,我好開心。佢話送個Chanel手袋俾我,我個心好甜,但話唔使喇,又唔係咩名人,襯唔起。
行咗半日,攰攰哋,經過一間時鐘酒店,佢問都冇問就拖咗我上去。
我預咗會有事發生喇。
未完
[
本帖最後由 dcat20 於 2017-10-2 03:28 AM 編輯 ]