有睇開既朋友，相信你地會記得我同n先生可以好早收工，而且想去邊都得，我地都幾鐘意入下長洲煮下飯仔。
我地會即興去到長洲先租房，可能租到人地都認得我地
哈哈
有一次兩點幾放左工我提議入長洲我煮飯，於是我地就馬上入去。
去過渡假屋租房既人都知道，廚房入面除左沙煲喇撐係冇任何調味料既，我地之前都會特登買油黎用兩滴，買鹽用幾粒，但咁樣實左太浪費了，所以我今次諗左而一送一湯，不用調味料，用天然既味道。
n先生打算同我放低啲野就出發，但我掛住彩電視，睇到好晏先出得門口XD 出去個陣我乜都冇帶，淨係拖實n先生，我地首先去食少少野，食完野我好朝住街市方向行。
跟住n先生電話響，原來係公司個新同事打黎阻住我地拍拖
由於我乜都冇帶既關係，我入到街市就係n先生銀包拎左五十蚊，睇岩啲咩就買，我買左8隻雞翼，1包冰糖，3粒酸妹，5蚊冬瓜，1隻咸蛋，4蚊冬菇，同埋最後去左超市買左一包壽x牌麵。結果岩岩好用晒50蚊。
我望一望n先生，仲傾緊電話：@ 冇耐就收左線。
n先生問：“你買晒喇?“ 我話買晒啦可以返去煮喇y^o^y
識煮飯既朋友應該會估到我煲冬瓜湯，咁因為有咸蛋吊味咁就夠味，另外仲有酸
妹，冰糖同雞翼點煮呢。
我地一返到屋企≧﹏≦，我就開始做準備，我首先用酸妹溶左啲冰糖先，而個係用黎整雞翼既，浸冬菇，切冬瓜，抖左陣就開始煲湯。
煲完就開始煎雞翼，首先煎熟佢，然後將我岩岩準備個個“冰妹醬“（冰糖加酸妹）倒堆落雞翼度煮，非常開胃，野味^^
最後煮埋個麵，大功告成。
“老公食飯 老婆食飯
“
n先生大讚小小煮得好
可能為左獎勵我，我地既飯後運動進行左兩次，（小朋友唔好學呀XD食飽要抖下）
n先生我愛你<3
*****************續*****************
