8. 真實謊言
話說我 (Celestine Leung) 同 David (Mr Ng) 上床，當佢攞 condom 準備進入我身體之際，佢見到佢同 Mrs Ng 嘅結婚相，突然好傷心難過，於是我地冇做落去。安慰完佢我返屋企，途中...
電話響，係同事 Sylvia Cheung 打嚟...
「喂 Sylvia，返到香港喇?」
「啱啱入屋，你估我嚮首爾撞到邊個?」
「又邊個咁巴閉呀? Johnny Depp 定 Justin Bieber?」
「都唔係，係 Derek Ma。」
「馬公子? 佢陪校長馬太去 shopping?」
「唔係喎，得佢一個咋。」
「咁佢咪送羊入虎口? 你追咗佢好耐囉喎。」
「嘻嘻! 我都估唔到我地會發展得咁快，只差一步就... 嘻嘻!」
「你地又係上到床但冇做?」
「未，我地仲未上床。」
「佢送你返酒店，但去到房門口 kiss 完就走?」
「佢冇上嚟，送到酒店 lobby 咋。」
「你地嚮 lobby 度 kiss?」
「冇呀，我地都冇 kiss?」
「咁佢有攬下你，或者拖住你喇啩?」
「都冇啫...」
「吓! 乜都冇? Sylvia，你果差一步都好大步下喎!」
「唓! 呢幾日佢陪我四維去，日對夜對呢啲唔係進展嚟咩?」
「OK you win.」
「我覺得呢，我地深入了解咗對方好多，我相信我地好快就... 嘻嘻!」
「咁請問 Miss Cheung 你了解咗佢啲咩呢?」
「多囉，例如佢讀邊間學校啦，有咩興趣啦，嗜好係乜，平時鍾意做乜...」
「呢啲野連校工都知喎...」
「你地知啲皮毛啫，我知好多秘密架，例如你知唔知佢以前係中學泳隊，有一次校際賽差半隻手掌位游第二，佢喊咗兩日?」
全校都知佢係游泳健將啦，男仔比賽輸咗喊好平常啫，咁都算秘密?
「我唔知...」
唉! 畀面佢算喇。
「咁 Sylvia 你又有冇分享你啲秘密畀佢知?」
「當然有畀機會佢了解我啦，不過我專揀我最靚最性感嘅秘密先畀佢知，我覺得佢望我嘅眼神唔同咗，係充滿愛意。」
「Wow! 咁佢應該走唔出你手指罅喇。」
「嘻嘻... 不過 Celestine，頭先你好似話上咗床但冇做，你又有 one night stand 呀?」
「喂，Miss Cheung，我再嚴正聲明多一次，你唔好再話我又有，講到我好似好濫交咁，我唔抗拒 sex 啫，我唔係咁隨便同男人上床架!」
「Sorry sorry 記住記住，咁你又搞咩又上床又冇做?」
於是我將 David 嘅事講畀佢知，除咗親熱時啲細節，其餘都講晒。
「嗯，Celestine，跟據我嚮網上睇番嚟其他人嘅經驗，你呢位單親爹地多數都係呃蝦條。」
「蝦條?」
「簡單講即係氹你上床。」
「我已經嚮床上面喇喎...」
「可能佢唔想 one night stand 咁簡單呢? 可能佢想你畀佢長期食用呢?」
「乜你啲形容咁露骨架?」
「Celestine 你諗番吖，頭先同佢上床有冇啲係因為可憐佢先?」
「嗯... 咁或多或少都有嘅。」
「咪係囉，佢捉住你啲同情心，想你沉船，到時你咪任佢魚肉囉，小心啲呀，呢啲有經歷嘅男人好識玩女人架。」
我承認對 David 有小小好感，可能會偏幫，不過點睇佢都唔係果種人囉。
「唔好被我批中吖，佢呢幾日一定唔會搵你，等你掛住佢，之後突然嚮你面前出現，扮偶遇...」
「OK, I will keep an eye on him.」
「不過掉番轉諗，Celestine，你又會唔會考慮下俘虜呢個男人，要佢同你正式發展呢?」
「吓?」
「佢有個女，你又生唔到 BB，咁咪啱晒囉，即刻有個女。」
「乜你咁矛盾架? 呢頭叫我小心佢，果頭又叫我同佢...」
「你冇聽過 life is like a box of chocolates 咩? 唔試過又點知喎? 不過試還試，小心啲就得啦，冇矛盾格。」
「冇你咁好氣! 唔講男人喇，嚮 Seoul 有冇買衫呀?」
「點會冇? 我想成個首爾搬番香港添呀!」
「有冇咁誇呀? 買咗咩?」
「多囉，有幾條裙啱晒下次校慶表演用，又有摟吊裙，perfectly match my body! 應細得細，應大更加大...」
於是我地傾咗成晚電話。
跟住果幾日，我如常地上堂，不過話如常又啱唔晒，因為經常會突然想起 David，尤其係佢錫我背脊果時嘅感覺，佢果種溫柔，佢果種刺激，佢果種深情...
搞到我成日囉囉攣，想過搵 Patrick，不過...
「咳咳咳...」
「許 sir，你咁病就咪返學啦，一陣惹病啲學生就死。」
「咳咳...你估我唔想咩，但上次病咗兩日叫班學生自修，點知被家長投訴到校長度... 咳咳... 唉! 最衰係你，又唔嚟幫我襟被... 咳咳咳...」
「咁你都係早啲安息啦。」
呢幾日一得閒我就望住部電話，期待 David 會搵我，不過一直冇來電，又冇 whatsapp，唔通好似 Sylvia 咁講佢特登唔搵我，想我掛住佢?
「Miss Leung，睇咩咁入神呀?」
「馬公子?」
「唔好咁叫我啦，好怪呀! 叫我 Derek 啦。」
「嘻嘻! 佢地個個都咁叫嘛... 咁冇學生嚮附近你都可以叫我 Celestine 嘅。」
「嗯，Celestine，我啱啱去完首爾，呢盒手信送畀你嘅。」
「嘩! 多謝呀，不過今日星期四喇喎，你梗係派到手軟哩?」
「唔係呀，唔係個個有架，我等冇人見到先畀你咋。」
「Just for me? It's my honour!」
「I am glad you like it. You are so special for me...」
「係呢，Sylvia 話嚮 Seoul 撞到你喎。」
「係呀，我地一齊玩咗幾日，we have many memorable moments。」
咦? Sylvia 冇作大喎!
「Sylvia 係一個充滿驚喜嘅女仔，I love to go with her.」
嘩! Derek 對 Sylvia 印象幾好噃...
「點只呀! Sylvia 仲係好多學生心目中嘅女神嚟架，尤其上次校慶表演，啲高年班男生個個對佢暈晒浪...」
Sylvia，等我幫你一把啦!
「呢點我都略有所聞... 我記得上次校慶你都有份表演喎，你同佢扮兩姐妹，私底下你地感情都好好哩。」
「係呀，我上次表演條裙都係佢借嘅，我地一齊嚮後台換衫，her figure is wonderful!」
Oops! 我好似落力過頭...
Derek 笑一笑，梗係笑我太 hard sell 喇。
「我都明嘅，Sylvia 的確係一個好吸引人嘅女仔... 不過可惜... 我其實喜歡男人...」
Ah?
「Are you kidding?」
「I am serious.」
Oh my god! Oh my god! Oh my god!
一個樣貌，身形，學歷，背景，性格... 各方面都完美嘅男人，佢竟然係 gay 嘅?
「Sorry, is it too shocking for you?」
我要搵野扶住，否則會嚇到跌嚮度...
不過跌低係小事，我怕 Sylvia 知道會做傻事。
「我... 呀... well, I have to respect your...」
唉! 都唔知講咩好囉。
「Celestine，希望你幫我保守呢個秘密。」
「我明白嘅... 咁馬太知唔知?」
「I am not sure，不過佢係我媽咪，點會唔知我啲野? 可能佢選擇睇唔到啫。」
咁又係，如果我係馬太，我都唔知點面對。
「我其實唔抗拒同女仔相處嘅，不過我對佢地只有兄弟情，冇令我心動嘅感覺，除咗...」
「喂，你地有乜咁好傾呀?」
Holy cow! Sylvia 呢個時候彈出嚟!
「冇，講起你地嚮 Seoul 啲野啫...」
Derek 呢個秘密對我嘅震撼比得上考試 fail 晒全班學生!
唉! 好唔好同 Sylvia 講呢?
唔講就眼白白睇住佢浪費青春，其實以佢嘅條件，要咩男人都有。
講就怕佢一時睇唔開，佢迷戀 Derek 已經去到不能自拔嘅地步。
呢個問題搞到我神不守捨，返到屋企先記起沙律同生果都食晒，唯有去附近食晚飯先。
入到快餐店，我竟然見到 David 嚮度睇緊 menu...
真係扮偶遇?
<未完待續，不定期連載>
[ 本帖最後由 慢嘗君 於 2017-6-21 10:58 PM 編輯 ]
