慢嘗君

引用:

原帖由 sherwoodhk 於 2017-7-28 07:05 AM 發表
女主角已經開始入魔，感覺沒有happy ending

都唔算好魔啫, 不過好 desperate 就真嘅

慢嘗君

引用:

原帖由 Churchill1130 於 2017-7-28 11:47 PM 發表
個個比D相學校嘅人呢？

好高興你記得果個伏線, 將會盡快交代

慢嘗君

星期二晚, 第 17 集: 情書

慢嘗君

17. 情書

話說我 (Celestine Leung) 習慣咗 Dr Lo 嘅變態行為，漸漸由出賣身體變成享受同佢做愛，但同時令我唔知點面對 David，開始質疑對佢嘅感情，仲將佢嘅關心拒諸門外。另一方面，本來 Dr Lo 應承過我服侍佢一個星期後會介紹工作畀我，點知去到最後一日，佢突然失蹤...

嚮返屋企途中，我諗起保安員嘅說話...

聽講，我都係聽人講咋，佢啲私幫生意同學校有利益衝突喎，學校查佢，佢咪走囉。

又聽講，我都係聽人講咋，佢向啲學生攞著數，學生照做就高分啲，有人投訴佢，佢收到風咪走囉。

我又聽講，我都係聽人講咋，佢...

無論原因係咩，總之佢走咗，佢玩完我就走咗。

我點會咁蠢被佢呃到? 明明初初都懷疑過佢，點會繼續舂個頭埋去? 被佢玩咗成個星期?

身為老師，我竟然連咁簡單嘅騙子都睇唔出，咁明顯嘅騙案都睇唔到，我真係無資格做老師!

我更無資格做 David 嘅女人，自己送上門被另一個男人一次又一次淫辱，對 David 反而無理取鬧...

David 仲以為自己激嬲咗我，不停向我道歉，不斷氹我。

我欠佢太多。

唉，就快要交下個月屋租，我依家冇晒收入，係咪要向 David 求乞?

但我冇面見佢，我冇辦法面對佢，我想避開佢。

「Celestine，你又啱啱見完工返嚟? 無晒精神嘅? 係咪唔係幾好?」

「都... 唉... 普通啦...」

點只唔係幾好? 直情咩都冇晒，呢個星期日日被 Dr Lo 搞，完全係白費。

「Celestine，我幫你搵咗啲資料，原來有啲學校會嚮求職網站登廣告，呢啲可能啱你。」

我接住 David 手上疊 printout。

「你有冇諗過轉做全職補習? 我見有好多 ad 呀，做到名氣話唔定會成為補習天王，不如趁早轉形啦...」

佢一輪嘴咁講，我覺得好煩，我依家唔係要聽呢啲，我被人呃呀，好想被人開解呀，唔係同我講前途呀!

「Celestine，呢度呢，你睇下...」

「夠喇，David，我唔想聽，你唔好咩都幫我諗定晒好唔好?」

「我都係想幫你啫。」

「David，你知唔知咁我會好辛苦? 我咩都比唔上你，你搞到我無地自容。」

「你點會咁諗? 點解要比較?」

「我同你一齊好似好蠢咁，只會被人呃...」

「吓? 邊個呃你? 你遇到求職騙案? 有冇損失?」

呢句說話好似一口鐵釘，狠狠打入我心臟。

「冇呀! 咩都冇呀! 我唔想再講! 我唔想見你!」

「Sorry Celestine，我係咪講錯野? 你唔好嬲啦...」

佢想攬埋嚟，但我擋開佢。

「我唔係只有 sex 架，唔好成日諗住同我上床呀...」

佢好愕然，我都好愕然，差啲就將唔可以講嘅都講埋。

「你返去先，我要冷靜下，我諗我地暫時唔好見面，我唔想一見面又嗌交。」

我轉身上樓，留低 David 一臉亡然企嚮度。

返到入屋，我忍唔住，由得自己放聲大哭...

「對唔住! David，係我唔啱! 係我蠢! 係我甘心情願被人搞! 對唔住，對唔住，對唔住...」

「對唔住! David，係我背叛你! 係我不知廉恥! 係我生性淫蕩! 係我對你唔住，對唔住，對唔住，對唔住...」

「對唔住! David...」

之後兩日我都留嚮屋企，一來唔想洗錢，二來雙眼喊到腫晒，唔見得人。

David send 咗好多 whatsapp 畀我，向我道歉，求我原諒。

我愈睇愈想喊，愈原諒唔到自己，全部 whatsapp 只讀不回。

逐漸我冷靜落嚟...

無論我愛唔愛 David 都好，事實係我已經冇資格愛佢。

我敢唔敢將自己啲醜事講晒畀佢知? 講咗只會傷害佢。

如果一直忍瞞落去，對佢好唔公平，而且點知幾時又好似啲淫照咁突然爆出嚟?

從邊過角度睇，我地都冇可能走落去，趁大家感情仲未夠深，我地只可以分手。

諗到呢度，心口好痛，感覺仲痛過當時同展文分手。

我同展文一齊咁多年，同 David 咁短時間，點解同 David 分開會仲痛過展文?

好痛苦，好難受...

星期一，我去 Katy 屋企上堂，今日應該係最後一堂，我要先向 Katy 鄭重道歉，然後同 David 講分手。

Katy 如常冷漠地上堂，咁都好，至少佢唔會為分開而難過。

「That's all. Katy, do you have question?」

佢冷淡地擰頭。

我趁佢仲望住我...

「Then, Katy, I have...」

「Miss Leung，are you sad? You look sad.」

好驚訝，第一次 Katy 主動講野。

「Ah... yes, Katy, I am sad. I am sad because I have made a mistake, a mistake so serious that I can never forgive myself.」

佢望住我，諗咗一陣。

「Miss Leung, can you read a story book with me?」

「Yes，I ca...」

我未講完佢就走入房攞咗本故事書畀我，係圖書館借嘅故事書。

呢個故事我未睇過，改編自 Fairy Tales of Hans Christian Andersen，主角係一個用錫造，單腳嘅玩具士兵，佢愛上咗主人屋企一個舞姿優美嘅紙娃娃，而呢個紙娃娃亦對士兵有好感。

不過黑妖精公仔都鍾意紙娃娃，要娶佢做老婆，於是用魔法令士兵由窗門跌出屋外。

士兵輾轉經過好多危難，佢勇敢面對, 冇放棄過要見番紙娃娃嘅信念，後來被一條魚吞咗落肚。

點知呢條魚被人捉咗，最後變成士兵主人屋企嘅晚餐，所以士兵神奇地又返到紙娃娃身邊。

經歷過分離與重逢，士兵同紙娃娃更愛對方。

不過黑妖精又用魔法將士兵掉入火爐。

呢次士兵冇咁幸運，火炎將佢熔化，眼見自己冇得救，士兵堅定地望住紙娃娃，向佢道別。

突然有一陣風吹入屋，將紙娃娃吹起，送佢飛入火爐，緊緊地抱住士兵，兩個一齊嚮火炎中消失。

第二日，主人清理火爐灰時，發現一粒用錫鑄造嘅心。

呢個故事有啲悲慘，雖然士兵同洋娃娃最終化為一體，不過難免令人有啲傷感。

「Katy, do you like this story? How do you feel?」

「Miss Leung，媽咪死之前同我講，叫我代佢好好睇住爹地，我應承佢。」

「嗯，我記得你以前同我講過。」

「不過媽咪話，有朝一日我會長大，我會結婚，我會生 BB，我唔可以永遠照顧爹地...」

原來 Mrs Ng 嘅遺言仲有下半部?

「佢話如果有一日爹地遇到一個錫佢同錫我嘅人，我一定要聽果個人話，我話知道，我會...」

Katy 開始眼濕濕。

「果晚我發夢，我見到媽咪，媽咪話拜託咗 Miss Leung 嚟照顧爹地同埋我，叫我要錫 Miss Leung 同聽佢話，我話知道，我會。」

我碌大雙眼，完全估唔到...

「第二日，我一早叫婆婆帶我番屋企，我想同爹地講我見到媽咪，點知見到你地...」

我眼角亦流出眼淚。

「我明明應承過媽咪要錫 Miss Leung，要聽 Miss Leung 話，但係我冇聽媽咪話，我冇做到媽咪要我做嘅...」

佢雙眼湧出眼淚。

「我做唔到... 對唔住，對唔住... 媽咪... 我好掛住媽咪呀，哇哇哇，媽咪呀，我好掛住媽咪呀...」

原來 Katy 唔係憎我，只係嬲自己遵守唔到對 Mrs Ng 嘅諾言。

「Sorry Katy.」

我都忍唔住喊，如果果日我唔係掛住同 David 親熱，事情就唔會變成咁。

「媽咪呀，媽咪呀，嗚嗚，媽咪...」

我輕輕攬住佢，佢緊緊抱實我。

「媽咪，媽咪，媽咪，對唔住，媽咪...」

突然我心入面充滿暖意，同 David 相似，但有分別，係一種好想保護佢嘅感覺。

「媽咪，媽咪...」

我情不自禁錫一啖 Katy 啲頭髮。

「Katy，你放心，媽咪唔會怪你，媽咪愛你，媽咪錫晒你。」

同 Katy 一齊喊完，安撫完佢之後我離開佢屋企，心情有前所未有嘅舒暢。

我想馬上打畀 David，不過當撳個 Call 制前...

真係應該同佢講? Katy 一直係我地之間嘅最大障礙，依家解決咗，即係代表我地可以嚮一齊。

不過我地真係可以一齊? 我面對到佢咩? 我可以對佢坦白咩?

返屋企途中，我就嚮應該打電話，同唔應該打之間猶豫。

不如咁? 交畀 David，如果返到屋企之前佢打畀我，或者 text 我，我就同佢一齊，否則，我地分手。

我特登放慢腳步，畀多啲時間佢...

不過佢一直唔打嚟。

點解架? David，點解仲唔搵我?

就快到屋企喇，快啲啦!

突然電話響...

David!

唔係，原來唔係 David，來電顯示係...

校長馬太!

竟然係馬太? 馬太點解搵我?

「Miss Leung，你幾好嘛? 我地可唔可以見個面?」


<未完待續，不定期連載>

[ 本帖最後由 慢嘗君 於 2017-8-1 10:59 PM 編輯 ]

慢嘗君

如果你係 Celestine，你會?
a. 見你個死人頭，搵 David 先
b. 見咪見，怕你有牙?

hank

擇B啦 ！

唔係故事點繼續寫落去 !!

真是一遍好故事，寫得好 !!

Water_man

揀B、可能份工有彎轉……

jayhits2000

真係好白痴, 咁重要GE野用咁GE方法去決定

慢嘗君

引用:

原帖由 jayhits2000 於 2017-8-2 12:16 PM 發表
真係好白痴, 咁重要GE野用咁GE方法去決定

的確好唔理智

其實仲想講佢見 David 唔打嚟，諗多幾個條件「畀機會」David... 講到尾佢心底裏就唔想分手，但唔分又過唔到自己

不過類似嘅寫多幾次讀者會悶，而且今集重點係交代 Katy 媽咪遺言同點解 Katy 會突然返屋企撞破佢地，所以唔加篇幅了

Eddyo

引用:

原帖由 慢嘗君 於 2017-8-1 10:48 PM 發表
17. 情書

話說我 (Celestine Leung) 習慣咗 Dr Lo �變態行為，漸漸由出賣身體變成享受同佢做愛，但同時令我唔知點面對 David，開始質疑對佢�感情，仲將佢�關心拒諸門外。另一方面，本來 Dr Lo 應承過我服 ...

劇情好豐富, 期待更新!!