引用:
原帖由 一一一木木木 於 2017-8-31 08:35 AM 發表
樓主尐料好足。係咪帶內行人俾料架?哈哈
引用:
原帖由 slab72 於 2017-8-30 11:58 PM 發表
支持藍藍,請繼續出文。
多謝支持,多謝。
八
我哋知道佳故意星期四嚟攪破壞,就叫偉有一個星期四唔好嚟,星期五先嚟。
星期五,佢時間唔多,就嚟舖頭,當係人客咁幫襯。
嗰陣我哋未知阿佳收買咗隔嚟舖頭嘅阿秀,以為佢淨係禮拜四至玩嘢。
點知阿秀通風報訊。阿偉嚟咗冇幾耐,阿佳收到風,唔知幾時上咗嚟。芬芬話我做緊嘢,叫阿佳入去隔嚟房等。我哋通常唔係幾想人客喺廳等,因為唔係個個客鍾意撞到第啲客,亦費時有啲幫襯開同一個女仔嘅人客撞到。
阿佳入咗房。
阿偉就嚟夠鐘嗰陣,我出外面嘅時候至知阿佳唔知幾時上咗嚟。我見阿佳入咗房,就叫阿偉嗱嗱聲去沖涼房。
阿偉入咗沖涼房之後,阿佳係都要打開房門。
我唔想一陣阿偉出嚟俾佳見到,於是閂返門,點知阿佳係都要打開,我同佢喺廳理論。
阿偉出到嚟,阿佳專登喺阿偉面前攬我。我即刻火滾,癲咗咁屌鳩佢。我唔只一次屌鳩阿佳,但呢次真係好嬲。翠兒、芬芬都有客喺房,佢哋聽到出面咁嘈,都出嚟睇吓咩事。芬芬叫阿偉返入房先,費事佢哋打交。
我喺出面勁屌阿佳,阿佳話,係呀,人哋重要啲吖嘛?我照顧妳咁多都唔及人哋。我聽到更㷫,照乜撚嘢顧呀?好撚希罕你照顧?我嬲到連廣東話都唔記得哂,係咁講鄉下話勁屌佢。芬芬哋見到都呆咗,嘩,乜藍藍咁惡鬧個客。
跟住阿佳問我攞返送俾我嘅嘢,我入房攞俾佢。佢話以後唔再嚟,我話唔好嚟。佢就走。
之後我入返房,望住阿偉,佢望住我,冇問我。我伏喺佢膊上面,心情平伏返少少,就問,怕唔怕我會咁樣對你?佢話怕。我話放心,就算你好似佢咁過份,我保證唔會咁樣鬧你。
之前有個姓劉嘅客人講到幾鍾意我,話想娶我,佢有一次偷睇我同客啲訊息,我都用好似頭先咁嘅語氣屌過佢,叫佢以後唔使嚟搵我。
我向阿偉解釋話阿佳想我做佢女朋友,我早就拒絕咗。佢見我着緊你就特登喺你面前掂我,諗住示威,等你以為佢先係我條仔。
佢當我喺佢條女日日打電話嚟幾次,我試過㷫到同佢講我一路只係睇錢份上應酬佢,叫佢搵盤水照吓自己個樣,要我鍾意佢真係冇可能。
我以為咁樣鬧完佢佢以後唔再幫襯就罷,點知佢仲繼續自作多情。
直至佢開始留意到我同阿偉來往咁密,以為阿偉係另一個想溝我嘅客,就暗中攪破壞,試過話俾錢我叫我唔好做阿偉生意,唔知我當阿偉唔只係客。
呢鑊令芬芬、翠兒佢哋啲客大吃一驚,嘩乜藍藍咁惡。
件事好快傳咗出去。
阿佳走去隔嚟舖頭,向嗰度啲女仔訴苦,話我嫌佢啲錢腥。佢唔知嗰度啲女仔我哋都識。翠兒嘅家姐,小洋買咗嗰度嚟做,佢話返俾我哋知,阿秀都唔知幾想撬走阿佳呢個大客,一直向阿佳落咀頭,話藍藍唔抵幫襯咁多,使咁多錢喺佢身上都咁對你。
成條街啲骨場,我哋好多都識,有啲客喺呢頭幫襯吓呢間、嗰間,件事好快揚出去。
姐妹勸我好聲好氣同阿佳討論吓,叫佢幫襯還幫襯,唔好攪住我做哋啲客。佢哋話我又唔肯接新客,淨係靠幾個熟客,假如阿佳呢啲大客唔再嚟,我就少好多收入。
我話我唔希罕。
佢哋話藍藍妳唔係十八廿二,唔係溝仔嘅年紀,唔好好哋搵錢好快人老珠黃。
於是,我同阿偉傾吓,假如我繼續接返呢個客佢會點睇。
未完
[
本帖最後由 dcat20 於 2017-9-5 09:33 PM 編輯 ]