青春兼職的士妹selina
第一章
我個名叫做Selina,今年廿二歲,讀完書唔知做乜好,屋企人有個的士牌,我就順理成章考埋個牌,揸的士搵食,我有兩個阿哥負責俾家用,所以我唔洗養家,揸車都係輕輕鬆鬆咁消磨下時間,初頭仲怕做呢行會悶,做落原來幾好玩,仲慢慢儲落一班熟客,可以話係唔愁冇生意。上個月有一個星期五晚,本身諗住果日休息下唔開工,起屋企一邊煲劇一邊敷緊mask既我收到阿七既call,由香港大球場落老蘭,我慣左冇乜特別事都唔會推客,加上我屋企就起附近,於是接左阿七既call,阿七係個足球員,個人幾nice,我開頭揸的士冇乜熟客,所以都會印定卡片,有機會就派俾d客,阿七就係其中一個收到卡片後要搭的士就會call我既客,我快手起衣櫃搵左件衫換左就出門口,呢晚除左阿七之外,同佢一齊上車既仲有三個男人,我估係佢既隊友,阿七坐起後座中間位,一上車佢同我打左聲招呼,
佢左手邊既男人同佢講﹕「唔怪之得周街都係的士阿七都話要call車啦,妹妹仔係你私人司機黎﹖」
阿七答佢﹕「你咪亂講啦,有車你就坐啦﹗」
我即時隨手拎起我張卡片遞去後座,「有需要隨時call我。」
阿七右手邊既男人亦即時彈起,「我日日都有需要喎,仲有冇卡片呀﹖」
於是我再遞多張卡片去後座。
而坐起我隔離果個係四個之中最靚仔既一個,由大球場到老蘭短短既車程,每逢有燈位停落黎我都搵機會望下左手邊,有兩次仲同佢四目交投俾佢電到我即刻轉移視線,架車好快就已經到左目的地,正當我收緊錢但心入面仲諗緊派唔派埋卡片俾佢好之際,
佢開聲話﹕「你宜家有冇call,可唔可以入大埔﹖」
我即刻答﹕「冇問題」
心諗你咁靚仔,你話入邊度都得啦,車程遠仲可以同佢傾耐d,就算新界路我唔熟我都唔理咁多。
我聽到後座有人話﹕「真係唔飲返杯﹖」
佢答﹕「唔啦,拜拜」
就係咁,晚上十點幾,我邊載住呢個靚仔運動員向大埔出發,心跳邊加速,接住落黎發生既事,我真係冇諗過會變成咁…
<故事待續>