我反複閱讀了B給我的email數遍，我個心就更加心酸，銀住銀住。我再次嘗試打電話比B，但仍然未能接通。我長嘆一聲就慢慢爬上了床攤係到，望住天花板發呆。
突然我電話響起，第一時間諗係唔係B打俾我呢？我第一時間攞起電話望來電顯示，打嚟既唔係B而係A。我嗦一嗦個鼻，停一停神先接A既電話。接通A既電話後，A講：點呀，今日返工攰唔攰呀？
我答：都幾攰架，而家攤緊準備訓。A聽到我後講：咁可唔可以陪我講一陣電話先訓呀，我而家覺得好悶。去完旅行返而覺得悶添，真奇怪。我見A咁講，我突然靈機一觸就順便向A打聽一下B既情況。我答：我都未訓得著既，我地傾一陣啦。你唔搵下你個好姊妹B傾計？
A答：B好早就訓架啦，所以冇搵佢呀，仲咩？我答：冇咩野，問下啫。果晚我同A就講電話講到凌晨一點幾先收線訓覺，第二日起身返工又無咩精神。
第二日返到公司後，我大約11點到打多次電話比B，今次電話通但冇人接聽。我等左幾個鐘後，B仍然冇覆過我電話，我唔知點解突然冇左份勇氣再打比B。當時自己覺得好失落，心想既然B已俾email我話唔想見我，我就唔應該再打比B煩佢，佢又係我邊個呢？點解仲要搵番人呢。
第二晚A又打嚟同我傾電話，A第一時間話比我聽佢打過電話比B，但B冇覆過佢，問我有冇搵過B。我心中當然知道原因，但當時的我真係唔識同唔想隱瞞，我覺得自己處理能力很差，完全唔識得點處理，我個心銀住銀住好想向人傾訴發洩，所以果刻我講左B既部份email內容比A聽。我講完後就隱約聽到A嗦嗦鼻既喊聲，我個心突然跳得好快，我知道我講左d唔應該同A講既說話，令A很難堪。再者，如果B第二日肯搵番我地，咁叫B點面對我同A。當我同A講完後，A強忍住激動既聲線好快講：我好攰啦，我要訓，唔講啦。跟住就cut左我線。其實當晚我覺得自己好唔arm，唔應該將B既事同A講，令A內疚唔開心，而我當時真係唔識處理感情事，只能怪責自己。
過左第三晚、第四晚A冇再打電話來比我。其實呢兩晚我冇再諗B，反而我諗緊A。第五晚，我決定鼓起勇氣打比A。結果A接聽我電話，A講：搵我咩事? 我答：冇呀，搵下你咋，睇下你仲咩啫。A答：哦。... 呢排有套戲我想睇，你得唔得閒陪我聽晚睇呀？我見A好似冇咩事，所以我諗都冇諗就答：好呀! 果晚我地又傾電話講到凌晨一點幾。接住我同A兩個都有繼續一齊出街食飯，夜晚就講電話，自此大家都冇再提過B。
當時感覺上我已愛上A，加上當時我未拍過拖，見身邊既朋友都拍緊或已拍過拖，自己真係好有衝動去拍拖。而A又真係幾靚身材又好，如果我唔同佢拍拖，肯定都有好多人掙住追。又如果我同A拍拖，肯定又有好多人羨慕。所以當時跟本唔會考慮A係咪適合自己。基於上述既因由根本冇理由抗拒A，在兩星期後我同A出街，我就主動拖住A隻手就開始拍拖。
拍拖開頭大家都好開心，大家一齊去玩，去行下街，過下二人世界。而我既第一次亦同A去澳門玩時發生，果晚我仲同A做左3次添，我仲俾A笑我咁快架，我唯有扁嘴回應，其實心裡好溫馨。之後我開始嘗到戀愛、性愛既滋味。這時我更按照A既吩咐，學會替A按摩乳房乳暈，每次都要我幫佢按摩20分鐘，每次見佢咁享受既樣子，我亦很樂意幫A按。幫A按完後，A都話佢既乳房更堅挺更有彈性又大左播，又話我手勢好，令我都好有滿足感。其實初時我同A感情真係好好，相愛時大家都必定有負出，但絕對唔係大問題。
但當日子久了，大家不同既性格開始表現出嚟，其他既小問題亦因此而來。我既性格比較沉悶同刻板，A既性格比較貪玩及好新奇。結果我地拍左兩年拖後就時常鬧交。記得最後一次我地行左去公園，A問我後日陪唔陪佢d朋友出去飲野而我好快咁答唔去，A好唔開心咁同我講：我d朋友整成叫我地出去飲野食野，你都話唔去，咁耐以來你都剩係陪得我兩次出去，之後變左次次得我一個人去，人地就一雙雙去，好似我冇拍拖咁。我當時一時意氣反鬧番A：當初我地拍拖你就應該知道我性格係咁架啦，我唔鍾意去太嘈既地方，我又唔識飲酒，我不嬲都咁悶架啦，你唔係而家先知吓。A講：你咁講到我唔arm咁，迫你去，唔去未唔去囉，駛唔駛登大隻眼嚟鬧我，既然咁不如分手啦。我當時好嬲意氣用事咬牙切齒咁答：好呀! A聽到我咁講後就登大對眼喊住講：你講咩呀，好...你以後唔好再揾我。跟著A就跑走左出公園。A跑走左後，我當時個心仲好激動，完全唔想去追番A。之後我自己諗得好清楚，A雖然係靚，為人都幾好，但大家性格始終唔挾，如果繼續免強同A一齊，可能會令大家都唔開心，所以我同A就咁分左手。自此以後，我就冇再聯絡A同B，而有一次行街時碰見A，問下先知A同B已結了婚。之後我亦冇再聯絡佢地。
