R.Gonzalez

引用:

原帖由 愛情陷阱 於 2013-2-4 09:03 PM 發表
完來咁多師兄都有差唔多經歷.攪到本人想起一九九年十月响公司識咗一個女同事.我地彼此相愛，可惜大家都有另一半，最後我地都無行最後一步，我仲記得佢同我講，點解你咁遲出現，直至到現在都記得果一刻情 ...

淨係諗起陳奕迅扮麟伯腔唱果個VERSION... :smile_34:

往時愉快回憶

當A入埋左廁所後，張枱就得番我一個人，講真我邊有心情食野呀。我個心好不安，我就邊攞起杯水飲又放低又攞起飲，並不時望向廁所方向睇下佢地出來未。我再等左兩三分鐘，我終於望到A出來，當時我視線直望A,A望到我後就縮縮膊，擰擰頭咁慢慢行番埋位到坐低。我好緊張問：B,佢點呀？A無奈咁講：我入到廁所見唔到B,但其中兩格廁所就閂左門。咁我又費事敲門啦，我唯有留心聽下有冇動静。我聽到其中一格有微弱嘅飲泣聲，見咁既情況所以我就出番來先。

我聽到A講完後，我就搲搲頭有少少勞氣咁問A:頭先去做spa前，B都好似好地地。做spa時你地攪過咩呀？你又玩B呢？A聽到我咁答就唔好意思口窒窒咁望住我答：頭先浸spa時得番我同B,講講下你，話你成日都戇居居咁，B就講叫我唔好玩你，費時你嬲，都係自己衰多口，突然問B係咪鍾意你成日幫住你，B就話番我鍾意你先成日玩你，跟住大家沉静左兩秒B就轉話題。其實我都feel到B鍾意你架啦。你睇你呀，攪到我地兩個人咁？

我聽到A咁講，我唔知點解會比左個咁嘅反應A,我登大對眼望住A,用食指指住自己個鼻尖半笑咁講：又關我事，好似係你攪出來播？A可能見我個樣輕挑掛，佢突然變左聲想喊情緒激動咁講：咁你揀佢未咩事都冇囉。我聽到呢句後個心離一離，個心不知所措，覺得好難過，同時傷害到A同B，覺得自己好衰。

我將視線望番向A,A就迴避我眼神而垂低頭，正因A垂低頭而令部份頭髮遮左佢塊面，我見唔清楚A個表情，但我見到有一滴眼淚流到A面尖而滴左落張枱布上，令枱布有撻濕左既水漬。A仍垂低頭想係手袋揾紙巾時，我見到就即刻係褲袋攞左包紙巾，遞左張比A,跟住我講：Sorry, 頭先我講錯野。A伸手接左我張紙巾抹走眼淚後就講：你食野先啦，d野凍晒。當時枱面上已經來了煲魚翅，兩碗白飯，一碟菜，同埋其他配菜。

A繼續沉默不語，我就望住A不時短嘆擰頭。我個心情好煩，又有女仔因為我而係我面前喊，唔知點算好。當我剩係留意緊A時，B突然就走番埋位坐低。B望住我答：仲咩野呀？我猶疑緊唔知點講，A仍用低沉少少喊住口既聲線講：快d食野先啦，凍左唔好食。可能B聽到A既聲線，我望住B,佢其中一隻眼突然湧出一滴好大既眼淚流左落塊面，我又即刻遞張紙巾比佢，我講：你又仲咩呀？B攞左紙巾邊抹眼淚邊講：食野啦。當時我又只懂長嘆一聲。

當時大家沉默左半分鐘左A就攞起筷子挾野食，我見狀都唯有扮冇事食野啦。B都跟住開始食，大家都食得好慢，冇講過野，氣氛好薑。可能大家都知道係餐廳都要忍住唔喊，費事比人見到尷尬啦。雖然當晚美食當前，但我地都冇心情去享受，放左入口都唔知咩味，剩係想食完快d走。呢餐飯其實食得好辛苦，終於可以埋單走人。

danieldanielkoo

師兄真係好艷福。 好吸引的經歷，引到我不時都入黎追post!!!

的奇

呢餐飯好難食

kimliml

返酒店夜晚訓覺更難捱！

92353876

繼續支持！！！

couplelover

引用:

原帖由 往時愉快回憶 於 2013-2-5 11:12 AM 發表
當A入埋左廁所後，張枱就得番我一個人，講真我邊有心情食野呀。我個心好不安，我就邊攞起杯水飲又放低又攞起飲，並不時望向廁所方向睇下佢地出來未。我再等左兩三分鐘，我終於望到A出來，當時我視 ...

當自己心儀既人係自己面前.....自己想要但又唔想同好姊妹爭
是一個重要難關....心情矛盾就少不免

想前進但又唔敢....A同B根本就連自己想點都唔知
睇怕都係睇樓主你點去選擇

睇左咁多段...呢段唔知點解令我有少少想湧上來....師兄你由心描繪出黎呢刻心情
最痛....始終都是你

一齊相處....好易出感情
更何況當時兩個女仔都單身..而且師兄你當年對佢地都算唔錯啦我估

兩棵寂寞的女兒心....遇上一位純真呆直男孩
最終結果.......我好期待

師兄加油....如果他日呢個POST爆左...
希望你可以將整個故事重新POST過....再開一條新THREAD


我相信.....必定再能引人入性
加油!!!:smile_o12:

[ 本帖最後由 couplelover 於 2013-2-5 12:22 PM 編輯 ]

daniel9872

樓主最後...有無D,E,F,G...定係仲係單身 ?

kensen

真係難為了你....
其實你心目中邊個份量重d

往時愉快回憶

引用:

原帖由 couplelover 於 2013-2-5 12:20 PM 發表



當自己心儀既人係自己面前.....自己想要但又唔想同好姊妹爭
是一個重要難關....心情矛盾就少不免

想前進但又唔敢....A同B根本就連自己想點都唔知
睇怕都係睇樓主你點去選擇

睇左咁多段...呢段唔知點解 ...

couplelover師兄每次留言都能將小弟精髓帶出，並能令小弟有更深刻體會。
小弟每次都好欣喜獲得師兄既精辟留言，令小弟每個都要重閱數次，藉以幻想師兄與小弟差不多既經歷。