引用:
原帖由 往時愉快回憶 於 2013-1-30 17:47 發表 
當我聽到好細聲敲門聲咯咯…咯咯後，我即刻望下我下面條褲拱起位置，見到仍然有d凸，都冇辦法，唯有一邊急急脚行去房門口，費事A以為我同B係入面做咩野咁耐都唔開門，一邊一路行一邊整整條褲，扯低d件T-shirt希望可以遮多d下面條褲。由我聽到敲門聲到開門應該唔夠10秒，我行到房門開左一半門時，A見到我就已伸頭向住我，急不及待細細聲咁問：B訓左呀？我將個頭望向廁所方向答：喺廁所度。A答：哦，之後就慢慢行番入來。A當時冇束頭髮，d頭髮長到過膊，個頭仍濕淋淋，著住件白色公仔T-shirt, 粉紅色夏威夷短褲，對脚就踢住拖鞋。我拉開晒到門等A入，當A行經過我時，我聞到好清香既氣味，當然香味係喺A個身到散發出來，雖然清香氣味只係停留左兩秒到，但感覺真係唔知點解好難忘記，可能我之前未聞過掛。
我閂番度門後，我慢慢行番入房同不時留意我下面，心諗A應該冇留意到我下面。當我行到入去，就見到A擰轉身背住張大床，跟住大字型咁撻落張床到，A跟住大聲咁講：好…攰…呀！我就答：一陣去做Spa未可以抖抖囉。當我講緊呢句說話時就聽到廁所開門聲，B就行出來房，B見到A攤係張床度，B就笑笑口咁望住A講：依，你返左來呀，你好攰播。A聽到B咁問佢，A呆左一秒，跟住用好興奮既聲線答番B:依，你冇事拿，精神番晒。B即刻答番A:係呀，抖完好番晒lu。我見而家房內既氣氛同今早咁薑係完全兩回事，我個心突然感覺到鬆晒，冇晒不知所措既感覺。我即刻有小小串咁問：兩位小姐，咁我地幾時去做Spa呢？B笑住答：而家囉。A搶住再答：你好煩，而家啦，心急。佢地講完後，當時A同B都望住我戇居居個表情哈哈大笑，而我喺A同B前面唯有傻笑，但心裡就yeah, 會心微笑，因為呢一刻既氣氛真係同以前冇分別，開開心心。
其實返到去都仲有好多事要處理. :smile_o10:
