續:
細妹入佐佢個房入邊, 關上門.
我就入番我個房, 啱先壓抑住嘅心情, 即時放開哂, 係入邊開心到跳起嚟.
之後就聽到細妹話佢要出去啦. 原來佢返嚟換衫就再出去.
我靜靜走過去佢個房, 即刻聞到佢嗰浸少女味同香水味, 睇到佢換落床上邊嘅衫, 同埋佢放電腦隔離嘅書, 我發現, 原來係好真實嘅.
原來時間對我嚟講, 真係好似過佐好耐咁.
其實只不過幾日, 我唔知點解覺得好似過佐一個月咁耐. 原來呢幾日, 我一直不安, 內疚, 期盼, 失落, 仲要擔心細妹同女友之間會唔會
唔會講出實情......而家, 一切似乎如常.
呢幾日, 我唔知靜靜入佐呢間房幾多次...到今日嗰浸帶少女味嘅香水味又番嚟啦!!!
嗯. 返嚟啦. 一切像往常, 一切如常.
或者說, 是似乎如常. 因為, 一直如常的, 只有我女友.
(所以我一直帶著愧疚嘅心)
那個晚上, 我提議出去食嘢, 食日本嘢. 女友話咩事呢. 我話冇事呀, 一齊食嘢囉. 女友仲串我: 咁好人呀. 但我知細妹知嘅. 嗰一餐, 係歡迎佢返嚟.
雖然離開只係幾日咁多. 我知佢知我心意嘅. 佢成晚都好開心,
記得嗰晚玩到好夜, 因為係隔離街食, 三個人就好似三文治咁行返嚟嘅, 可惜我唔係中間嗰個(女友行中間, 佢Q住我手, 細妹又Q佢手).
記得一路講佐好幾個鹹濕笑話. 女友不停咁"吱"我, 話我衰人...細妹就笑到咳.
......
(估唔到見番好多支持嘅ching, 多謝咁多位ching 支持, 有你地更多回復支持, 我就有更多力量,雖然忙都要寫出嚟...)
[ 本帖最後由 kkeyy 於 2011-11-15 05:28 PM 編輯 ]
