引用:
原帖由 肯尼先生 於 2017-10-29 10:48 PM 發表
京兄,本來想在你那篇文章處回覆(順便推下你篇文),但原來超過六十日,已不能作任何回覆,唯有在這裡傾下,哈!
首先感謝大將軍對拙作的讚賞,能夠得到同道前輩的美言,真的有片榮幸感覺,冀望京兄會繼續閱讀 ...
唔駛唔好意思喎,之後小弟出文,你得閒幫小弟篤下數、造下馬就得架拉
其實小弟都想睇架,只不過咁岩呢個星期真係有少少忙。。。
好拉,講回正題:
其實小弟呢一篇,以及上次比你睇果篇,都係無太雕琢、比較隨心而寫
但就係呢種文,反而成日有驚喜。肯尼兄口中既完整性,
其實並無咩刻意設計。不過如果講情感,我依然覺得上一篇比較好!
拉遠一D講,小弟覺得自己既兩大特色係短篇,以及重口味,
不過小弟正正認為因為係短篇,所以更要重口味!如果要寫情感寫得好,
最正宗、最王道既做法,就係寫長篇,讓讀者同男女主角一齊,
由共同經歷累積情感
但係短篇就唔可能咁做,所以本身就要係一D非常特別既事,
去讓男女主角係短時間內,感情可以急速提升(雖然呢點都唔係成日做到)
老實講,呢篇男主對女王既情感,係有少少似段延慶對觀音姐姐咁
係一次性種下、單向性既情感,如果唔係咁特別既情感,
好難係短文咁短既空間,就鋪排到出來
SORRY,又長氣左。不過,見到有人認同自己既作品真係好開心,
小弟仲有幾篇同等質素既文,下次有機文再同肯尼兄分享拉