第六章．沒有輸的本錢
劉經理分配左一間細細嘅房畀Joan，又批准佢可以喺其他組抽調同事，組成自己嘅團隊，不過唔可以要各組頭三名業績最好嘅同事，而且只可以喺每一組要一個同事，佢重搵左個機會單同Joan講:「機會就畀左你，做唔做得掂就睇你自己。「
最後Joan只係揀左兩男兩女入佢個組，佢地外型同容貌都唔係差，不過業績唔夠好，另外佢都總算自知經驗不足，又啱啱升做組長，開組就要太多組員，一定管唔掂咁。
「其實你地本身條件都唔錯呀。」Joan同佢地喺會議室開會，了解佢地嘅問題:「點解業績唔係咁好呢?」其中一個叫Mandy嘅女組員話:「因為我冇同客上床囉，如果唔係，你呢個就我坐而唔你係啦。」
Joan知佢諷刺緊自己，因為公司裡面好快已有傳佢係同劉經理上床，先可以咁快升到做組長，佢鎮定話，:「冇錯，同客上床的確係最快最直接得到業績嘅方法，但係如果你認為只係上床就可以坐我呢個位，你就錯晒。」
另一個叫Elaine嘅女組員故意問:「唔係夠賤就得啦咩?」Joan笑一笑反問Elaine:「我喺公司幾乎聽過所有女同事講，有啲客要同佢上床先肯簽單，就係未聽過你地有講過，噉喺咪代表就算你地夠賤，啲客都對你地冇興趣呢?」
Elaine同Mandy有啲嬲，Elaine話:「我地最好唔做啫。」Joan即刻話:「冇問題，你地邊個想唔做可以行出去，反正你地咁廢，我最多請過人。」Elaine同Mandy互望一下，一時間唔知點走唔走好。
其中一個叫Mathew嘅男同事轉開話題:「Joan姐，不如你幫下我地，點可以增加業績。」Joan友善話:「冇問題，如果大家都係一組人。」邊望住Elaine同Mandy，Mandy話:「我地都係講下，唔係真係想唔做架。」
Joan心內其實好驚，想到幸好之前成日同Newton係網傾偈，慢慢學識點同人應對，先可以應付佢地嘅冷嘲熱諷，如果唔係以後都唔知點管理佢地，重會畀佢以前個阿姐睇死。
另一個叫Arron嘅男同事問:「Joan姐，噉你可以幫到我地。」Joan好鎮定話:「我想先了解下你地平時嘅生活習慣，同埋見客時候嘅應對。」於是佢地四個人輪流講畀Joan知，Joan聽晒之後:「好，你地有客嘅去見，冇客就繼續搵，下星期一再開會。」
Joan返入房後舒一口氣，跟住就煩點幫佢四個組員，當佢諗極都諗唔到嘅時候，忽然想到Newton，即刻打手機約佢見面，話有緊要事要佢幫手，最後約返喺第一次嗰間餐廳見面。
Joan第一件事同Newton講:「我升左做組長。」Newton肯定話:「唔使問，你一定係同高層上過床。」Joan點頭直認:「我知我衰女，唔聽你嘅話，但係我真係唔想錯過呢個機會呀。」
Newton問:「噉你重搵我做乜?」Joan話:「我想你幫下我。」Newton話:「我有咩可以幫到你，保險我都唔在行。」Joan話:「你只係需要好似教我噉，分析一下我啲組員嘅問題就得架啦。」
Newton搖頭話:「同高層上床你都諗到，其他嘢點會難到你。」Joan有啲沮喪:「你唔好噉話我啦，我升左先之原來唔係咁易做，只係畀佢地暗諷我同高昨層上床，我都幾乎招架唔住。」
Newton對女人始終心軟:「但呢到唔方便傾喎，搵過第二個地方啦。」Joan即刻問:「噉你想去度傾呀?」Newton反問:「邊度可以又舒服，又唔會有其他人?」Joan笑一下:「我知，我地之前去過。」
Joan入到房之後提出:「不如我以後叫你做老師，我會聽教聽話架。」Newton心知佢想攏絡自己，不過亦並無不可，當多個女人玩下:「噉要睇下你點對我呢個老師喇。」Joan二話不說，乖乖地除晒身上嘅衣物:「學生要老師調教。」
[
本帖最後由 netsee 於 2017-3-16 12:48 AM 編輯 ]
