引用:
原帖由 dcat20 於 2017-11-3 11:40 AM 發表
一
安娜係我讀大學時嘅老師同埋啟蒙導師。
老師身份,唔使問就係教學術上嘅知識。
啟蒙導師就係就係人生經驗嘅啟蒙。
冇錯,你估啱,係性方面。
我係出咗社會做咗幾年先入返大學嘅 ...
多謝各位嘅like同埋dislike 😂
=====
二
安娜話想睇吓我寫巴特爾,又或者呢條路線嘅法國情慾理論。我話想寫返啲冇咁熟嘅,於是揀咗解構女性主義作家Helene Cioux。傾完功課,傾少少閒偈,佢問起我同Joanna點樣,我話其實Joanna有男朋友㗎喇,佢只不過借我隔開啲男仔咋。安娜話係囉,班友仔見Joanna俾你溝咗就成日嚟煩住我。
平時都見有好幾個高大、花fit啲嘅男仔周時跟住安娜左右,又買嘢食俾佢又等佢落堂一齊走。
我話見妳都幾enjoy吖,佢話佢係鍾意溝仔,不過唔鍾意後生仔。
後來我搵過佢幾次,傾term paper之外亦傾吓閒偈。我睇過佢啲論文,佢一路話我有才氣,但係睇完佢啲論文之後我覺得我呢隻係野雞,佢嗰啲先至真係堅料。組織嚴密、資料一流。
睇完之後,我決定讀完學士就算撚數,唔撚再讀喇。
慢慢,我哋發現原來大家有唔少共同朋友,漸漸recall起我初初出嚟做嘢頭幾年喺香港band圈同寫字圈蒲過吓,隱約記得接觸過或者聽過吓佢個名同佢嘅嘢。
安娜大學畢業嗰年,識咗佢大學一個學長,叫做Leonard。呢條友我都識嘅。嗰時佢喺波士頓讀完工商管理碩士返香港夾band,搵安娜做歌手,見安娜樣靚兼大波,就順手溝埋。
但原來呢條友係個仆街,除咗攞安娜嚟洩慾之外,亦當佢係工人咁使,喺其他人面前對佢呼呼喝喝。
安娜本身家底相當好,家住九龍塘,讀書叻之外又識彈琴又識跳舞,幾乎就係而家嘅Joanna,只係冇Joanna靚得咁交關同埋一個係文科一個數學。嗰陣安娜好鍾意Leonard,對呢條撚樣死心塌地。當時好多男仔見佢生得靚、又有藝術氣質又大波,追佢嘅人日日圍住佢氹氹轉,但係安娜一律唔啋。
以佢條件跟住Leonard嗰年幾,真係幾可憐。俾條友當洩慾工具,都仲可以講話男歡女愛、各取所需,但係俾條友當阿四咁指東指西、呼呼喝喝,就實在係好侮辱。安娜好多時俾條仆街鬧到喊,毫無尊重。
安娜最後一次俾Leonard鬧喊之後,有個一路追開安娜嘅有錢仔,叫安娜唔好再嘥時間喺呢個人身上,安娜就跟咗呢條友。呢條有錢仔叫Matthew,係個上市集團主席嘅仔,美國大,高大,成個玩仔咁款。佢追咗安娜年幾,安娜諗住遇到真愛,就同咗Matthew一齊。
大概九個月左右,條友攪大咗安娜。安娜諗住結婚,條友唔制,仲叫安娜落咗個細路。
安娜覺得好失望,決定自己生落嚟。但安娜有咗肚呢段時期,呢條Matthew仲繼續要攪安娜。仲唔止,安娜發現Matthew周圍溝女,稍為靚啲嘅或者大波啲嘅女仔都撩,安娜嬲起嚟就分手。
生咗之後,安娜開始變得冇所謂。稍為睇得上眼、有啲好感嘅男人嘍佢,佢都會同人拍吓拖,當然都會做愛。佢覺得與其話俾男人嘆,倒不如話佢嘆男人。佢對男人亦好有要求,比較偏好啲讀過書、有啲品味、佬佬哋嘅生意人,呢種男人多數有老婆。偶然有啲decent少少嘅後生仔嘍佢,佢都會試吓。安娜話要experience多啲,唔只為性。試過有啲男人迷戀得佢好厲害,仲攪到要離婚娶佢,佢話,我冇叫你咁做,亦唔打算結婚。有啲男人知佢同時有其他男人,試過3p。
一個會睇巴特爾嘅女學者,會有咁嘅行徑,並唔完全意外。
我同佢第二次傾偈,已經一齊出外面飲咖啡。佢問我點解識咁多嘢同埋寫得一手好英文,佢話以佢教大學接觸咁多大學生,好多英文嘅水平都唔及我。好多時候,我喺堂上即興寫class assignment,已經組織、層次分明。
我話我喺爛仔,我啲英文係蒲出嚟唔係讀出嚟,至於思維,係出嚟做事訓練出嚟,當然我亦有睇書同學好多嘢。
同佢飲嘢過程中,覺得大家都對對方有多少興趣,心思思想試吓。
但佢始終係大學講師而我係學生,似乎唔係咁啱。
安娜問我有幾多個女朋友。我大一同大二同過阿筠拍過兩年,阿筠好鍾意我,但我當時對佢唔係太有感覺。拍咗兩年,冇性關係。之前啲,係好朋友式曖昧,唔算正式拍拖。
安娜問,你同Joanna完全冇咩?我話我係好鍾意Joanna,不過人哋已經有男朋友,我同佢只係好朋友。不過,我話,Joanna都有俾我喺佢身上滿足吓。安娜問我,點樣滿足法?我照講,話大概每個星期左右,喺佢大髀整一次。
安娜驚訝,佢話你廿七歲,仲係green?我話實不相瞞,我怕到時都唔知識唔識。佢好直接,話搵日,我帶你入門,我都好有興趣培訓一個處男。
就嚟學期完,安娜早就將課程要求佢教嘅內容講哂,於是每堂就講啲另類内嘢俾我地聽,包括神秘主義同靈與慾嘅關係。佢講到邏輯哲學大師維根斯坦嘅命題7.0,話邏輯有應用嘅界限,一但超出邏輯嘅範圍,人就應該保持沉默。
跟住,佢話,呢個就屬於神祕主義嘅領域。
然後佢開始講坦特羅(tantra)同巴特爾等等嘅關係。
Joanna喺我旁邊話,佢講乜?完全冇邏輯可言。
我話,事實係邏輯範圍外面嘅嘢。
Joanna呢啲數學人,一旦面對冇辦法用邏輯計算嘅嘢,就覺得非常混亂、迷失。而偏偏呢度就係維根斯坦話要收聲嘅領域。
一切存在喺頭腦以外嘅經驗,藝術之美、大自然、感官歡愉、靈性體會,喺某個角度而言,比語言、概念、數學更實在。
落堂時,我同Joanna一齊走。安娜話,拍拖呀?
Joanna話係呀。
安娜話拍開心啲喎。跟住同我講,拍完拖Whatsapp我,同你傾傾你個topics。
落堂後Joanna話完全唔知安娜今日噏乜,無厘頭。我話我大概知佢講咩。Joanna叫我講嚟聽聽。其實我好想話,妳同我做一次愛就明㗎喇。我嘗試從我所知道嘅心理學去令佢明白,語言、概念只係整個存在好窄嘅部份,但存在仲有好多嘢,例如感官體驗、美嘅經驗、靈性嘅感動等等。而巴特爾呢一派,試圖喺生同死之間,搵到一樣能夠通往極致、通往真實嘅經驗,就係極端痛苦同狂喜。喺巴爾特嘅作品裏面,性就係呢兩種經驗嘅體現。
Joanna問,點證明?我話,實踐囉。
佢嚟我屋企,問我今日使唔使整整?我話想禁慾一次。佢問,禁慾都係性經驗一部份?我話絕對係。佢話,你知嘛,我從來冇試過,就算俾男仔嗰度掂到我身體都冇試過。我問,你男朋友冇需要咩?佢話佢男朋友死忍,仲話禁慾對頭腦有好處,直至讀埋博士就同我結婚,嗰陣至可以做愛。
怪人,我話,不如索性做和尚有益有建設性得多。
Joanna問,你唔認同咩?
我話實不相瞞,我應為戇鳩,而我亦唔鍾意妳條仔。
佢問點解?
我話非常簡單,我鍾意妳,唔抵得佢溝到妳但唔掂妳,生人霸死地。
Joanna話佢其實都覺得有啲怪,邊有人拍拖唔做愛。我話有,上兩、三代囉。
佢喺我屋企坐咗陣,傾吓功課,然後我哋攬咗陣。佢波波頂住我心口。我feel到嗰種柔軟同彈性,細佬當堂有反應,佢feel到,然後問,使唔使喺我大髀?我話,唔使,有一日我要令到妳想同我做真正嘅。佢話我無恥。
我掃吓佢背脊,掃掃吓一齊瞓咗。瞓咗陣醒咗就落街食飯,跟住拖住佢送佢返佢堅道屋企。
呢頭送咗佢入屋,就喺佢屋企外面Whatsapp安娜。
佢話拍完拖嗱?
我話係。
佢話,嚟我度,我傳授你啟蒙嘅一課,唔講書,唔用文字。
我好高興,問我可以點樣報答妳?
佢話你而家嚟就可以,我哋互惠。
未完
[
本帖最後由 dcat20 於 2017-11-9 12:51 AM 編輯 ]