kensen

咁你同佢搞野時個感覺如何?

真係好似男女朋友咁,定係....冇

Deep~

引用:

原帖由 candymylove 於 2013-1-29 01:42 AM 發表 佢老婆過左身.....有一個女....

既然妳愛佢，咁咪發展落去:smile_o05:

825

想聽下樓主嘅故事…part2

candymylove

過左3個月到, 中間佢都有send下whatsapp俾我, 問侯下我, 但係都冇講d咩野, 只係好普通既問候. 而佢亦都冇再叫我入房同我示愛

有時有d野真係整定, 果幾個月, 我住果層樓個業主係咁迫我走, 話要收番個單位. 果排好煩. 要急住搵地方搬, 講真, 我真係唔想老細知道我既情況, 但係後尾, 始終佢都係係我d同事口中知道左…

有日, 佢叫我入佢office, 同我講, 話知道我情況, 佢好想幫我. 佢自己有個單位冇人住, 問我想唔想住一排先 (因為其實我人工唔係真係太高, 租地方會冇左人工一大半), 佢果下講得好認真好誠懇, 其實我都有d感動, 但係我都係拒絕左佢.

講下佢背景, 其實佢今年都45歲, 有個女14歲, 佢老婆係好多年前因為意外走左. 佢一路都係同個女一齊住. 而佢一直都冇咩女朋友. 所以, 其實我對佢冇反感.. 只係佢示愛既方法有d恐怖, 我冇接受佢.

但係最終, 我真係走投無路, 身邊冇人冇物, 我同左佢講, 話我會想係個單位住一排先, 但係千其唔好俾錢我.

之後, 我就住左係個單位度, 安頓落黎, 當然所有同事都唔知啦….

有一晚, 佢係電話同我講, 同我講左一個請求, 問我可唔可以當佢係我男友, 而佢會每個月額外俾d錢我旁身, 但係我要繼續幫佢公司打工.

我唔係一個貪錢既女仔, 但係, 果刻聽到佢咁講, 我係有d感動, 又有d驚…咩叫做「當佢係我男友」呢?

指來指去

其實你自己點睇呢件事

ssawin

就咁睇算係好男人喇，除左年紀大dd之外。

的奇

其實有人照顧都唔錯吖

cx829

please finish your story...i am sure many chings here can give good advice

candymylove

佢果個「當佢係男朋友」既要求, 我地冇再傾過. 係我心裡面覺得有d怪, 但係我又唔想hurt佢. 始終, 佢係我最無助既時候出手幫左我, 連傢私都幫我搬埋, 我真係唔想佢咁唔開心.

由第一個月開始, 佢每個月都有入d錢俾我, 我拒絕過佢, 但係佢照入數, 我都冇佢乎, 於是我mark晒d數, 諗住遲d會俾番佢.

同事都只係以為我自己租左地方, 冇留意到有咩特別. 而係佢個單位度住落左, 其實佢都冇咩野, 有時放工, 佢會等埋我一齊走, 送到我去樓下. 試過我sick leave, 佢買埋野入黎俾我食, 我一直都諗住佢個要求, 佢又冇行動, 我都唔會點.

舊年九月到啦, 公司有大project, 大家都好忙, d野要拎番屋企做, 包括我. 果時開始佢會借d易上埋黎, 傾下公事, 當然都會傾下私事, 大家好似放低左之事既野, 仲變得好熟,

有次講講下dead 左air, 我主動問佢, 問佢係唔係當我係佢女友, 佢話係, 但係知道我對佢冇咩feel., 跟住佢就轉身走.

跟住我feel到自己想喊, 我鼓起勇氣追去門口, 同佢講: 「你係一個好好既男人, 我好感動, 我唔知點樣可以還俾你.」

佢望住我, 突然鍚左落我個咀度, 跟住攬到我好實.

果刻, 我心裡面諗既係, 不如我試下同佢一齊啦.
有d似係自己迫自己, 又有d似係自願.

一名大食男

原來係咁呀~