人妻告白22
曾經有一個冇食過嘅警察同我講，(其實skout 都不知幾多人打政府工呀，咁鬼得閒嘅。)如果搵到個人喺性同時間方面可以配合，而同時大家明白大家嘅難處，真係要好好珍惜。因為one nite stand 好易，但係日日食唔同人嘅感覺好空虛㗎，倒不如將啲心機放喺一個人度，慢慢享受兩個人嘅親密感覺好過啦! 又係喎，啱啱先調教完，又要搵過第二個，好煩啫。
等我記住咩叫新車味之後，LP700: 佢有一日打電話俾我，我嗰時揸緊車。。。
(佢地嘅對話內容)
女: 喂，我想喺見你之前講啲嘢你聽呀! 我唔想呃你。
LP700: 好你講吖。
女: 我其實之前住過精神療養院㗎。
LP700: 咁你而家冇事咪得囉。
女: 因為有啲事，我上過法庭，不過個官判咗我冇罪。
LP700: 咁。。。咪即係冇事囉，係咪?
女: 但係其實，我唔覺意捅死咗我老公。
LP700: 。。。
LP700: 喂你知唔知我嗰刻差啲撞咗部R8呀!
呢件事有幾真我唔知，我都係聽佢講㗎咋! 不過之後我每次見嗰條女搵我傾計我都好驚，仲叫我同佢見面喎，咪攪，我頂多喺電話輔導吓佢囉。之後嗰條女就係咁同我whatsapp，又係咁話我知skout 有咩仔有車，最後，我boyfriend 終於出現。
女: 喂，你睇吓呢個吖，揸Ferrari 㗎，你坐過未呀? 佢後面仲有幾架靚嘢喎，hi 吓佢啦。
我: 哦，是但啦。(我先啱啱同LP700打得火熱，好明顯你想俾條仔我，送我走啦! 不過Ferrari 又真係未坐過喎。)
女: ok 喎，43咋，冇我條佬咁老吖。(嗰刻佢都唔知LP700買咗架LP700。)
就係咁我就hi 咗架Ferrari California。起初佢都冇乜理我，不過一講開車，佢就講個不停。whatsapp 咗一個禮拜，約過好多次都出唔到嚟，終於喺我阿爺出殯嗰日。。。
LP700打電話嚟話: 喂，今日下晝一點你會喺邊?
我: 中環囉。
LP700: 我嚟IFC，去嗰度搵我。
我: 哦，知道。
LP700到咗IFC 之後問: baby，你鍾意咩牌子嘅袋㗎?
我: Prada 囉，返工方便嘛，唔鍾意LV，太重又多大陸人用。(唔係咁著數呀嘛!)
LP700: 哎呀，我有LV VIP 仲諗住去嗰度買添，咁好吖，我地上去Prada，你入去揀，話我知邊個，我轉頭買，你上我車等我。
我: 。。。哦。。。哦。。。
就係咁，我人生第一個Prada 就得到手。報價: 萬七。
買完之後佢梗係同要你做返鑊啦，咁易俾你走咩。去完佢個倉，佢問我要去邊，我話我阿爺出殯要去紅磡，咁佢就揸住架大大架嘅LP700送咗我去殯儀館。我揸住個好大嘅Prada 紙袋行入殯儀館，我都覺得有啲不敬，冇計。坐咗一陣，我個whatsapp 又震，原來係Ferrari: 我今日得閒喎，你點呀?
我: 我阿爺出殯喎，過多一個鐘先得唔得呀?
Ferrari: 你唔駛守夜咩?
我: 而家仲有人守夜嘅咩?
Ferrari: 好等我，一陣見。
夜晚7:00佢whatsapp 我話到咗，我行落去嘅時候冇諗過佢揸咩車，以為返工放工都係啲Benz 呀咁，點知。
一行出去，有啲好吸引嘅engine 聲，啲花牌遮鬼住晒，我當然心急想睇吓啦，原來係最新款嘅紅色458 Italia。我拎住個Prada 大紙袋，勁樣衰，都唔知點算。(估唔到我係一個鍾意車多過名牌嘅港女呢?)其實係我又開心到想大哎!
