人妻告白25 finale
好喇，係時候想同啲囡囡講吓嘢。如果你覺得你好撚正，好撚值得有個有錢老公養你同俾錢你買袋，唔該審視一吓自己有咩本事，學識高? 人品好? 有教養? 幫到手? 搵好多? 有耐性? 有愛心? 好撚靚，係男人行過都望吓你? 性能力超高? 定係額頭寫住我好屌得咁呢? 我話你知，你有嘅條件越後，男人越只會放你入一個叫做'可食用'嘅category, 如果你唔甘心只係做一條'可食用'嘅女，唔該，盡量做齊以上咁多嘢，不過就算你做齊，男人食完都可以話走就走，有錢嘅你估得你一個咩? 當然你都可以溝多幾條仔嘅，不過女人有幾件喺手，有得揀緊嘅時候，係呃唔到人㗎，男人會聞到㗎。其實乜都假，最緊要係你放過幾多心機時間喺佢身上，而又同佢渡過幾多個風浪時刻。算吧啦，你有辦法埋到佢身先啦。
LP700: 喂喂，我頂佢個肺吖，佢扮第二條女嚟溝我喎，傾咗成個禮拜先出嚟見面㗎啦，估唔到佢咁得閒喎。
我: 咁佢點上你車呀?
LP700: 屌，我部新車佢識Q 上咩，門都未識開啦。我等咗好耐，佢原來一直哩埋睇住我，等我落車食煙開門嘅時候，睇到我點開門，就衝上我車囉。我幾驚呀!
我: 咁佢做咩呀? 鬧你咋?
LP700: 我梗係要氹返佢啦，佢都上咗車囉，一個唔覺意發起癲上嚟整花我架新車咁點算呀? 我咪應承佢嗰幾日之後日日報到囉。我之後嗰幾日飛日本嘛，點知仲驚，佢知我要飛日本，send 咗嗰日全日嘅flight schedule 俾我問我邊班機喎。都未算呀，我去到日本嗰日，佢竟然打到電話嚟我間房喎，佢連我住邊間酒店都check 埋，佢痴撚線㗎!
我: 哈哈哈哈。。。
從此之後，我地嘅關係就變成咁樣嘅朋友。講返Ferrari，佢其實一直都知道LP700嘅存在，亦知我同LP700有過關係，因為我將嗰條女嘅事日日報告俾佢聽，佢笑到想死。當然佢叫我最好唔好再同LP700一齊，因為佢聽唔少有錢佬點玩啲女。哈，是但啦，咩原因都好啦，佢都係鍾意我先咁講啫。同Ferrari 一齊嘅感覺真係好似拍拖咁，佢知我好鍾意super car，一個禮拜緊有一兩日會揸佢公司啲Ferrari 458 呀, Maserati GT 呀, Benz S500 呀咁嚟接我返工。而我亦乖乖delete 咗個skout account。雖然我唔知可以俾到啲咩佢，但係如果可以繼續落去嘅話，我都想可以一直係咁，因為時間，心機，同愛嘅感覺，錢真係買唔到。估唔到最後嗰個係冇車冇樓又冇錢呢?
我記得個警察講過，搵到一個配合到而又明白對方嘅人，要好好珍惜! 咁老公呢? 哈，我淨係覺得而家嘅我好幸福，性同愛都有，不過分開咗唔同department 啫! (你個仆街吖!)
