人妻告白18
當你嘗試多次將性同愛分開之後，你就會開始習慣，你會知道有啲男人叫雞係有原因，而女人要叫鴨，咁就貴好多囉，又係demand & supply 嘅問題。其實男人同女人都一樣有需要嘅啫，只不過社會上嘅習慣係男人要俾錢，女人會收錢，我呢度唔會同你講道德問題，因為枱底嘅世界根本冇道德可言。
夜媽媽，喺屋企樓下上佢嗰架Ironman R8嘅時候，我有種飛上枝頭嘅感覺，不過，呢啲感覺就係沉淪嘅開始。
佢問我想去邊，我話冇所謂啦，横掂都冇咩想做，佢之後話: 不如陪我去我個貨倉吖，我有啲嘢要做，順便俾啲嘢你睇。(吓? 自己有個貨倉? 咩人嚟㗎你。做走私㗎?)
我地喺車度好好傾，大家都鍾意車嘛，我問佢其實係做乜嘢，佢話佢係做家族生意，其中一部份係賣古董，而平時就做吓啲investment 咁。我地好快就去到佢個貨倉，一路行都有少少驚會唔會俾人捉咗去㗎，因為佢個貨倉嗰層嘅牆上面，有好多人寫咗啲字喺度，大概係，仆街文呀，淫蟲呀咁。佢拉開會貨倉門，一開燈，嘩! 屌，我去咗邊呀?你咩人嚟㗎!
我咁大個人都未見過咁多古董，有好多好似啲清朝龍椅咁嘅櫈，好多花樽，成地都係掛畫(好似唔駛錢咁)，佛像，銅鏡，總之你講得出嘅古董佢都有。我可以發誓，佢個貨倉至少有一個足球場咁大。仲有，我見到有幅掛畫寫住，徐悲鴻，咪玩啦，我就算幾唔識嘢都知佢係邊個，佢啲畫唔過億都唔賣。可能我個樣細咗啲啦，好似唔多識嘢咁，佢講咗兩三件古董俾我知佢地係咩朝咩人用過。講完之後佢話: 呢度好焗㗎，不如入去入面我開冷氣俾你吖。
入到去，嘩! 又做咩呀! 有間房好似啲studio flat 咁，有投射大電視，Yamaha 成套音響，有雪櫃，有超大厠所同沖涼房，最緊要係，有張好整齊嘅雙人床。成間房嘅布置仲靚過間酒店，啲牆上面仲掛咗好多印度Kamasutra 嘅掛畫(唔明嘅，請各位google 一下!)，張張都係用金線刺繡㗎! 好明顯，呢間係一間私人炮房。好一個食家，連爆房錢都唔俾人賺。
