朋友A與我的故事更新第2頁#54.

收藏 | 訂閱

87 50.8k

nmybaa

等待驗證會員

nmybaa

1^# 大中小發表於 2013-6-7 只看該作者

朋友A與我的故事更新第2頁#54.

可以CLICK " 只看該作者" 睇番我留言.方便D.
http://www.188channel.com/viewthread.php?tid=22016488&page=1&authorid=5176392

PART1

SORRY我要交待既野都幾多,所以依PART冇甜.

================================================

同男友一齊至今已經6年,佢大我幾年.可能因為係家庭因素,我個人認為作為一個人,好應該對伴侶從一而終,一心一意.唔會有所謂既肉體出軌同埋精神出軌等等既藉口.

我真係好憎男人有外遇仲要唔認衰,又話咩因為飲多左做錯事,你咁大個人唔通你一D自制能力都冇咩,如果知自己飲多左會出事,果D人可唔可以唔好飲呢?一腳踏兩船果D

更加應該落地獄添啦.拿,我份人就真係好憎男人係咁.完全會將自己阿爸D衰野套落其他男人身上.所以特別偏激.

雖然都同居6年,根本都已經同結左婚冇咩分別.加上我男友係果D好想有一個溫馨又和諧既家庭既人黎.所以佢一向都係絕緣體.我從來冇話要佢報到,或者要求睇佢電話,

電腦,佢全部都自己備案.而我自己變到係好似除左佢以外, 世界上冇男人咁,就算你幾靚仔幾有才華都好,我完全冇感覺.連望都唔會望.所以我生活圈子已經冇朋友.

有一樣野好煩就係佢脾氣真係好差,差得黎佢又唔係暴力,佢只會無聲地發脾氣.例如嬲左你可以唔出聲,然後自己自閉幾個鐘咁樣.有時真係好累,但佢完全唔會理你感受,

放得一日假,梗係想訓下教,佢就硬係要你番屋企陪佢父母食飯.
你做家務野,佢轉頭收工番黎又亂擺D衫褲鞋襪,仲要老奉咁.我都覺得大家住埋一齊咁多年我已經習慣左,佢就好似一個親人咁.但我又冇諗住結婚,有時真係好爭扎,結左

就一世....問題係我自己有好多野想做,好多野都未做.例如開舖啦.學琴啦.學畫畫啦.佢全部都唔俾我學.話D野R位又唔實際.成個阿媽咁.

佢成日都要出國開會工作,所以屋企經常只有我.冇野做咪上下網,有時打下lol咁.
咁故事就係依度開始.

咁男主角叫A,其實都識左一段時間,初初只係傾下打機D野,工作上既野.因為你打得機,就梗係用果D語音通訊工具,佢就死都唔用.只係打字.掛住打字就成日死.我覺得有D

煩.唔太鐘意佢.
到後黎有WHATSAPP之後,就經常講下D狗屎垃圾野.咁講下電話咁囉.
言語間發現佢原來識好多野.例如各種樂器,D高科技野呀家電呀咁.你搵佢就一定冇錯.講到依度,都只不過係電話上朋友之間既交流.當然我有時都同佢呻下自己工作同自

己男友D野.但我從來冇問佢有冇女朋友或者幾多歲.以我所以其實佢細過我.但做朋友,我唔CARE你幾大同咩樣.

直到有次搬屋,男友又唔係香港.加上係電話嘈左兩句...
咁阿A就話幫我手.於是果日星期六,佢神早就到我屋企樓下
其實...果次係我地識左咁耐之後第一次見.
我心諗佢多數都係D學生樣咁斯斯文文啦.
點知一黎到相認之後,有D驚喜既係佢都幾高,180左右,中等身材,我企埋去即時好似小矮人(我160咋)咁..最驚喜係佢眼大大鼻高高咁.皮膚好好.又白...
我知我咁講,好似有D怪,但佢真係咁樣.
幫曬D野上車之後佢就話送佛送到西...幫我執埋屋咁啦.
車程中我就同佢講同男友嘈左兩句,好嬲.

到步後當然係搬晒D野上樓. 咁執黎執去D野搞掂晒後都6點幾點喇.先醒起自己冇食野.
我: 阿A其實你肚唔肚餓,我地好似未食野喎.
A: 我等你開口好耐..............
我: 下,你傻左?出聲嘛.咁不如我煮啦,買左個新爐想試機,哈哈.
A:好.........
我:你...係咪有意見,咁叫PIZZA囉.
A:唔係...你煮啦.
因為我唔太識煮野...佢都知,所以佢就有D驚.其實我唔想煮野係因為我男友講野好直接,佢會直接話你整得難食.
我係廚房搞完一輪整好野食後,一出廳就見到阿A訓左係梳化.真係冇陰公,累到訓著左都有.就行埋去啦.
咁我望住佢,佢就仰睡,右手放係個額頭上面,左手放係肚上面.唔知點解依個POSE就令我突然個心就跳得好快好快好快好快...總知我唔識講,加上佢曾經同我講過佢屋企

係好想令佢成才,自細就要佢學N種技能,又嚴,佢又冇咩朋友.加上佢為左增值自己,邊做野邊進修,但唔會問屋企要錢,每日只食一餐一個包咁.唔知點解即時有種令我好想

俾個HUG佢既衝動...我真係一諗到咁就眉頭深鎖,好同情佢好想拍拍佢膊頭講一句:辛苦曬.你會成功既一日.
就係依個幻想緊MOMENT,佢無啦啦張開眼.....

[ 本帖最後由 nmybaa 於 2013-6-20 03:15 PM 編輯 ]

指來指去

新手上路

Rank: 1

指來指去

發短訊

加為好友

2^# 大中小發表於 2013-6-7 只看該作者

GOOD

nmybaa

等待驗證會員

nmybaa

3^# 大中小發表於 2013-6-7 只看該作者

回覆 1# 的帖子

PART2
================================================
唔知點解即時有種令我好想俾個HUG佢既衝動...我真係一諗到咁就眉頭深鎖,好同情佢好想拍拍佢膊頭講一句:辛苦曬.你會成功既一日.
就係依個幻想緊MOMENT,佢無啦啦張開眼.....

A:...嘩.
我即刻退後坐係地下.

A坐起身,然後話: 唉,蝕底曬,你偷望我.

我:我冇偷望你....食得喇.去食啦.

點知佢突然拉住我隻手,唔係望一眼都唔俾咁小氣掛?

我就講笑咁話:你唔係想我抱你起身下嘛.......
A冇出聲,但好似有野講咁.就係咁我同佢對望左5秒.

我:好啦好啦,我揹你算喇,我實抱你唔起.

我就擰轉身扮大隻佬做果D動作要揹佢咁.我心諗,都唔知你想點.咁小氣都有.
點知我一轉身佢就係後面攬住我. 我果時真係有D驚訝,條友做咩事,咁係咩意思,係識左好耐...但第一次見咋喎.我有男朋友架喎.
我成日同人地D男朋友講, 有女送上門,都要好理志咁拒絕.你唔講出口,人地唔會知道.一定要講SORRY我有女朋友,我唔需要其他女人.
但果一下...講真我真係冇俾我男友以外既男人攬過. 果下真係直頭初戀無限TOUCH.但理志話俾我知我應該拒絕.
不過...我唔知做咩事爆左句:

"不如食飯先.....凍曬喇哈哈哈哈哈"

OMG,我到底講緊咩....

A:嗯..好.

我心諗:死火..佢係咪誤會左我.........佢一定心諗食完飯就咩咩啦.唉..唔係咁架!!!!!

成餐飯我都冇出過聲,直到食完之後.其實都成9點幾.
A:咁你都冇野搞啦.我走先喇.
我:你識唔識搭車架洗唔洗我送你?
A:我窮X,諗住行番屋企....
我:.....可唔可以BLOCK左你,好煩呀...哈哈
A:我識搭車架喇,唔洗送我喇.

佢行出門果下,我突然覺得間屋得番我一個人,好SAD.認真諗下,每次我唔開心,陪我傾電話既都係佢,
佢雖然成日話自己做野好忙又要OT又大壓力,但每次傾電話都傾到點幾兩點...
今日第一次見到佢,我直情覺得佢係我精神支柱咁.
好想拉住佢叫佢唔好走,係度陪我,因為我真係唔想一個人.(果下真係單純想有有個人陪我,聽我講野..冇其他)
但我覺得我唔可以主動拉住佢.我驚佢誤會.
於是我就關左門. 當下或者因為覺得自己一個人好慘.眼淚就不自覺流出黎.

nmybaa

等待驗證會員

nmybaa

4^# 大中小發表於 2013-6-7 只看該作者

PART3
================================================
但我覺得我唔可以主動拉住佢.我驚佢誤會.
於是我就關左門. 當下或者因為覺得自己一個人好慘.眼淚就不自覺流出黎.

坐左係梳化呆左2-3分鐘. 有人按門鐘...
咁我估係A啦,可能漏左野.去開門前我望一望四周,但唔見有佢既物品.跑去睇防盜眼,真係阿A,我一開門佢就行左入屋關埋門.
個表情,我形容下先,類似果D卡通片既主角下定決心做一件事果D樣....(有冇人唔明-.-??)
佢雙手搭住我膊頭,透左一啖大氣,我以為佢要講野啦,但佢又冇喎,跟住嘆氣一聲....
我好糾結,佢到底咩事?
A:其實...(跟住佢咬住下唇)
然後再講
A: 我漏左野.
我:下,我望過喇喎好似冇喎...你漏咩呀?
A:我漏個心係你度
我:..哦....(你地可能覺得好好笑,但我果下真係笑唔出)

我嚐試令大家RELAX番等個環境冇咁怪.....但唔知做咩講出口時就變成

我:哈哈哈哈我有男朋友架喇,而且又就結婚, 你同我唔會有結果架喎.哈哈(好假既笑聲)
A:我知呀.
我:咁.....
A:我唔奢望你開心既時間裡面會有我,只係想你唔開心果時候記得仲有我就夠.(依句我真係好深刻...真係每個字我都記得)

講真一句,我唔開心果時好多時都唔會同人講,係朋友面前都會扮到好開心
阿A依一句說話真係一野插中我要害,人係軟弱既時候,只要有人伸手出黎,你會失去理志咁向佢撲埋去,我就係咁
攬實佢...我唔知點解會咁,但我唔明白咁到底係友情,定係已經超越左友情呢?我真係分唔到.

但作為一個女仔,我真係好需要愛,好想有人對我好.我唔係話男友對我唔好,但係我唔開心果陣,多數都係因為同男友嘈.
咁試問我唔開心時仲有邊個可以對我好?我諗真係得阿A.
果晚,我攬實佢,我同佢講:
多謝你,有你依個朋友我真係好感動.

我自己既家庭就係因為我阿爸出面有女人而破壞,我唔會俾自己行條歪路變成同阿爸一樣咁差既人.

果晚我地坐係度傾左好多野.好正經既.而我從阿A眼神之中睇得出其實佢都係鐘意我架喇,只係我覺得唔應該係咁.好多次都刻意避開果種話題.
傾到第二朝,落去食左個早餐,就送佢搭車走.
果次之後,我地成日收工都約埋去食飯行街.旁人睇上去就好似情侶咁,但我兩個心知我地只係一段好朋友過朋友, 又唔係情侶既友誼.
雖然佢冇開口講過鐘意我或者係暗示既說話,但佢會攬我,拖住我. 不過我識分,朋友都可以攬同拖,唔係咩?
又或者我直接D咁講,係一對未過上床既情侶....

一個禮拜六夜晚,我又一個人邊食飯邊打機.打打下無啦啦部機神左自動SHUT DOWN.
咁我即刻打俾阿A問佢咩事啦.
我:喂,A呀,我個電腦唔知咩事自己關左囉依家開機都冇反應呀.
A:哦聽日過黎幫你睇睇啦.
我:下,你唔係可以REMOTE CONTROL既咩
A:RE乜春MOTE,你機都開唔到.
我:係喎...但今晚我咪上唔到網囉.
A:係架.上唔到架喇.
我:咁煩架.可唔可以即刻整架...你聽日黎,蚊都訓啦.
A:咁你想點....依家...8點架喇喎.入到黎你果邊...9點...整埋...11點....我仲洗走既...
我:我誠邀你訓地下OK?
A:得喇得喇.依家黎喇.你等我啦.

佢黎到我屋企後就幫我睇個電腦咩事啦.發現原來係我自己戇居,踢鬆左個拖板.......咁佢就係度笑我.
我有D嬲,洗唔洗笑咁耐....係咁LOOP 係咁LOOP
我:我點知呀,咁係咁架啦,我一個女人仔可以點.我唔識依D架嘛. 咁佢事實係開唔到機嘛.我知既洗乜打俾你呀.好好笑咩?
A:唔係...你唔好嬲住先...(伸手拍我膊頭)
我一野FING開佢,唔知點解果下想喊,就喊左出黎.....你明既...女人成日都借D意喊,可以唔係因為依件事喊架....
A:....對唔住呀...唔笑你囉.

我冇理佢繼續掩面喊,我喊係...啜泣果種.冇聲既.....咁先乞人憎...
因為男人見你喊,都會覺得你慘,而見到你忍住喊,但係度斯斯索索咁,仲慘....好似好委屈咁...
佢想攬住我, 我就不停避開,一路叫: 你唔好理我.你咁中意笑你笑夠佢呀.

其實我都係借D意姐,冇諗到佢好上心,佢突然好大力咁拉住我手,再攬住我!
果下我發覺,好似唔同左感覺咁...我真係呆一呆.

我都未呆完,佢竟然鍚埋黎@_@

打住咁多先. 要出街.