上報了!
[情色時光機］深水埗變90年代東莞街 髮廊失控暗格服務老少尋歡
香港愈來愈大陸化，連情色行業也一樣…………
深水埗這個舊區，一向都有由新移民女子經營的髮廊，她們會暗中提供色情按摩服務，「啲髮廊好奇怪，好似以前國內嘅色情髮廊，但係我唔知裡面係咪色情，因為見到好多中年女性 穿著性感短裙，坐喺舖頭裡面。」深水埗街坊阿文說。
近半年來，這些色情髮廊愈開愈多，單是醫局街和海壇街，便有二十多間，再加上附近一帶，保守估計超過四十間，十分誇張，「髮廊啲女人有時都會企喺門口，佢哋多數會兜搭男街坊，問對方入唔入去按摩或者洗頭，而女性則從來無見過有兜搭。」
阿文表示，這些髮廊對附近街坊或多或少都會有影響，「因為有時候自己一個男人路過，佢哋都會走出嚟問你係咪按摩？其實都頗尷尬，又見過有啲女街坊拖住小朋友，行過嗰啲髮廊門口，都唔會行咁埋，盡量離遠少少。最慘係，會吸引好多嫖客來這裡，的確會令環境變得複雜。」
深水埗區議員衞煥南亦說，這類髮廊近一年好像多了，「如果沒記錯，有些鋪頭結業後，就開了這些髮廊。近來我都發現，有街坊投訴，這陣子這些坐在髮廊的女子，因為是隔著玻璃，途人行過時，包括我自己，不知為何會拋媚弄眼，或者叫人入去，現在就是這樣。」他說早前已去信警方，要求加強巡邏。
採訪：專題組
https://nextplus.nextmedia.com/article/2_672028_0
