前往沖繩島的旅客最後召集,請到42號登機閘口登機......。我拿着登機證趕到閘口,登上飛機搵到座位便坐下,已經多年無單獨一人去旅行,雖然只是3日2夜的短行程,但是這個旅程足夠讓我重新去思考自己到底想怎樣,面對老婆與Co的關係,我應該如何處理?呆呆進入沉思的我,突然被一把女聲拉回現實。
女:「先生,唔好意思!麻煩你可唔可以遞一遞餐盤畀我。」
原來已經到派餐時間,我打量一下坐在我身旁窗口位的女士,染了一頭啡金色的長髮,樣貌算是標緻,目測大約30歲左右。我說聲唔好意思便將餐盤放到她的餐桌上,之後閒聊幾句,得知這位女士叫做Petty,與我一樣獨自到沖繩旅遊,說是與男朋友因感情問題鬧反了,因此出走去散散心。我倆互相抄牌後,我說笑道:「如果你有啲地方想去,又唔敢一個人去可以Call我陪你。」佢笑笑回答:「好呀!但怕唔怕阻住你去玩?」我諗一諗說:「我除了明早約實了去觀鯨外,其餘時間都得閒,你有咩地方唔識去都可以搵我。」
就係咁,短短2.5小時的機程不經不覺就過去,抵達那霸機場與Petty分道揚鑣後,我便先到酒店放低行李再作打算,望望電話看見Petty真的留了幾個訊息畀我,估不到接下來會發生我意料之外的事......。
<待續>
想一氣呵成收看可揀「只看該作者」,謝謝支持!
[
本帖最後由 剛勁的倉務員 於 2018-3-11 12:22 PM 編輯 ]