星期一流流,第97話~
Abby XCVII
阿星返咗屋企執嘢,下星期去放大假,臨離開榴槤之國都四圍玩下啦。雖則阿星前前後後出出入入榴槤之國都好多年,今次一條麻甩自己嚟做嘢,返到香港就冇咁自由自在啦,臨走之前梗係玩餐勁啦。阿星真係自己去玩喎,一個女伴都唔帶去,搞到佢哋個個都不依,阿星話最後一個星期會瘋狂愛惜大家,呢一個星期真係要靜心下,唔係第時返到香港太靜焗會唔慣。旅行途中順便寫下文章,第時有得講下啲老作嘅故仔嘛。
正喺阿星整理好行李,坐定定喺開放式厨房嘅早餐枱上面開始執筆老作……………寫作嘅時候,有人喺出面㩒鐘。夜媽媽邊鬼個呢,呢度有人嚟都並唔係咁容易入到嚟,除非好似Miss Tang同Gina地咁,差唔多隔一兩晚就上嚟阿星度,啲印巴籍保安只會眼甘甘咁望住之外,就係當阿星拖住佢哋行出街食飯嘅時候俾啲保安嘅熱熾嘅眼神射穿,一般時候除咗佢哋幾個之外,都唔會有人嚟揾阿星,而且佢哋都有鎖匙,可以直接開門,點會仲㩒鐘咁麻煩呢?
都真係夜,唔通有人飲醉咗,揾錯門?阿星決定唔理佢,好多時都會有啲盲樁樁嘅人㩒錯門鐘,又或者白撞嘅人想借啲意入屋打劫,雖然阿星都叫做恐武有力,但係夜媽媽就真係唔好亂嚟喇,阿星怕鬼㗎,你唔係唔知下話?門口出面條友真係好唔凑米氣,阿星唔理佢,佢竟然係咁㩒門鐘,㩒到阿星好鬼煩,究竟係邊個咁五行欠打,喺呢啲時候阻住阿星寫故事呢?
正所謂:
光陰如箭日如梭
離別在即獨自處
偷得浮生來寫作
忽地門鈴響不停
來者何人心有數
又正所謂:
淫俠臨別馬泰星
執筆行文意興升
夜靜忽聞敲門聲
誰人冒昧打擾星
金翅火都嚟鳥!!!!
(待續)😬
[ 本帖最後由 star_platina 於 2021-8-23 11:10 編輯 ]