食晏嘅時候第66話~
Abby LXVI
Elly望住阿星嘅眼神係好複雜嘅,有愛憐,頑皮,渴望,羞澀,思念,不捨,太多太多不能盡錄。雖然七點零鐘天色開始黑,但係Elly嘅眼神阿星仍然睇得好清楚。阿星明白,日子只會越嚟越短,相見嘅時間只會越嚟越少,大家對大家只會越嚟越渴望。Elly係,Gina係,Miss Tang係,遠喺獅城隔離嘅Erieann更加係。阿星唔知道Louise最近嘅情況,佢搬走咗之後阿星地都好難揾到佢,有時揾咗都冇答,實行已讀不回。至於Cassy,人地結婚在即,俾佢做番個好女人啦。
泊好架車喺屋企個停車場,阿星拖住Elly行去Gina間酒吧度,間酒吧一如既往,仍然好忙,啲人嚟睇美魔女Gina捽碟,阿星今晚夜啲都睇Gina喺阿星面前捽碟。貴賓房都係留番俾阿星地,點知入到去,已經有人坐咗喺度飲緊悶酒。阿星望下佢,望下Elly,再次望下坐喺梳化度嘅呢個人,個腦“轟”一聲,完全冇辦法諗嘢。點解佢會喺度呢?
Elly抆抆阿星衫袖,同阿星話:「不如你去攞多幾支酒入嚟好冇?」好啦,阿星問坐喺梳化嘅人要飲咩,佢舉起支啤酒搖咗兩下,收到。所以阿星行出去酒吧度同個吧文攞啤酒,吧文都同阿星地熟啦,見阿星埋嚟都已經走去攞咗六支啤酒加個雪桶嚟。阿星一路等啤酒,一路喺度諗,點解佢會嚟呢?唔係話咗唔好走咁埋,費事大家尷尬咩?真係諗唔明究竟佢諗乜,不過或者係阿星諗得多咗啫,可能根本完全唔係果回事。咁係邊回事呢?
正所謂:
眾美眸神具特色
女伴離去香蹤杳
到達酒吧目的地
腦門突然轟一聲
驚見伊人早到達
莫非慾拒還要迎
金翅費解鳥
(待續)😬
[ 本帖最後由 star_platina 於 2021-8-5 19:31 編輯 ]