Cassy VI
升降機返到落地面,門打開之前,阿星即時縮開一雙鹹豬手,而Cassy都即刻好自重咁企返直扮冇事。查實都凌晨一點幾,大堂一個人都冇,冇人等升降機啦。Cassy望下大堂,然後㩒返19樓,升降機門關上之後,佢又再次埋嚟用手勾住阿星條頸,話:「好玩嗎?」阿星無奈,唯有點點頭。個衰妹瞇住一雙電眼跟住就問:「想唔想再玩多啲?」「我剩係想去疴篤尿啫,再係咁落去我會中尿毒而死。」Cassy笑咗出嚟,雙手並未離開過阿星條頸,35F亦都順勢壓住阿星,偉大嘅事業線亦都因為整個人壓向阿星而變哂形。Cassy一路望實阿星,然後話:「我從來冇見過一個人好似你咁怪。」
老實講,有個咁主動嘅女人喺你面前,相信你都好難守得住。阿星都係男人,都飲咗兩杯,都真係好急尿,當時只能夠諗到快啲去佢屋企疴咗尿先講。去到Cassy屋企,由於佢自己一個人住一間過千呎嘅apartment單位,由門口問明咗厠所喺邊度之後,阿星就一支箭咁衝入厠所,啲尿差啲等唔切阿星除褲就想流出嚟。老友,如果你係阿星,相信你已經喊咗。篤尿真係忍得太耐,疴出之後阿星直頭流咗眼淚,太急,忍咗好耐而接近爆裂嘅膀胱得到抒解,阿星因為流眼淚,忍唔住合理雙眼抬高頭,等啲眼淚唔好流落嚟。突然之間,阿星感覺有啲異樣,尿未疴完,點解冇咗尿落厠所嘅聲?唔係啩?阿星真係唔相信自己雙眼,完全冇徵兆嘅情況之下見到啲咁嘅嘢,相信你都唔知俾咩反應好。阿星撐開對因為忍尿忍太耐最後終於疴得出而令到淚腺激瀉所以佈滿眼淚嘅雙眼,模糊中睇到一個嚇人嘅情景,由於半夜實在太靜,靜到阿星根本冇預料過會有啲咁嘅事情可以發生。阿星見到嘅,係一個人頭。
(待續)😬