又收工啦各位，第14話～
Abby XIV
阿麻油味Abby好明顯攞咗阿星嚟同阿父親大人比較，而且仲要係樣樣都比，不過阿星應該比唔過阿父親大人嘅事業成就，比女伴嘅話，阿星應該可以認番次叻嘅。不過家陣唔係爭第一，都係少出聲為妙。但係通常喺呢啲時候，又點會俾你隱瞞得到呢？阿星個爛舊電話喺呢個時候響起，應該係震動先啱。收工時候嘅電話，通常都係打嚟賣廣告或者係啲銷售嘅電話嚟嘅啫。
個電話係Miss Tang打嚟嘅，佢話Gina叫佢同阿星去佢酒吧度飲嘢傾計，問阿星幾點去喎。做咩叫阿星唔直接叫，要揾Miss Tang叫咁間接呢？阿星望下個電話，原來Gina一早喺阿星掛住望女仔嘅時候，已經打咗短訊過嚟，係阿星睇唔到，冇答佢啫。嗱，呢個故事教訓阿星，如果事情未睇清楚之前，千祈唔好咁快亂定結論。既然Gina約阿星，阿星點都要落去啦，之但係阿麻油味Abby又點搞呢？問下佢想唔想跟阿星去囉，應該會拒絕，然後走啩？
其實大家見面嘅時間越嚟越少，阿星都想多啲見佢哋，雖然見得越多越會唔捨得，但係大家都想盡量多相聚嘅機會同時間。Erieann住到冇雷公咁遠，少見就唔在講；Louise已經搬走咗，只係有限量地同大家接觸；而Cassy要籌備婚禮嘅嘢，都唔得閒理阿星地；Elly都會同阿星食晏，叫做每日見得多；最多見面嘅係Miss Tang，成日上嚟幫阿星執屋；同埋Gina，有時收工唔返屋企，就喺阿星度瞓。阿星想多啲見到幾多就幾多，其實做唔做已經唔係重點，而係爭取多啲相聚嘅時間，俾大家留低更多嘅回憶。
正所謂：
麻油凡事皆相比
英雄內斂不作聲
美女來電邀聊天
眾位靚伴自事忙
爭取相聚好回憶
欲知後事如何，請看下回分解
（待續）😬
[ 本帖最後由 star_platina 於 2021-7-14 18:06 編輯 ]
