星期四約咗佢十二點，佢遲咗半個鐘先到，攞定奶粉等足佢半粒鐘，但見到佢即刻精神晒，全黑緊身上衣，短裙黑絲，佢一見我即刻對唔住，話過關好多人，我緊係話唔緊要啦！（個心入面勁小）
跟住預備行返去火車站返去，點知佢話不如食野先，咁又好，喺搵野食途中，知佢有條仔，不過佢條仔已經返咗鄉下過年，佢喺龍華同屋企人過年。食嘢途中，到佢問我有無女朋友，梗係打死都話無，仲大佢話唔信比個電話佢睇下，（好彩佢無睇），跟住就問長問短，又問我係咪成日幫人買奶粉識女仔，我話通常買奶粉都係媽媽，邊有妳咁靚女去買奶粉吖，佢即刻笑晒話我口花花，應該呃好多女仔，我即刻話咁呃唔呃到妳吖，佢笑而不答。食完嘢行去火車站，仲拎緊四罐美X臣，行返去火車站都要差唔多廿分鐘，途中有好多人，佢開頭同我平排行，途中我驚佢比人撞親，叫佢行我後面，費事佢比人撞親，行行下佢捉住我手臂行，我轉頭望一望佢，佢剩係笑，咁繼續行繼續吹水講笑啦。到火車站上火車，緊係無位坐，咁就搵個位比佢挨住企啦，我就梗係企佢前面，一到上水，成班"暴徒"沖入嚟，我又要做個"防護網"保護佢啦，但"暴徒"太多，"防護網"慢慢縮細，越企越埋佢，佢又無乜野，仲講笑話我保護不力，我其實都乘機企埋啲佢度，一隻手對抗"暴徒"，一隻手攬佢腰，佢又無乜野，我同佢未至於面貼面，但已經好近，我仲講笑咁講，連個天都要我同妳親密啲，佢係咁笑，突然間仲將兩隻手放喺我頸後面，跟住話夠親密未，我答佢咁都叫親密，佢就將個頭挨落我膊頭度，佢呢個動作，令我感覺到佢個胸貼住我，佢又問咁樣呢，我話妳玩我咩，我心跳加速血壓上升會暈架，佢猛話我扮嘢，保持住呢個姿勢去到羅湖，到預備落車時，我話點解咁快到架，想比妳攬多陣都唔得添，佢即刻話我貪心，我話我仲想再貪心啲，佢問我想點，佢講完呢句我就已經咀埋去，keep住咗幾秒，之後車門開就落車，佢又無乜野喎，跟住比兩罐奶粉佢，因為要分開過關，約咗佢喺落去地鐵站條電梯邊等，點知一等就45分鐘，等到痴呆咗⋯⋯好攰得閒再打
