聖誕過後,我自覺我地的感情大進一步, 我連續兩日穿梭各大商場, 尋拭一份合心水禮物送給MR.K做新年禮物,
係某晚買完禮物後會合MR.K食晚飯, 係食飯中途MR.K告訴我12月31日, 佢要去澳門跟客人開會, 晚上參與客人的New Year Party, 所以不可以陪我過
心情即時由天堂跌去凡間, 雖則強顏歡笑, 但心底裹十萬個不願意
也許我演技太差, MR.K睇得出我不高興, 回家過後收到MR.K 的whatsapp, 問我會否願意12月31日係澳門住一晚, 第二日跟佢周圍行下
幸好有朋友在澳門賭場工作, 當日朋友返overnight更可以陪我食飯, 係除夕當日下午我獨自過澳門,
MR.K已跟酒店reception交代過, 我好順利拎到匙咭上房, 床上放了一張心意咭同朱古力, 呢盒朱古力味道我永遠唔會忘記
與朋友食完飯後因朋友要工作, 我就獨自去賭場消磨時間,玩左個零鐘後實在覺得太無聊, 決定返房睇電視, 睇到一點鐘到,
MR.K仍未返黎, 我不知不覺瞓著左. 睡夢中聽到有人回來, MR.K 返黎後坐在床上攬住我想錫我,
我比一身酒氣既佢整醒, 我即時推開佢, 問佢點解全身都係酒味, 做咩事飲咁多?
MR.K 應該已經係半醉狀態, 說話語無論次, 我只好幫佢換衫清潔一下, 比佢好好休息....
安頓好佢後, 我坐係貴妃椅望住這一個男人, 心裏有好多問題............ (現在工作經驗多左, 先明白"工作需要,身不由己", 真心覺得自己個陣好無聊, 諗多左)
第二朝MR.K醒後入洗手間沖涼, 我被水聲嘈醒, MR.K出黎時見到我已經醒左, 就行過黎攬住我為佢既失儀道歉....
這個早上MR.K 想同我曳曳,但我拒絕了
