早輪打咗兩篇後隻右手冤冤痛,再加埋年尾多嘢做,今日年30提早收工就返嚟Update,亦祝大家新年快樂.
[惡女]返咗美國 2個月左右,佢Daddy終於揾我.見面時佢開門見山講:[啊X有咗(X係[惡女]個名),佢話喺[借種],但唔肯講個男人係邊個,我想你親口話我知係咪你?]我承認,向佢表明真係鐘意[惡女],但佢唔肯同我結婚,我仲向佢交待對BB日後安排,佢完全冇懷疑,仲擰晒頭自言自語話:[由細到大都咁任性!]佢已經起晒我底,知我喺佢世姪公司做,仲話啊X讚我好幫得手(X即係我老細).佢連我以前D 風流史都知,不過佢話:[男人要做到風流而不下流嘅原則,就係要對女人負責.]果然都係過來人([惡女]係二奶女),我對佢講[惡女]可能係個天要嚟收我,佢即刻有笑容.我又施展我嘅[擦鞋]功夫,話[惡女]喺我面前周不時讚佢Daddy(我唔係老作,只係誇張少少),攪到佢不知幾咁開心.走嗰陣仲拍拍我膊頭,睇嚟佢對我印象唔錯.
冇咗[惡女]喺身邊,最難攪係[性生活].起初凈係[打飛機](估唔到我會有做返呢樣嘢嘅一日,折墮!),腦入面都係回憶起同[惡女]做愛時的情境.但其實係男人都知根本係兩回事,結果我又回復昔日吊兒郎當,溝女叫雞的日子,不過比以前少好多(相信[惡女]會明白我嘅[苦況]).當中亦有迷失,對另一女人有感覺,但當諗起[惡女],我又會清醒返.同時堅持戴 Condom,亦唔帶女人返屋企.我唔會俾第個女人喺滿載我同[惡女]快樂回憶嘅間屋入面.
接近 BB 就嚟出世的日子,我就飛去Boston 陪[惡女].香港去 Boston 冇 Direct Flight,我要响東京轉機,比着以前我一定寧願俾多D 錢留東京1/2日先再飛,但係依家就等4/5 個鐘轉機,我只係想快D 到 Boston.
睇住個女出世,真係百感交集.我同[惡女],仲有佢 Daddy 都好開心,我想改口叫佢[老婆],佢話[唔準],佢 Daddy都笑埋一份(佢 Daddy 仲早我成個禮拜到 Boston).我同[惡女] Daddy 離開醫院,提起個外孫女佢不知幾開心,叫我唔駛擔心佢兩母女,仲話會幫我落嘴頭勸[惡女]同我正式結婚,等我可以正式叫佢[外父].
喺公司我雖然[叫做]係[高層],但都係打工仔,假期有限,我一年只可以飛過去2次探[老婆]同個女,每次臨走都依依不捨咁.不過早輪嘅受傷又令我算係[因禍得福],又多十幾日假飛過去同佢哋過新年.下次再同大家講吓我呢過難忘嘅新年,同埋我面對嘅一個大難題.希望可以喺農曆新年假期內完成,暫時打到呢到,See you later.
