七不思議食女事件 Vol. 43
「Marvin Sir！Welcome！」我按完鐘，一開門，見到有個後生賓妹應門，即刻彈後兩步，彷彿天花板斗轉星移，城市花園忽變貝沙灣。
賓妹個髮型，同《龍珠》入面人造人十八號既髮型同出一轍；論樣貌，此賓妹與彼賓妹極為相似，均為皇后像廣場貨式，為免混淆，姑且稱為之為十八號。
十八號雖貌醜，但波大腰幼，根據「食囡GPA制度」，佢既樣貌如果只值一隻爛Grade既C，但係波同腰有兩隻A Plus，十八號既CGPA都有3.33，於出名爛Grade既HKU，此乃係我兩兄弟傾盡畢生才智，都難以企及既高度。
我雷射眼再往下掃，電光火石間，我發現十八號既大脾兩側，佈滿左一條條3D地圖般既血痕，正當我猶豫之際，阿予老母，係廚房徐徐行出，一邊抹額邊香汗，一邊同我打招呼：「今日著乾濕褸咁靚仔呀？黎啦，我同工人姐姐煮緊飯，等緊你黎食呀，食埋先幫予予補習啦。」阿予老母望一望十八號，就話：「工人姐姐尋日星期日出左街，介紹唔到俾你識呀！」
語罷，阿予老母眼神忽然怨毒起上黎，同十八號講：「喂，入去蒸埋條魚佢，之後同我鋪報紙呀！」，十八號一面無辜，好似初出道既AV女優，盡力掩蓋大脾傷痕，同阿予老母低聲講：「Yes, Mrs Lo！」
阿予老母，即係羅太，駛開左十八號，就摸住楊太送俾我既Burberry孖襟乾濕褸，拉住條腰帶，唔知讚定彈，語帶雙關咁講：「件Burberry咁靚既，係唔係女朋友送架？你真係幸福喇，呢件衫，要補幾多個鐘習先買到呀？」
「嗯……唔係女朋友送架，咁一分錢一分貨丫嘛，哈哈。」究竟佢係為阿予試探我有無女朋友，定係真心想讚我件衫靚，我望唔透，只好索一索我既Burberry腰帶，搵返半點安全感。
呢個時候，阿予係房走出黎，一見到我，隻眼好似寶石一樣，發出異樣既光芒。阿予當老母透明，一野就攬埋黎，用佢既小山丘頂住我：「好掛住你呀！你要既文，我漏夜唔訓作好喇，乖唔乖呀？快d給個印仔俾我，俾正評我啦！」我將阿予輕力推開，滿面堆歡咁講：「睇過，睇過？」
為左兩餐，犧牲色相，再所難免，令我開始明白牧子做私影既心情，但畢竟呢份係優差，被自己曾經迷戀既妙齡少女膜拜。當然，如果俾牧子見到，佢一定用寒冰掌，又推開兩件狐狸精。
「你地唔好玩喇，快d埋位食飯先，之後入房玩電腦。」羅太完全唔顧佢個女既失禮，使我好想問佢，係咪曾受港大西方教育。
我規規矩矩，住係阿予側邊。今日菜式，與尋日相比，用料足，鑊氣夠，但十八號蒸既魚，好明顯蒸耐左，食落好似香口膠，極難食。羅太一試完，面黑過鑊底，叫係廚房食緊飯既十八號行埋黎，俾對筷子佢，大聲同佢講：「你同我試下，點樣食呀？煮到咁樣，條魚好貴架！你自己成條同我拎入廚房食左佢，我要見到一粒肉都無淨。」
正當十八號想成碟魚拎入廚房，羅太一隻筷子，不遲不早，一野哼左落十八號隻錶到，然後又開始屌：「我叫你成條魚拎入廚房呀，唔係成碟魚拎呀，識唔識聽廣東話呀？係咪教左咁耐，都唔識聽呀？拎啦，仲望住我做咩呀？」
十八號雖然係賓妹，但終究佢都係人，有人類既尊嚴，佢眼神話我知，零點三秒入面，十八號想拎起條蒸到好硬既魚，一野轟落羅太個咀到。十八號拎住油淋淋既魚，掙扎左零點三秒，念及係菲律賓不事生產既年輕老公與雙親，佢將呢度氣，由魚頭吞到落魚尾，骨嘟一聲吞晒落肚到。
我望住豉油係不斷滴落，唔明點解羅太要當住我面奚落自己既賓妹。我偷望阿予，佢只係好高興咁係檯底勾住我隻手，完全唔覺呢件係咩野一回事。呢件事，比起昨日鴻門宴招婿，更加吊弔。
「食飯啦，唔好理佢！佢真係有問題架。」羅太同我講野既時候，又變得嬌媚溫婉，好似換左第二個人咁。
飯間，羅太向我旁敲則擊，想將我起底。我出身寒門，錢就無，爛命有一條，都唔怕同佢坦白從寬。
「Marvin，咁你畢業之後，諗住做咩？」羅太笑吟吟咁望住我。
「我唔知呀，我寫野叻，諗住畢業之後，係屋企寫下野，做全職作家，有多餘時間咪補下習，做下gym囉。」我專登以性價比最低既作家做我既志向，試下羅太既水溫，睇下佢係咪真係咁想招我做女婿。
「做作家好呀，你睇下金庸倪匡搵幾多錢，食版稅都食過世呀！」羅太毫不介意，反倒令我一時語塞。羅太突然之間，接左落去：「咁你諗住幾時同阿予去旅行，一齊玩呀？」
連續兩日既疲勞轟炸，令我不勝煩厭，因此，我講左成個《七不思議食女事件》入面，最誠實既說話：「其實……我唔想拍拖住，咁一男一女去旅行，唔係咁好既，阿予又咁細個……」
說話之際，羅太正要將佢既鮑魚，挾落我個碗到。我道出真相，餐檯沉默，鮑魚無語，大宅之間，只剩下十八號食魚既聲音。阿予鬆開左我手，喃喃自語，又講起佢既前男友起黎：「我個ex同我分手嗰陣，都係同你講過咁上下既說話，話唔想拍拖住。」
「阿予，好喇，唔好再講呢個人喇，夠喇，食完飯，就送哥哥走喇，唔駛再補習喇。」羅太招婿不成，口黑面黑，反轉豬肚就屎，簡直當左我係十八號。
「佢嗰陣對我好好架，又介紹我俾佢d朋友識，令我溶入佢既圈子。」阿予完全無理過佢阿媽，只係一路回帶佢前男友施立毅既故事：「我第一次嗰陣，佢明明話會娶我，呢個……死，佢叫咩名……媽我好頭痛。」
我見到佢咁，大驚，托住既腰肢，睇下佢死得未。阿予將個頭埋左落鋪檯既報紙，緊盯報紙，若有所思，之後，指住報紙上既一隅，大叫：「係呀，呢個姓施既，呃我！呃我！呃鳩我！陳納邦，點解你唔要我！」
阿予一路發癲，一路將d鮑魚仔掃晒落地，係高潮既時候，噗一聲，暈左係地下。
羅太見到個女搞成咁，似乎見怪不怪，將阿予抱起，放上梳化，好冷淡咁同我講：「佢周不時都係咁，無事既，唔駛擔心。我諗佢以後都唔駛補習架喇，我一陣叫工人姐姐拎杯水你飲，定完驚好走喇。」
呢個痴撚線既女人，竟然落逐客令，休左我呢個北角姑爺。羅太一轉身，衝入廚房，屌柒佢十八號：「叫左你幾多次唔好用AM730鋪檯呀！死蠢！阿予唔鐘意見到姓施架，佢又見到施永青個柒頭呀！」片刻之間，廚房竟然靜左。
十八號拎杯水俾我，我見到佢楚楚可憐，不猶得憶起賓妹，「Marvin Sir, naughty boy」，心中竟泛起同場境毫不相襯既一絲淫念。我將水一飲而盡，須臾之間，十八號變成賓妹巧文，吞吐我既玄鐵寶劍，吞吐間，鏡子裡既我，化身成山大，著住艾朗藍斯波衫，被賓妹同十八號追住黎吞吐；人小腳短，我走避不及，遭橫身撲跌，羅太直指十二碼，我明明係獌狗，點解要我著阿仙奴，點解唔紅埋兩隻賓妹出場……
思緒天旋地轉，我又醉了。
(未完待續)
