賈子story

七不思議食女事件Vol. 29

月圓之下，渡輪之上，清風徐來，水波不興。

「你因咩事同條仔分手？」

「我尋日去條仔屋企，佢搞完野沖涼，我咪去玩佢部電腦囉。佢Facebook唔記得登出，搞到我都唔知玩緊佢Account。玩玩下，有條MK妹彈左出黎，話：『好掛住老公豬』。」

「跟住呢？」

「我等佢出黎，指住個Mon，喊住問佢呢d係咩野黎。佢話，同呢條女玩下，唔係認真，最愛個個始終係我。」

「可能佢講得岩，如果唔係，一早飛左你，等佢坐正。」

「耶，你痴線架，你同賤男人講埋d野一樣既。我都知道係CLUB識，無好野架喇。」

「跟手又點？」

「我問佢，呢半年入面，試過幾多次偷食。賤佬喊住咁話，唔計呢個，仲有兩個。」

「屌，你條仔咁撚蠢既，俾著係我，我一定唔認。我細佬讀Law，成日話one is Innocent until proven guilty，又話咩要prove beyond reasonable doubt，好煩架佢。」

「屌我個陣真係好心痛，好似個心要裂出黎咁，我真係唔相信佢，一個口口聲聲話愛我既男人，可以對我咁樣做。」

「你條仔砌你砌得悶，咪想屌新洞囉。男人既野，你唔明架喇。」

「咁即係點呀，學你話齋，屌感情，定屌西呀？」

「屌完感情，總有一日想屌西架，咁而家屌你屌到悶，咪搵第二個囉，你明唔明男人諗咩野呀？好似打邊爐咁，你食清湯食得多，都想食下隔離沙嗲啦。嘩，等陣，呢段好精景，等我用Iphone記低自己講過d咩，用黎做我本小說既對白。」

「Marvin，你真係好搞笑。你拍過幾多次拖？」

「大學既話，女就食過六條，拍拖呢，唉，我都唔識計，來得快，去得快，唔小心傷害過一D人，一D人又傷害過我。你呢？未識我之前，你係一個點既人？」

「其實我今年考完DSE，想做一年野玩下，下年再去澳洲讀書。我貪玩囉，好勝囉，之前拍過幾次拖，雖然我姣，但係我好專一，對男朋友好好架，哈哈。我唔想再信男人，我覺得我無辦法認真再去愛一個人。」

「你呢個屌西，唔屌感情既小淫娃。」

「耶，你好衰架，咁話人。你對上一次拍拖係幾時？我前日。」

「上個月，佢同你髮型同埋小動作都差唔多，但係佢白淨D，同埋隻眼大D。見到你，我就成日諗起佢。」

「我隻眼細細，單眼皮，一對淫蕩眼，先夠姣，同多人鐘意，唔信，我哄埋d，俾你睇下，睇下….哈哈」

「你哄咁埋，我驚我把持唔住，一野轟落去喎。」

「一野轟落去？」

於是，我一野怒轟佢既虎牙，渡輪引擎轟隆在轉，濕瀝的情感跳進海裡去，打碎了水中的月亮。

「不如，我地搵個靜D既地方傾下計？」阿予摟住我條頸，不作聲。我同佢既瞳仁，只有大概半隻雞翼尖既距離。

十二個雞翼米既日與夜，就令我同眼前呢個女仔，主動提出同我去爆房。我望住阿予既小眼睛，除左佢初熟既肉體之外，驚覺一切都好陌生。我實在唔知道，究竟我係屌感情、屌肉體，定係屌緊自己既強烈既好勝心。

「拿，淨係傾計咋，雖然我貪玩，但係我唔係咁隨便既女仔。你會唔會對我認真？」

「唔會，我只係想拍散拖，做散愛，取下材，做一隻愛情既游擊炮兵。責任呢兩個字對我黎講，太湮遠。但係，我真係幾鐘意你。」

「好啦，同你一齊，開心就好。」阿予語帶失望，然後給了我一個最甜蜜的吻。

今夜星光燦爛，陸客如蝗，我拖住阿予落船，離開尖沙咀碼頭，搭上欲望十一號街車，疾馳往金巴利道百佳主場。

一行到去金巴利道，正當我諗住直駛去百佳之時，阿予竟然拉左我去諾士佛台既酒吧，兩個故事，一個開端。

「你一坐低到而家，拎個電話出黎掃掃掃無停過，你係咪好唔鍾意我呀陳納邦？」阿予酒量極淺，飲大兩杯已經唔係好得。

一坐係呢間酒吧，不安既感覺油然而生。大學時候，我最驚Presentation，每次present，我都要好似渣住救命草咁，要渣住枝筆，先至講到野。今手中無筆，唯有將電話不斷解鎖，分散注意力。

「唔係，但可唔可以唔好叫我全名。叫我全名既人，都會遭逢不幸。鐘意既話，你可以叫我做邦邦、Marvin或者賈子。」

「Kai子？咩黎架，邊個改架？」阿予又隊左一杯Mojito。

「唔好問啦，呢一秒過左去就係過左，你同我都返唔到轉頭。」

「屌，問你又唔講，又係到講佛喝偈，吔屎啦你！」跟手，醉到戇鳩鳩既阿予，一杯酒潑埋黎，淋濕左我阿媽送俾我既黑皮褸，仲行過黎，係咁用指甲抓我。

「賤男人，呃鳩我，仆街！」阿予好似楊太咁歇斯底里，平時最肉疼衫褲既我，竟然無絲毫怪佢，係眾目睽睽之下，攬實左佢。

「施立毅你個仆街。呃鳩我！呃鳩我！講過唔算數！」

幾十對眼望住我同呢個醉娃糾纏，逼使我大力拉住佢去自己胸前。酒既微香混雜阿予既少女幽香，再加上佢軟綿綿咁，挨左係我巨胸之下，令我一時之間意亂情迷起黎。

極醜惡既午夜凌晨，我夾左阿予去百佳。

「醉到咁，我地唔招呼架喎！過主啦！」百佳既阿姐盡忠職守，一見爛醉既阿予，即刻想趕我地出門口。

為左阿予，我忍痛係口袋拎左兩舊水，塞俾阿姐。阿姐即刻好似國產凌凌漆入面既公安，變得極好招呼，仲提我聽朝記得12點之前checkout。

阿予訓左落床，不省人事，胸口如峰似巒，腰肢之間，無半分贅肉，好似伊甸園既禁果。

我腰際既毒蛇引誘不斷，於是，不可思議既事就發生左。

(未完待續)

賈子story

七不思議食女事件 Vol. 30

正所謂酒醉三分醒，但而家飲多兩杯，阿予就被我輕易帶左去爆房。究其原因，係因為佢人盡可夫，定係想報復前男友既不忠，抑或真係鐘意左我，我真係唔明白，亦唔理得咁多。我又唔想負責任，又想佢喜歡我，又想砌佢，一時三刻，內心既矛盾，比龜頭充斥既血還要多。

常人睇小說，往往要求代入感。中五暑假，我係圖書館兼職，載滿廉價愛情小說既書車一推出，就會好似岩岩出爐既點心車一樣，遭食客團團圍住，被中女搶購一空，祭食客五臟六腑，伴中女夜來幽夢。我自命風流，到處留情，食盡中菲韓，睇《神雕俠侶》既時候，以為自己係飛揚跳脫既楊過；但我而家坐係床邊，面對不能動彈既阿予，纖腰輕摟，情思欲動，內心既軟弱，同玄鐵重劍既堅硬恰恰相反。醜陋既現實話我知，我只不過係假道學既尹志平。

所以，我決定拎部Iphone出黎，構思下小說情節，分散注意力，正是：關公下棋療右臂，Marvin著書抵淫邪。

(阿杼同阿邦去左飲酒，然後阿邦乘人之危，帶左酩酊大醉既阿杼去爆房。阿邦係一個好人，係最危急既時候，著番條褲。阿杼爛醉如泥，不斷嘔吐。)

(於是，阿邦叫百佳既阿姐入黎執房。阿姐係老夫少妻新移民，芳心寂寞，年輕守寡，見到俊俏既阿邦，竟然好似盤絲洞既蜘蛛精，一見唐僧，難忘醉人，引左阿邦去百佳入面既員工房，做起愛上黎。)

(啪啪啪，啪啪啪。阿邦年少氣盛，抵唔住誘惑，屌左個無手尾跟既阿姐。)

(嘩眾取寵？理得你。但係呢一Part實呃到好多Like。情節越曲折離奇，就越多人睇，一於咁話，就寫個世界級既甜故。)

我坐係阿予隔離，寫下寫下，見到佢半截小蠻腰，忍唔住伸手就摸。我初時極為膽怯，但酒精上湧，雙手漸漸放肆，不斷係佢腰間游走。大醉既阿予橫波低垂，雙眼無意識咁望坐我，竟然捉住左我褲頭，隔住牛仔褲揉搓我既要害。我感覺到自己玄鐵重劍遇熱膨脹，不得不鬆左腰際既皮帶。

驀地，阿予好似電影驅魔人一樣，坐左起身，不斷鳩叫，口裡喃喃一種我不曾聽過既語言。曾經有一刻，我以為百佳張床，會好似電影入面一樣，升上天花板，或者阿予個頭會180度擰過黎，望住我笑。好彩，呢兩件咁不可思議既事都無發生。

阿予捉住我個頭，用佢無辜既眼神望住我講：「施立毅，我真係好鐘意你。點解你要咁對我？」跟手，佢就一野轟落黎。正當阿予越用佢咀角武功馴服我，我就越乜柒唔知道，淨係知道我既玄鐵重劍，被阿予既陰西磁場吸引，就快忍唔住要出鞘。玄鐵劍控制大腦，屌感情、屌肉體、楊過、尹志平，殊途同歸，都要屌西。

阿予只顧索吻，施展起同歸劍法，只攻不守，腳腳七注，全然不知我內心既掙扎。

阿予係呢一分鐘，舌頭轉動左大約一百次，而我部Iphone，起碼係我褲袋震動左超過十次。萬梓良曾經講過，阻人地扑野，死左會俾人燒春袋。我鳩硬似鐵，好奇心驅使，不由自主睇下邊個係咁打黎，要受阿鼻地獄之苦。

一個不存在於我電話薄內既號碼。

「喂，而家幾多點呀，仲打黎。」我一野轟落去，屌柒呢個午夜凶鈴。

「Marvin，係我。」電話既另一邊，傳來似曾相識既女聲。

「即係邊個呀？我做緊正經事，無心機估你係乜水，講就講，唔講就收線。」

如果呢個係一把男聲，我一定會好似平時收到「猜猜我是誰」既強國騙子電話一樣，一野就cut佢線。勢估唔到，呢個微小既決定，竟然係故事既轉捩點。

(未完待續)

abcaba123

吊 入戲肉就停左  ching 你好野..
加油 keep writing!
支持你
PS, fb 已經第一次睇完就一早like 左啦

s987358

好吊引........

希望係牧子

打了兩年飛機

C兄，好睇呀，支持你繼續寫落去
我估係牧子

Cartoonbaby2007

我估係山大呀媽

主音仔

牧子打俾你？？

空虛的人

It's a very good story .....support

AlpharddrahplA

牧子's call.....

太極廿四味

停左:') :') :')