patkm

好睇！

cx829

support

主音仔

支持

ckm

Great! It's wonderful!

我係lok~~

好多字喔   

賈子story

七不思議食女事件 Vol.25


我係故事既開首講過，世事就係由無數個巧合拼湊出黎既現實。世事好多野，完全唔由得你控制，好似我扑o靚模阿Yan咁，發生左就係發生左，哪怕我係夢入面，只不過係屌緊楊太個賓妹。


呢個星期日既晚上，我嘗試打俾牧子，唔知係咪因為我係拍拖記念日放左佢飛機，佢嬲到電話都熄埋，Whatsapp最後上線時間，好似冰一樣凝固左。我內心泛起些許不安，又有幾分愧疚，我諗我無端放佢飛機，對佢傷害一定好大。至於野狼，我更加完全唔敢面對佢。


不安既晚上，陪住我訓覺既，只係有親戚送俾我既Ipod。


「人在風暴中，無奈的打轉，如像風砂，倦也須兜圈…」


「無奈的疾衝，無奈的刁轉，曾熱的面孔，漸缺少溫暖…」


「嘿喲…唔嘿喲…飛砂風中轉…」


「嘿喲…唔嘿喲…飛砂風中轉…」


隨機播放緊既，係我偶像林振強填詞既《飛砂風中轉》，呢個偶然既巧合，彷彿預告緊牧子既不幸。


然後，我就訓著左。


夢。


夢。


夢。


夢。


夢。


夢。


我係怪人，幾乎每日起身，都會記得自己發生過d咩野夢。我對夢極為迷戀，甚至會係床頭放上紙筆，以防我一時忘記自己發生過既夢境。


我哥日明明發左好多夢，不論我幾努力係記憶到漫朔，我總係一個夢都記唔起。


我訓到差唔多一點，一起身，就收到野狼既Whatsapp。平時佢淨係會係「HKUWolfpack」呢個Group到同我講野，但係佢今次私底下Whatsapp我，仲要鬼死咁長，我已經知到大事不妙。


「阿Yan好唔好砌？定係牧子好砌d？等我話你知，一定係牧子好砌d，怪唔知你沉撚晒船。尋日阿Yan同我講，話你帶左佢去划艇會扑左佢幾獲，我唔知你當我係咩，但係我由細到大都當你係兄弟，你而家咁撚樣對我？上次CityU哥條臭西俾綠帽我戴，你咁快唔記得喇？


拿，牧子係雞，阿Yan係o靚模，所以佢地兩個都係雞，有錢就上得。我尋日上網搵左你條女電話，係百佳幫襯左佢一Q，幾撚窄，幾撚過癮呀！而家我地算數，打個和，不拖不欠，但係我真係好撚憎你。」


我拎住個電話，手都震埋，眼淚就不自覺咁流落黎。我媽自小就教我男兒有淚不輕彈，對上一次眼濕濕，已經係機場送別韓妹允雅，再對上一次，大概係我阿爺走哥陣。


究竟係因為野狼砌左我女友、定係為牧子感到可悲、抑或為砌左阿Yan而感到對唔住兄弟而喊，我實在無從稽考。我從來都唔介意牧子為生活、謀稻粱去出賣自己既身體，因為佢只係好似飛砂一樣，遭風一吹，就不由自主咁飄蕩於半空之中。

但係，牧子係唔知情既情況被好兄弟野狼搞左，縱使浪子如我，乜撚野「受港大西化教育」，一時三刻，都好難接受。


野狼係我識既人入面，最狼既人，個名就係咁樣得黎。有一次，我同佢一齊搭的士，個的士佬兜路，野狠就同的士佬初則口角，繼而動武，我禁都禁佢唔住。好彩哥次走得快，先無俾人拉。再者，綠帽係佢既痛處，今次我唔小心觸動到佢既神經，仲有阿Yan係隔離加鹽加醋，先令到佢咁樣報復我。


野狼又唔可以怪，牧子又唔可以怪，究竟我又可以怪邊個呢？


我氣上心頭，走去廚房，攬住左我阿媽既肥手臂，好似細個唔見左個爬兵玩具咁，喊到仆街。我突如其來既舉動，嚇親我阿媽。


「邦邦，傻左呀，你做咩喊呀？」我廿幾歲人，阿媽仲係叫緊我做「邦邦」。


「我唔識講…….遲d同你講，媽，我出街，打個電話先。」


我收左聲，換件衫，笠件黑皮褸，就走左出街，打電話俾牧子。


「尋日你去左邊呀？你唔記得你約左我架？我係你Raymond屋企，等左你成個晏晝，我仲準備左野送俾你架。」牧子把聲，我實在好耐無聽過。


「無，尋日有屋企有d事，我番左大陸探親戚…….」我思緒極混亂，講左個拙劣既大話。


「無啦啦番大陸？我唔信呀，你係咪有野瞞住我呀？」


「係，牧子，不如我地分開下…」


初相識總係甜蜜美好，而分手既說話，往往換來死水般既寂靜。


「你係好女仔，但係我始終唔係長久哥一種人，我唔想誤左你D時間。」


電話既另一邊，傳黎牧子既嗚咽：「原來你都係D咁既人，你係咪睇我唔起？」


「唔係。」百感交集，我實在無力再解釋。


「咁，份禮物，你仲要唔要呀？」呢句說話，我永遠都記得。


一見到牧子，就諗起野狼對我既傷害，再加上我對佢既愛受之有愧，自私既我虛怯得無面目再見呢個女仔，所以，我狠心咁講左一句：「唔要喇。」


就咁樣，牧子就掛斷左。


至於野狼，自從哥次之後，我無搵過佢，佢都無搵過我。我先知道，原來可以同你一路稱兄道弟既人，下一秒就可以同你形同陌路。細個成日係紀念冊寫「友誼永固」，都只不過係鳩up。我有負於野狼在先，唔可以怪佢既衝動，只不過，我真係暫時都唔想搵佢住。


我諗Raymond大概都知道咩事，佢夾係中間，左右做人難，有時我見到佢，即刻諗起萬惡既御龍山淫亂派對，即刻唔知講咩好，所以，我同佢都疏遠左。


牧子從來都唔知道，哥日砌佢既客，係佢男朋友既好兄弟。我唔打算俾佢知道呢件咁醜惡既事，因為呢個惡果，係我一手造成，牧子係全然無辜。所有既罪疚都歸於我，不應由牧子呢個咁好既女仔承擔。


自此之後，牧子就好似柴火一樣，被我狠狠咁熄滅，化為塵埃，在風中兜兜轉轉，至於佢有無飄落在別人身上，我不知道，亦都無辦法去猜度。


隔左大約一星期，我上番Raymond阿爺屋企，一黎想見下牧子，二黎想執番d雜物。一上到去，人去樓空，只係見到Raymond阿爺張安樂椅前後搖晃。


我執下執下，見到房既一隅，放左枝木結他；結他隔離，係白先勇既《寂寞的十七歲》，書入面夾住張紙，密麻麻寫滿音符，原來係結他譜。


結他譜背面寫住：


「 Marvin:  


係你最鍾意既The Scientist。隻歌我練左好耐架喇！如果難聽，你唔好笑我呀。仲有，本書係我買俾你既紀念日禮物，一個月快樂呀陳納邦。


牧子」



諗起短髮既牧子，初見之時係灣仔同我講：「鍚，係留番俾男朋友架既」，我頹然坐左係床上面，拎住個結他，一路哼起The Scientist，呆呆出神。

「陳納邦，香港人，二十三歲，文學士，二零一四年六月一日香港大學畢業----」


我拎起本《寂寞的十七歲》，使得短髮牧子既呢番話，重新浮現係腦海。跟住，我心中不由自主，接左落去：


「惟二零一三年十月某日黃昏死於香港，屯門山景邨。」


(牧子篇完結，七不思議食女事件未完待續)

jerry1123

睇到想咸:smile_o03:

kisshing

SAD....

主音仔

我會選擇牧子。。

tenderkenji

其實呢個女仔咁硬淨，絕對受得起你對佢誠實，佢自己做cc, 抵得渴。你飲大咗，阿Yan 引鳩你，大家都有責任。