話說小弟未結婚前，曾經有段時間住係灣仔區唐樓，因為放便去浦，不過如果飲大咗，要扒樓梯返屋企果下都幾甘。記得當年住果度七層高，而我就租咗個單位係天台對落兩層。
起初搬入去都未試過上天台，直至有兩個月後夏天嘅某一個星期六下午，我突然心血來潮想上去睇下。行到上去雖然地方唔大，但都幾乾淨，同時間太陽伯伯正對住我微笑，眼見咁好地方，就決定一得閒而又有太陽嘅時候，就上天台嚟個日光浴。
再過多兩個星期嘅周末晚上，我如常浦完返嚟，睇睇錶十一點幾。嘩！咁早又未醉，咁我就係屋企攞咗兩三罐啤酒，換咗平時係屋企著開嘅背心波褲(平時係屋企只著波褲，裡面唔著底),跟住走上天台，一邊飲酒食煙，一邊欣賞下炎夏夜景。到咗十二點幾，突然聽到類似高踭鞋嘅聲從樓梯傳嚟，咁我就即刻搵個冇光照到嘅地方收埋自己，睇下呢條女乜料。
佢上到嚟，雖然睇唔清楚個樣，但睇身型都算細粒，長髮，一身 OL 打扮，可惜呢個位睇唔清佢個樣。佢上到嚟之後，行到去圍欄邊，隱約聽到佢係度喊，仲攞住個電話講唔停。呢個時候，我估佢應該係同條仔感情有問題，咁我就一直企係個唔見得光嘅位置冇現身。大約過咗廿分鐘左右，佢就離開天台，咁我就出番嚟繼續留係天台飲酒。
又過多十幾分鐘，今次我又聽到有腳步聲，但今次因為太突然，所以我就冇收埋自己，繼續坐係度扮冇嘢。今次開門入嚟天台嘅，居然又係佢，但今次佢換咗衫，一件 T shirt 加短褲再踢拖，由於今次近距離相遇，加上天台門燈照射，就好清楚見到佢個樣，估唔到都幾靚女下，身材都唔差喎。
開工先，有時間再打埋落去。
